ملاكى الصامت ١

عاد سليم إلى القصر، وصعد إلى جناحه هو وعـ,,ــــشق، واخذها في حضـ,,ــــنه ونام

حل الصباح واستيقظ سليم ينظر إلى الملاك الذي بين يديه ويضحك على منظرها الطفولي وشعرها الذي على عينيها ويقول وهو يبعده خلف اذنها :معقولة كل الجمال ده ملكي انا… انتي اجمل واحدة شوفتها في حياتي، أنا عمري ما كنت اتخيل اني اتجوز واحدة أقل ما يقال عنها ملاك
وعمري ما كنت اتخيل اني هتجوز أساساً، انتي عملتي فيا إيه يا عفريتة انتِ
شعر سليم بها تستيقظ ف توقف عن الحركة ليرى ماذا سوف تفعل
عـ,,ــــشق :يووو بقى هو انا كل يوم هصحي مكلبشة كدة بين ايديه هعمل إيه أنا دلوقتي ياربي ده زي ما يكون فاكرني ههرب، وبعدين بقى ايديه مش راضية تتحرك انا جنبي بدأ يوجعني بسببه

نسي سليم كل شيء عندما سمع كلمة وجع ونهض سريعاً
سليم بخوف :إيه اللي بيوجعك
عـ,,ــــشق :إيه ده هو انت كنت صاحي
سليم :فين المكان اللي بيوجعك يا عـ,,ــــشق
عـ,,ــــشق :لأ مفيش حاجة بتوجعني
سليم وهو يمرر يديه على خصرها :انا آسف يا روحي غصب عني مبعرفش انام إلا وانتي في حضـ,,ــــني آسف يا روحي
عـ,,ــــشق بخجل :خلاص مفيش حاجة
سليم :طب يلا نلبس ونصلي عشان هنخرج
عـ,,ــــشق :هنروح فين
سليم :الملاهي
عـ,,ــــشق بفرحة :بجد هنروح الملاهي
سليم :بجد يا قلب سليم
عـ,,ــــشق بحزن :لأ بلاش نبقى نروح في وقت تاني
سليم :وليه مش النهاردة
عـ,,ــــشق :عادي
سليم :في إيه يا عـ,,ــــشق
عـ,,ــــشق :أصل الملاهي بتبقى مليانة ناس كتير، وانا مش عايزة ادايق حد وانت عارف اني دلوقتي مش بشوف
سليم :يا حبيبتي تدايقي مين وبعدين مفيش حد هيقرب منك طول ما انا موجود، وياستي عشان تطمني انا حجزت الملاهي كلها النهاردة ليكي يا قلبي
عـ,,ــــشق :انت بتهزر صح
سليم :لأ والله ما بهزر ويلا عشان منتأخرش بليل…. يلا اساعدك عشان تتوضي

عـ,,ــــشق بخجل :سليم نزلني قلولتلك قبل كدة اني بمشي لوحدي

سليم :وانا قولتلك قبل كدة اني بحب اشيلك يا قلبي
عـ,,ــــشق :انت قليل الأدب على فكرة
سليم :عارف على فكرة

ذهب سليم وعـ,,ــــشق إلى الملاهي بعد ما اطمئنوا على دادة أحلام، وحاول سليم أن ينسيها كل ما تعرضت له وجعلها تركب كل الألعاب فهو كان مثل عينيها ولم تشعر أنها لا ترى وعادوا في المساء
عـ,,ــــشق :انا فرحانة أوي يا سليم النهاردة كان أجمل يوم في حياتي