كل ماتجوز
كل ما اتجوز واحدة تطلع حامل من غير ما المسها… ولما اكتشفت السبب كانت الصدمة”
في البدايه اعرفكم بنفسي انا عمر
عندي 30 سنه وانهارده يوم فرحي و ودخلت الشقه انا ومراتي لقيتها بتقولي
ساره
انا عايزه اقولك على حاجه بس مش عارفه اجبها ليك ازاي والله انت طبعا عارف ان الجواز
بتعنا كان صالونات وانا معرفتش أن اعمل فتره خطوبه بسبب عمي وبجد عايزه شويه
وقت بينا عقبال ما ناخد علي بعض
عمر
طيب هو انتي ما قلتيش الكلام ده ليه قبل ما نتجوز وانا كنت هحاول اتكلم مع عمك
ساره
ارجوك تحترم راي بجد انا عايزه اكون معاك علشان خاطر بحبك مش علشان خاطر
عمي عايز كده وبس
عمر
تمام يا ساره ادخلي غيري هدومك وريحي
في الاوضه
وبعدها هو راح علي الانتريه ومن التعب نام
تاني يوم صحي علي صوت مامته
الحما
قوم يا اخره صبري عريس نايم على الكنبه الليله صباحيته هو في ايه اللي حصل بالظبط والهانم ازاي تسيبك نايم كده
وبعدها هو قام وقال
عمر
هو في ايه يا ماما وبعدين هو انت دخلتي من باب الشقه ازاي مش المفروض انك تخبطي ولا ايه
الحما
هو ده بس يا حبيبي اللي شاغلك ما انت عارف ان العروسه ولا ليها اب ولا ليها ام وعلشان كده قلت اطلع صينيه الاكل واحطها في المطبخ وعارفه ان باب اوضه النوم اكيد هيبقى مقفول يعني معرفش أن حضرتك نايم هنا
عمر
ارجوك يا ماما تهدي شويه وطي صوتك هو انت عايزه الناس تسمعنا ولا ايه بجد انا كنت حاسس ان انا تعبان شويه امبارح علشان كده نمت هنا
الحما
بقول لك ايه يا واد انت صبرك بره ده ما كانش مريحني ما تتكلم على طول وتقول ليا الموضوع في ايه لاحسن انا كده بدات احس ان في حاجه غلط
عمر
قولتلك يا ماما ما فيش اي حاجه لو سمحت بقى حطي الاكل جوه وانزلي مش عايز حد يتكلم معايا في اي حاجه
الحما
ماشي يا عمر لما اشوف اخرتها معاك هكون عامله ازاي وبعدها بتنزل وبتخرج ساره من الاوضه
ساره
انا اسفه والله انا عارفه ان انا عملت لك مشاكل كبيره بس زي ما قولتلك كده انا عايزه احس ان موضوع حب مش اكتر
عمر
ملكيش دعوه باي حاجه بتحصل وماما دي مش عايزك تاخدي لها على كلام ولو في اي حاجه انا هتصرف
وبعدها باسبوعين كنت رايح الشغل
وكنا بلبس وهي صحيت
ساره
ايه ده في ايه هو انت رايح فين كده وسايبني
انا هخاف اقعد هنا لوحدي
عمر
لازم انزل بقى علشان خاطر اشوف الشغل بتاعي ما انت عارفه ان انا لسه راجع مصر قريب وبدات افتح شركه كبيره عايزه اروح اشوف الجو عامل ايه هناك
