الثار ٢
ثريا. لسه هترد
هنيه. قالت بلاش تلعبي ف عجل عاصم يا ضكتوره احنا موافجين وانتهي الكلام وقعدت جنبها وقالت انا عملتلك بيدي كوباية لبن علشان تهدي اعصابك وتغذيكي
ثريا. بصت ل نور انها ما تشربها
نور. فهمت حماتها
هنيه. ف نفسها قالت لازم اخلص منيكي ومن اللي ف بطنك علشان لو اللي ف بطنك ده جه عالدنيا هيكوش علي كل حاجه واحنا هنطلع من المولد بلا حمص
ثريا. نور جومي يابتي هاتي الدوا بتاعي من جوا
نور. حاضر يا ماما
هنيه. اشربي انتي اللبن يابتي واستريحي انتي حامل وانا هجوم اجيب ل ام عاصم اللي عوزاه وقامت فعلا
ثريا. قالت ل نور جومي دخلي اللبن دا جوا واوعاكي تشربيه
نور. قامت فعلا بس اتكعبلت ف الكرسي ووقع اللبن
ثريا. وه وه وراحت عليها وقالت معلش يابتي حوصل خير
نور. اتكعبلت غصب عني
ثريا. بت يا صابحه تعالي امسحي الارض
نور. انا همسحه خليها تشوف شغلها ودخلت تجيب الشرشوبه وتمسح وبس خرجت لقت القطه بتشرب اللبن من الارض
عاصم وعمه رشاد. دخلو مع بعض
ثريا. تعالي يا بتي القطه بتشرب اللبن من الارض
عاصم. السلام عليكم
نور وامه ردو السلام
عاصم. قال ايه دا
نور وامه وعمه بصو لقو القطه بتلف حول نفسها وبعدين طلعت دم من بوئها وماتت
نور وحماتها. شهقو
ثريا. اخدت نور ف حضنها وطبطبت عليها
نور. كانت بترتعش من المنظر واتخليت انها كانت هتبقي كدا
هنيه. بخوف قالت اييه ده هي القطه مالها وبعدين قالت شكلها واكله حاجه برا بت يا صابحه انتي يابت
صابحه. نعم ياست هنيه
هنيه. تعالي شيلي القطه دي من اهنيه ونضفي الارض
صابحه. حاضر يا ستي وفعلا نضفت المكان
نور بترتعش لسه وبتعيط
عاصم. راح عليها وقال مالك يانور كل دا علشان شوفتي قطه ماتت قدامك ومستغرب امه وهي ماسكه نور بقوه
رشاد. جلبها خفيف جوي
هنيه. خايفه يتكلمو وبتبصلهم
ثريا. بصتلها بقوه وهنيه فهمت نظرتها بس ما اتكلمت
عاصم. خلاص يا جماعه حصل خير
ثريا. عاصم خد مرتك واطلع ياولدي واني بس الوكل يجهز ببعته مع صابحه عنديكم فوق
عاصم. بص لامه وحس انو ف حاجه وبعدين مسك نور من ايدها وطلعو اوضتهم
نور. دخلت الاوضه اخدت نفس بصوت عالي وراحت عالسرير ورمت نفسها عليه وهي مرعوبه وخايفه
عاصم. راح عليها وقال مالك يانور ف ايه
نور. برعشه قالت ممممفيش
عاصم. بعصبيه قالها مفيش ازاي هو انتي مش شايفه نفسك عامله ازاي ليه كل دا
نور. بخوف من صوته العالي قالت القطه اللبن
عاصم. قطة ايه ولبن ايه انطقي
نور. القطه شربت اللبن بتاعي
عاصم. ايييييه وابتدي يفهم كلامها وحالتها
نور. بدموع قالت كان زماني انا اللي مـ,ـوت دلوقتي انا كنت همـ,ـوت وانا وابني وعيطت بصوت عالي
عاصم. حضنها وقالها اهدي مين عملك اللبن دا
نور. سكتت وماردت
