حكايه نانا

حكاية نانا كامله بقيت أم ل 3 ولاد من غير جواز هحكيلكم حكايتي فتحت شنطتي وطلعت منهاورقه وقلم وانا قاعده علي الرمل وقدامي البحر وبدات اكتب حكايتي الي اغرب من الخيال انا (نانا) البنت الشقيه عندي ٢٣سنه طول عمري لما اتضايق او احس بالوحده اجي اقعد علي البحر واكتب كل الي تاعبني في ورقه واحطها في ازازه وارميها في البحر.. ايوه .. طول عمري بشتكي لي وبيسمع شكوتي. . بحس انه حاسس بيا وموجود علي طول معايا وعلشاني.. مفيش مره احتجت له وجيت له ملقيتهوش .. ياريت كل حاجه في حياتنا كانت زي البحر. ثابت ومش بيتغير لكن للاسف الحياه مختلفه خالص تكون في حال وفجاه تلاقي نفسك في حال تاني.. لكن مهما الحياه اتغيرت عمري ما تصورت انها تكون بالشده والغرابه دي… طول عمري الناس بتقول عني شبه ماما جميله وفرفوشه وشقيه وحبوبه بصراحه بدخل قلب اي حد من اول مقابله بابا كان بيشتغل مهندس في مصنع وعلشان يتجوز ماما اخد قروض ودخل جمعيات واستلف علشان يقدر يكمل مصاريف الجواز .. بس اول متجوز ماما كان وشها حلو عليه جدا .. بعد الجواز باسبوعين حصلت مشكله كبيره في المصنع عند بابا ومشوه من الشغل وظروفه بقت صعبه اكتر من الاول .. بس ماما قلعت كل دهبها الي معاها سواء الي بابا جابه لها او الي جدي كان جايبه لها قبل متتجوز .. وادت كل ده لبابا علشان يصرف علي البيت ويسدد ديونه .. وفي الوقت ده عرفت انها حامل فيا.. ومرت شهور الحمل ولما ماما بقت في الشهر التامن بابا جاله شغل في القاهره وكان لازم يسافر يستلم الشغل … وقال لماما انه كل اسبوعين هياخد تلات ايام اجازه ويجي يشوفها ويطمن عليها ماما قالت له يعني انت مش هتكون معايا وقت الولاده؟ قال لها معلش يا حبيبتي مهي امي وامك معاكي وانا مصدقت الاقي شغل علشان اقدر اوفر مصاريف الولاده وطبعا مقدرش اطلب اجازه اول تلات شهور ماما قالت له انت مش هتكون قلقان عليا ؟ قال لها طبعا هكون قلقان بس هنعمل ايه؟ الظروف اقوي مننا.. علشان المرتب يكفينا مينفعش اخدك معايا علشان هعيش في سكن الموظفين والعمال ومش هقدر ااجر شقه هناك بس معلش ده وضع مؤقت انا اتحمل من ناحيتي شويه وانتي من ناحيتك شويه وان شاء الله ربنا يكرمنا وفعلا بابا سافر وماما فضلت في بيتها في اسكندريه وانا معاها ومرت الايام والسنين وانا كبرت وماما كبرت وبابا كمان كبر بس مقدرش يرجع اسكندريه ولا ياخدنا نعيش معاه في القاهره انا وماما انا عن نفسي مكونتش اقدر اعيش بعيد عن اسكندريه .. احنا الاسكندرانيه عاملين زي السمك لو بعدنا عن البحر نمــ,,ـــــوت وفضل بابا بين القاهره واسكندريه ودخلت الجامعه وهناك اتعرفت علي (فادي)زميلي في نفس الكليه بس اكبر مني بسنتين وكان فرفوش ودمه خفيف زيي تمام.. تعارفنا بدا بخناقه بس بعد فتره قربنا من بعض وحبينا بعض بس مصارحناش بعض بحبنا وفضلنا اصحاب وزمايل لحد مافادي اتخرج واشتغل وقتها لقيته بيطلب يقابلني في كافيه علشان عايزني في موضوع.. طبعا انا فهمت انه عايز يصارحني بحبه.. وفعلا لما اتقابلنا قال لي انه بيحبني وعايز يتجوزني .. طبعا وقتها كنت طايره من الفرحه…طبعا عملت فيها عبيطه وعملت اني اتفاجئت.. ويومها رجعت البيت لقيت ماما تعبانه جدا معرفتش فادي وشه وحش عليا ولا انا الي فقريه وحظي نحس.. ماما دخلت المستشفي قعدت يومين وماتت فجاه وسابتني.. طبعا حالتي كانت صعبه جدا وبابا جه فورا ومكونتش اعرف ان دي بدايه اللعنه الي دخلت حياتي بابا حاول ياخدني اعيش معاه في القاهره بس انا رفضت واتحججت بالكليه والدراسه ولما عدي وقت مناسب علي مــ,,ـــــوت ماما فادي طلب يقابل بابا بس انا رفصت وقولت له لما اتخرج وكلها كام شهر واتخرجت ووقتها فادي طلب يتقدم لبابا وانا وافقت وقررت افاتح بابا في الموضوع اول ميجي المره الجايه .. لكن طبعا النحس مستحيل يسيبني .. في اليوم ده لقيت بابا بيكلمني بس لما رديت سمعت صوت غير صوت بابا بيقول لي المهندس (صلاح)عمل حاــ,,ـــــدثه بالعربيه هو والمدام وهم في المستشفي دلوقتي جريت سافرت لبابا وانا متصوره ان المدام الي كانت معاه دي زميلته في الشغل بيوصلها اول موصلت قابلني الراجل الي كلمني في التليفون وقال لي انه سكرتير بابا في الشغل وقال لي. ان بابا كان مسافر يحتفل هو ومراته بعيد جوازهم زي كل سنه عملو حاــ,,ـــــدثه بالعربيه ومراته ماتت في الحال وهو في العنايه المركزه. صرخت وقولت له مرات مين؟ قال لي الباشمهندس متجوز من ٢٠سنه وعنده بنتين وولد وكان مخبي علي والدتك علشان ميزعلهاش ولما توفت قال انه هيصارحك ويعرفك علي اخواتك .. هو انتي كونتي لسه متعرفيش؟ انا بصراحه مرديتش عليه كان كل همي دلوقتي اطمن علي بابا ويفوق وبعدين افكر في اي حاجه تانيه واول مدخلت له وشافني قال لي سامحيني يابنتي وخلي بالك من اخواتك انتي الكبيره وهم ملهومش غيرك دلوقتي … قال الكلام ده ومات من غير معرف هو عمل كل ده ليه اول حد جه علي بالي كان فادي كلمته وحكيت له كل حاجه بسرعه وفي تلات ساعات كان عندي وعمل كل الاجراءات وعملنا الجنازه والعزاء لبابا ومراته وكانت اول مره اشوف اخواتي في العزا بصراحه في البدايه مكونتش طيقاهم. .. ايه الي فجاه يطلع لي تلات اخوات معرفش عنهم اي حاجه؟ كانت الكبيره في ثانويه عامه والتانيه في الاعداديه والولد الصغير في رابعه ابتدائي كل ده مخبيه عليا يابابا؟ .. الله يسامحك فادي حس اني مش طيقاهم فقعد اتكلم معايا وقال خلي بالك انتي اختهم الكبيره وانتي باباكي مات لكن هم باباهم ومامتهم ماتو في يوم واحد وهم لسه صغيرين ومحتاجين لك.. انتي دلوقتي المسؤله عنهم .. قولت له مسؤله عن مين ؟ انا محتاجه الي يراعيني .. قال لي انا معاكي مش هسيبك بس انتي لازم تقعدي مع اخواتك فتره وتتعرفي عليهم وتشوفي هتعملي ايه بصيت له وقولت له من فضلك كفايه اوي لحد كده انا من يوم معرفتك وانا المصايب نازله علي دماغي ودلوقتي انا ظروفي متسمحش اننا نرتبط خليني في الي انا فيه ومتشغلش بالك بيا… بص لي وقال انتي بتتكلمي جد؟ قولت له ايوه لو سمحت سيبني في حالي .. وفعلا مشي وسابني والحزن باين علي وشه باقي قصه نانا بعد فتره بدات في اجراءات الميراث والمعاش وبقيت وصيه علي اخواتي. وقتها افتكرت وصيه بابا وقررت انقل حياتي كلها واعيش مع اخواتي في بيتهم واراعيهم .. خلاص انا حياتي انتهت وكل احلامي وطموحاتي اتبخرت في لحظه وــ,,ـفادي حاول يكلمني اكتر من مره ويقنغني ان الظروف الي حصلت ملهاش علاقه بارتباطنا انا وهو .. بس انا رفضت كنت فاكره اني البنت الجامده الي هتقدر تشيل المسؤليه دي كلها لوحدها بس طبعا الحمل كان تقيل جدا عليا والحياه بقت مختلفه ومرهقه جدا واخواتي زاد دلعهم و كترت طلباتهم وانا كل يوم بنهار اكتر .. بقيت ام لتلات ولاد من غير متجوز ولا حد يلمسني …وقتها فكرت في فادي واتصلت بيه لقيته بيقول لي انا كنت متابع اخبارك وعلي اتصال باخواتك بس كنت منتظر لما تكلميني بنفسك انتي بتتصرفي من دماغك ومش بتشركي حد معاكي في القرار انا جاي لكم البيت النهارده وفعلا فادي جه واكتشفت انه متفق مع اخواتي انهم يخلصو دراسه السنه دي وينقلو اسكندريه علشان نعيش هناك واتجوز فادي لان هم مش مبسوطين اني اضحي بحياتي علشانهم وفعلا اتفقنا ناخد شقه جنب شقه اهلي في اسكندريه ونتجوز انا وــ,,ـفادي واخواتي يعيشو في شقتنا القديمه ونراعيهم انا وــ,,ـفادي والحياه تمشي بينا واحنا عيله واحده متفاهمه ان شاء الله وبقيت كل محس اني مخنوقه اجي اقعد علي البحر اشكي له حالي انا اتعلمت ان الحياه مليانه مفاجات ومش كلها بتمشي علي هوانا.. الدنيا بتتغير واحنا بنتغير معاها المهم نحافظ علي الحلو الي جوانا .. ومهما حصل لازم نثق في رحمه ربنا وانه هيبعت لنا الامل مع كل حاجه صعبه..اهم حاجه نخلي ظننا بالله خير …………………….. …………. تمت