لعبه في ايده

ارتمت على السرير باكيه بشده اما هو فخرج يتحسس وجهه بحنق يكاد لا يصدق فعلتها رافضا عقله ان يستوعب خطأه هو الآخر.
اشرقت شمس الصباح على العروسين المنفصلين فى ليله العمر
استيقظ هو اولا ودخل الغرفه وجدها نائمه فى وضعيه الجنين على الارض فى فستانها الابيض.
نظر لها وتأملها شاعرا بالأسف والشفقه عليها نزل على ركبتيه واقترب منها واوقظها برفق
فتحت عيناها ونظرت له پغضب ممزوج بالاشمئزاز قال لها بصوت جاف
_ قومى نامى على السرير
قامت بالفعل ولكنها توجهت الى الحمام نظرت الى نفسها فى المرآه فعيناها حمراوتين من أثر البكاء شعرها فى حاله مزريه
حاولت فك ازار الفستان الخمسه عشر الخلفيه لم تنجح الا بفك اول اربعه فقط حتى اتعبتها يداها وشعرت بتقوس ظهرها الى الخلف حتى كادت ان تبكى من فرط الالم.
دخل الحمام بهدوء ومد يده من خلفها وامسك بالازره يريد مساعدتها
فالټفت له پحده وقالت : مش عاوزه حاجه منك
نظر لها بعمق وقال بسخريه : انتى ممكن تقعدى طول النهار فيهم وبرضه مش هتعرفى تفكيهم بلاش معانده
ردت بعند : هطلب الروم سيرفس تساعدنى
همت بالانصراف لتنفيذ فكرتها الطارئه فما كان من جاسر إلا ان شدها من ذراعها بقوه حتى صړخت : ااه دراعى
افلت جاسر ذراعها ونظر لها پحده وقال بټهديد
_ سمعينى تانى كنتى عاوزه تعملى ايه
نظرت له خائفه وفرت من امامه الى خارج الحمام فاتبعها قائلا _ حسك عينك اى سر بينا يطلع بره
هتفت باستهزاء : وهوه فين السر ده
ابتسم بسخريه : لااا ابدا عريس وعروسه قضو ليله دخلتهم وتانى يوم العروسه ندهت للروم سيرفس يفكولها زراير الفستان على اساس ان عريسها كان بيطرقع صوابع رجليه مثلا ليلتها وكان مش فاضى ………بس مش هيتقال مش فاضى هيتقال مش عارف
نظرت له وقالت باستهزاء : ده كل اللى هامك سمعتك مش كده ….ازاى يطلع على جاسر سليم انه مش عارف
جاسر : لا ياحبيبتى انا عارف وعارف كويس اووى بس انتى اللى مش من الصنف اللى يعجبنى ..ودلوقتى اديرى عشان افكلك الفستان قدامك ساعه تجهزى الطايره ميعادها كمان تلات ساعات يدوب نلحق نروح المطار
استدارات ومنعت دموعها بقوه … الان ليست بصنفه المفضل !!!
فك ازرار الفستان وكاشفا جزء من بشرتها البيضاء نظر لها برغبه عارمه فلمسها بطرف اصبعه وشعرت هي بالرعشه تسرى فى اوصالها فابتعدت عنه نافره.