خا.طفى ومنقذى بقلم ايمان شلبي
اسكريبت 🖤 بقلمي إيمان شلبي 🖤
-الحقووونييي… أنا مخطوفة!
كانت قاعده علي الارض في مكان ضلمة،مربوطة الأيدين والرجلين،في قماشة سوداء فوق عيونها،قلبها بيدق بخوف وأطرافها بترتجف
سكتت فجأة عن صرخاتها،انكمشت في نفسها زي الجنين اول لما سمعت صوت برّه… همهمة خفيفة…
وبعدها باب الأوضة بيتفتح.
قلبها وقع بين رجليها.
صوت جزمة كلاسيك بيخبط في الأرض بيقرب منها
.
منه بصوت مرعوب
– ااا… انت مين؟
رد بنبرة حادة:
-عاملة دوشة ليه
منه بسخرية رغم خوفها:
-لا عادي يعني… مخطوفة بس معلش لو ازعجتك.
رد برفعة حاجب :
-لا ودمك خفيف كمان
منه وهي بتحاول تاخد نفسها:
-انتوا خاطفني ليه؟!
هو ببرود:
– رهينة.
منه بأستنكار:
– رهينة إيه؟! هو في حد يخطف حد يوم فرحه؟!
رد بغموض:
-ده أنا بنقذك على فكرة.
منه بعصبية:
-بتنقذني من إيه؟! هو أنا كنت اشتكيتلك؟!
رد بهدوء مستفز وغموض:
– صدقيني هتشكريني بعدين.
منه بغضب وهي بتتحرك وبتحاول تفك نفسها
-أشكرك إيه وزفت إيه! أشكرك إنك خطفتني؟! وكمان يوم فرحي؟! و
قاطعها بنبرة حادة:
-وطي صوتك
اتكمشت بخوف وردت بنبرة مهزوزة:
– ط… طب خاطفني ليه؟ أنا معملتش حاجة والله.
قرب منها،قعد علي رُكبه قدامها وسكت لحظة!
علي الرغم من وجود قماشه سودا فوق عيونها الا ان ملامحها جذابة!
اتوترت وحست بحرارة نفسه قريبه منها
لزقت في الحيطه وقلبها بيدق بخوف وهي بتهمس:
-انت مين وعايز مني ايه؟!
قال بنبرة خافته ممزوجة بخشونة:
-خطيبك المحامي العظيم… رفع قضية على أخويا، واتهمه إنه بيصدر ادوية فاسدة… وأخويا خد ١٥ سنة سجن ظلم،حاولت التفاوض معاه رفض،هددته برضو رفض
ابتسم بسخرية وهو بيضغط علي فكها بقسوة:
-هددته بخطفك مأخدش كلامي علي محمل الجد
منه بغيظ رغم وجعها من قبضته فوق فكها:
-آااه طب وتخطفني انا لييييه انا مالي
ما تخطف أمه ،اخطف العقربه أخته تخطفه هو أنما تخطفني انا وتمرمطني معاك ليه هو انا لاقيه صحيتي في كيس شيبسي يا اخ و…..
مسك ايديها جامد، ومال عليها وقال جنب ودنها بصوت رخيم:
– انتِ مش خايفة
بلعت ريقها بتوتر وشحوب وردت بشجاعة مزيفة:
-هخاف من مين؟!
قرب وشه من شعرها وغمض عيونة لحظة، وهمس بنبرة دافية ومتخدرة:
-مني
أنتِ عارفه انا ممكن اعمل فيكي ايه يا آنسة منة؟
