ضابط حبيبي

كان هيقع من طوله لما شافها وسط البنات المتلبسين كانت واقفه بتبكي وبتترعش من الخوف…ملفوفه في ملايه زيها زي البنت الي معاها

يمان قرب عليها وبلع ريقه بصعوبه وبصلها بزهول شديد  واتحولت نظراتو لغضب رهيب وقلع الجاكت بتاعو ولبسهولها وشدها من ايدها بقوه واخدها على المكتب بتاعه

البنت كانت بتبكي جامد وقالت وهيه بتشهق بشده ..والله والله معملتش حاجه يا يمان والله  .انا..انا كنت .كنت مع صحابي..و..وكنا في سنيما..و..وصحيت..صحيت لقيت نفسي هناك والله والمكان اتملا عساكر وانا مش فاهمه حاجه ابدا مش فاهمه …وكانت بتبكي بانهيار شديد

يمان غمض عنيه بغضب رهيب و هيه كانت بتتنفض من الخوف اتمنى لو قدر يهديها ويطمنها بس كان في قمة عصبيتو قال بغضب مكتوم…انا..مش قولتلك متطلعيش غير لما اتقوليلي..حصل..ولا لا

بقت تبكي اكتر ومنزله وشها في الأرض ومش بترد

يمان  داس على اسنانو بغضب رهيب وقال بزعيق…حصل ولا لا يا بشرى ردي عليا..مش بكلم نفسي انا…. ووقع حاجات من على المكتب بغضب

بشرى اترعبت من زعيقه وكانت بتبكي جامد وبتشهق بشده وفجأه وقعت من طولها

يمان اتفاجأ وجري عليها سالها بسرعه وحطها على كرسي في المكتب وبقى يحاول يفوقها وحطلها ميه على خدودها وهو بيقول..بشري..بشرى ردي عليا..بشري سمعاني

بشرى ابتدت بعد شويه ترجع تفتح عنيها بصعوبه وتعب وبقت تبصلو بدموع

يمان اتنهد بارتياح لما فاقت وقال..احم..خليكي هاديه متخافيش… محدش هنا هيقدر يكلمك..وهتخرجي معايا انهارده متقلقيش

يمان قال كده وخرج من المكتب وبعد فتره مش طويله قدر بعلاقاتو في المكان يخرجها وميتكتبش اسمها في التحقيقات

لسه هيرجع المكتب جالو اتصال قال..الو

جالو صوت شخص يعرفو كويس قال..يمان باشا…ان شاء الله تكون هديتنا وصلتك

يمان صغط على ايده بغضب وقال .مكنتش مضطر تتصل علشان تعرفني بانجازك يا خيري بيه…من اول ما شوفتها عرفتك ريحتك فايحه في الموضوع ..وعلى فكره..استني رد الهديه قريب… قال كده وقفل معاه وهو  متعصب جدا

دخل عند  بشرى لقاها قاعده بتفرك في اديها بخوف..حطلها شنطه على المكتب وقال بجمود..البسي الفستان ده علشان هنروح

بشرى رفعت عنيها ليه وقالت بفرحه..بجد..الحمد لله يا رب الحمد لله

يمان قال بضيق..اممم…المفروض تحمدي ربك الف مره انك جيتي هنا..وإلا  كان زمانك مرميه في الحجز..مع البنات ال…..