حكايه عطر 2

عطر اتجوزت وهي لسه بنت صغيرة… ستاشر سنة، لسه صوتها فيه بحة طفولة، ولسه الدنيا كلها قدامها أسئلة مش فاهمة إجاباتها. الجواز جه بسرعة، زي حاجات كتير بتحصل في بيوت العيلة ابن عمها… شاب مسافر، “مستقبله بره”، والجوازة كانت أكتر اتفاق عائلي منها اختيار قلب. ليلة الفرح خلصت، وبعدها بأيام قليلة… سافر. سافر قبل ما يعرفها، قبل ما تقعد قدامه وتحكي، قبل ما يحس إنها مش مجرد “عروسة”، دي روح بتكبر. وعطر فضلت. سبع سنين عدّوا. سبع سنين وهي بتكبر لوحدها. تتعلم، تفهم، تتوجع، تقف على رجليها. كانت كل سنة بتعدي بتشيل من وشها ملامح الطفلة وتحط مكانها نظرة أهدى، أعمق. مش جمال بس… نُضج. كبرت وهي متجوزة على الورق، لا مطلقة ولا زوجة بجد. اسمها مربوط باسم حد مش موجود. كانت بتقف قدام المراية أحيانًا، تبص لنفسها وتستغرب: “دي أنا؟” بقى عندها رأي، بقى عندها صوت، وبقى عندها قلب يعرف يعني إيه يختار. — وفي يوم… رجع. دخل البيت اللي سابه من سبع سنين وهو فاكر إنه هيلاقي نفس الطفله اللي اتجوزها عشان يرضي أبوه . لكن اللي شافها… كانت بنت جميلة مكتملت الانوثه.. تسحر اي عين تشوفها. عطر كانت حاسه ان قلبها هيخرج من مكانه.. جوزها رجع بعد السنين دي وبقى قدامها أخيرا. ياسين كان واقف قدامها، متلخبط. مش عارف يقول إيه. معقول السبع سنين تتغير كده.. كان بيكدب عيونه وبيقول لنفسه يمكن مش هيا..لحد ما سمع اسمها. صوت مرات عمها بتنادي عليها: تعالي يا عطر عشان نجهز الاكل.. جوزك زمانه علي وصول. أتأكد ان هي عطر مراته.. اللي كان جاي وناوي يتكلم مع ابوه في موضوع طلاقها.. كان شايف ان هو دكتور ناجح ومشهور ودرس في الخارج.. وهي بنت فلاحة بسيطة يتيمة اتربت في بيت عمها.. كان فاكر انها جاهلة وميعرفش انها هتبقى دكتورة زيه. قربت منه وسلمت عليه بثبات: إزيك يا ابن عمي.. حمد لله على سلامتك. اتصدم من جمالها وصوتها الرقيق ومن ثباتها. من الطريقة اللي بتتكلم بيها. من إن عينيها ما كانتش بتدور عليه، كانت ثابتة على نفسها. قال اسمها: “عطر…” ردت ببساطة: “أيوه عطر .” وارتفع صوتها وهي بتقول: الدكتور ياسين رجع يا مرات عمي. — بعد وقت في بيت الحاج حمدان الهلالي البيت كان هادي زيادة عن اللزوم. الهدوء اللي بيبقى قبل الكلام التقيل. ياسين كان قاعد قدام أبوه، ضهره مستقيم، هدومه شيك، ساعة غالية في إيده، وشه ملامحه متغيرة… مش متوتر، لا، أقرب لواحد حسم قراره. الحاج حمدان حط الشاي قدامه وقال: – اشرب يا ياسين… شكلك جاي من السفر وجواك كلام كتير . ياسين ما مدّش إيده. فضل ساكت شوية، وبعدين قال: – يا بوي… أنا عايز أتكلم معاك في موضوع مهم. الحاج حمدان رفع عينه وبصله بتركيز: – خير يا دكتور؟ ياسين أخد نفس طويل: – أنا… عايز أطلق عطر. الكوباية وقفت في نص السكة. الحاج حمدان ما شربش، بس نزلها على الترابيزة ببطء. – تطلّق مين؟ – عطر… بنت عمي. سكت البيت كله. حتى الساعة اللي على الحيطة صوتها بقى أوضح. الحاج حمدان اتكلم بصوت واطي، بس حاد: – وده كلام يتقال كده عادي؟ بعد سبع سنين جواز؟ ياسين حاول يبقى هادي: – يا بوي اسمعني للأخر. – اتفضل… سمعني. ياسين اتنهد: – أنا دلوقتي دكتور معروف، اسمي بقى تقيل، وبقيت أتعامل مع ناس من مستوى تاني… مؤتمرات، سفر، علاقات. الحاج حمدان ضم حواجبه: – وبعدين؟ – وبصراحة… عطر مبقتش مناسبة ليا. الكلمة نزلت زي السكي,,نة. – إزاي يعني؟ – يعني يا بوي… عطر بنتي عمي جاهلة ومش مكمله تعليمها، عمرها ما عاشت اللي أنا عشته، ولا شافت اللي شوفته. أنا محتاج واحدة… شبهي، تناسب مكاني. الحاج حمدان ض,,رب بعصايته الأرض: – مكانك؟! وانت كنت إيه لما اتجوزتها؟! – وانت اللي سيبتها طفلة وسافرت! سبتها تكبر لوحدها وانت بتبني نفسك! ياسين ضاق ص,,دره: – أنا ما ظل,,متهاش… أنا ما قربتلهاش. – وكده تبقى عملت إيه يعني؟ سيبتها لا متجوزة بجد ولا مطلقة! ناس تسأل: جوزك فين؟ وهي تسكت. ياسين بص بعيد: – أنا شايف إن الطلاق أرحم. – أرحم لمين؟ ليك؟ سكت. الحاج حمدان كمل بصوت موجوع: – عطر استحملت، كبرت، شالت اسمك، حافظت على بيتك… وتيجي دلوقتي تقول “مش على مقاسي”؟ ياسين وقف: – أنا مش هعيش عمري كله مجاملة. – وانت فاكر الجواز قميص يتفصّل على مزاجك؟ دي بني آدمة يا ياسين! — وراء الباب… كانت عطر واقفة. كانت طالعة تجيب ميه. سمعت صوتهم ووقفت من غير ما تقصد. وأول ما سمعت اسمها… قلبها وقع. “مبقتش مناسبة ليه” “مش على مقاسي” حست إن السبع سنين اتحطّوا في جملة واحدة واتمسحوا. إيديها كانت بترتعش، بس دموعها ما نزلتش. قالت في سرها: أنا فعلاً مش على مقاسك… أنا أكبر. رجعت خطوة ورا بهدوء من غير صوت ومن غير ما حد يحس. قفلت الباب، وبصت لنفسها في المراية. كانت شايفة ست… مش البنت اللي اتجوزت وهي مش فاهمة. ابتسمت ابتسامة خفيفة، فيها وجع وفيها قوة: – خلاص يا عطر… إنتِ سمعتي اللي يكفي. الفصل التالت باب الأوضة اتفتح بهدوء. ولا صوت كعب، ولا حركة متوترة. عطر خرجت. كانت واقفة مستقيمة، كتافها مرفوعة، وشها هادي بشكل يخوّف. الهدوء اللي بييجي بعد قرار اتاخد. ياسين كان لسه واقف قدام أبوه، والحاج حمدان باصص في الأرض، متقل عليه السنين فجأة. عطر قربت خطوتين وقالت بصوت واضح: – مساء الخير. الاتنين لفّوا في نفس اللحظة. ياسين اتجمد. مش متوقعها. ولا متوقع النظرة دي. الحاج حمدان اتلخبط: – عطر… إنتِ كنتي فين؟ ابتسمت ابتسامة خفيفة: – كنت في أوضتي… وسمعت بالصدفة. الصمت نزل تقيل. بصّت لياسين مباشرة، من غير خوف: – سمعت كل حاجة. ياسين حاول يتماسك: – وإنتِ واقفة تسمعي من ورا الباب؟ – لا… كنت واقفة أسمع حقي. لفّت وشها للحاج حمدان: – يا عمي… أنا جاية أطلب منك طلب. الحاج حمدان حس إن قلبه هيقع: – اتفضلي يا بنتي. عطر أخدت نفس: – أنا عايزة أطلق من ياسين. الكلمة طلعت ثابتة، ولا رعشة، ولا دمعة. ياسين اتصدم: – نعم؟! كملت بهدوء: – أنا مش حاسة إننا مناسبين لبعض. ياسين ضحك ضحكة قصيرة مستفزة: – بعد ما سمعتي كلامي… قررتي تعملي نفسك قوية؟ عطر بصتله ببرود: – لا… أنا قررت ده قبل ما أسمعك. بس كلامك أكدلي. الحاج حمدان حاول يدخل: – يا عطر… استني، الكلام ده يتفكر فيه. – فكرت فيه سبع سنين يا عمي. رجعت تبص لياسين: – إنت أكبر مني بعشر سنين. كبرت، اتعلمت، سافرت، عشت حياتك… وأنا كنت واقفة في مكاني مستنياك. صوتها كان هادي، بس كل كلمة كانت بتلسع. – دلوقتي؟ أنا كمان كبرت. وبقيت أعرف يعني إيه راجل يناسبني… ويعني إيه واحد لأ. ياسين وشه احمر: – لأ… استني هنا. إنتِ فاكرة نفسك بتتكلمي مع مين؟ – مع جوزي… اللي أنا طالبة الطلاق منه. وقف فجأة، قرب منها خطوة: – لأ يا عطر. أنا اللي أطلق، مش إنتِ. وإنتِ مش هتطلعي من الجوازة دي. رفعت حاجبها بهدوء: – غصب؟ – لأ… عناد. قرب أكتر، صوته بقى أوطى: – إنتِ فاكرة لما أقول إني مش مناسبك يبقى خلاص؟ لا يا عطر… أنا مش هطلقك. اتصدمت… مش من القرار، من النبرة. قال بحدة: – أنا قررت أكمّل الجواز. وهنبدأ من جديد. الحاج حمدان زعق: – ياسين! إنت اتجننت؟! ياسين ما شالش عينه من عطر: – لا… أنا اتجرحت. عطر ابتسمت… ابتسامة وجع. – غريبة. أنا اللي عشت سبع سنين مهملة، وأول مرة أختار نفسي… تبقى إهانة؟ قربت منه خطوة: – إنت مش عايزني علشان بتحبني… إنت عايزني علشان ما تحسش إنك اتكسرت. الكلمة ض,,ربته في قلبه. قال بعناد: – مهما كان السبب… إنتِ مراتي. – على الورق. سكتت لحظة، وبعدين قالت بثقة: – بس خلي بالك يا ياسين… أنا مش البنت اللي سافرت وسِبتها. وأي جوازة هتتفرض عليا… أنا اللي هقفل بابها. لفّت وشها ومشيت. سيبت وراها راجل لأول مرة يحس إن السيطرة بتفلت من إيده. والحرب… لسه ما بدأتش. — الفصل الرابع الحاج حمدان كان واقف ساكت، عيونه رايحة جاية بين باب الصالة اللي خرجت منه عطر وبين ياسين اللي واقف مشدود، عناده سابق عقله. قال بصوت تقيل: – على فكرة يا ياسين… في حاجة إنت ما تعرفهاش. ياسين لفله بنفاد صبر: – إيه كمان؟ الحاج حمدان قرب خطوة، وبصله في عينه: – عطر بتدرس في كلية الطب. الكلمة نزلت فجأة. ولا تمهيد… ولا رحمة. – إيه؟! – زي ما سمعت. طب بشري. سنة رابعة. ياسين حس إن الأرض مالت تحته: – طب؟! إزاي؟ وإمتى؟ – وإنت مسافر. وإنت مشغول بنفسك. وإنت فاكر إن الزمن واقف مستنيك. ياسين بلع ريقه: – يعني… هتبقى دكتورة؟ – أيوه. ودكتورة شاطرة كمان. ضحكة قصيرة طلعت من ياسين، بس كانت مليانة غيظ: – لا… واضح إنها لعبتها صح. الحاج حمدان انفجر: – لعبتها؟! دي بنت اجتهدت، تعبت، سَهرت، درست! وإنت جاي تقلل منها؟ ياسين ما ردش. لفّ ومشي بسرعة، والغض,,ب سابقه. — عطر كانت في أوضتها. قاعدة على السرير، إيديها متشابكة، قلبها لسه بيدق بسرعة. فجأة… الباب اتفتح بعن,,ف. عطر انتفضت: – ياسين؟! دخل من غير ما يستأذن، وقفل الباب وراه. المسافة بينهم كانت قصيرة… قريبة زيادة. عطر قامت بسرعة: – إنت إزاي تدخل كده؟ اطلع برّه! بس هو ما اتحركش. كان باصصلها بنظرة عمرها ما شافتها منه: – كنتي ناوية تخبي عليا إنك بتدرسي طب؟ صوتها طلع مهزوز رغم محاولتها تثبت: – حياتي… ومش ملزمة أشرحلك. قرب خطوة. عطر رجعت خطوة ورا تلقائي. – بقى دكتورة؟ وبتقولي أنا مش مناسبك؟ رفعت دقنها رغم الخوف: – آه. صوته بقى أوطى… أخطر: – اسمعي كويس يا عطر. موضوع الطلاق ده… ما يتفتحش تاني. – وأنا لو فتحته؟ – ما تفتحيهوش. سكتت لحظة، وبعدين قالت: – إنت بتهددني؟ – بحذرك. القلب كان بيخبط في ص,,درها، بس عينها ما نزلتش. – إنت فاكر إنك تخوفني؟ اللي استحمل سبع سنين غياب… مش هيخاف من صوتك. شد فكه بعصبية: – إنت مراتي، وغصب عنك الجوازة دي هتتم. – الجواز مش غصب. – معايا؟ آه. قرب أكتر… وعطر قالت بسرعة: – لو قربت خطوة كمان، هصرخ. وقف. ثانية طويلة عدت. وبعدين قال ببرود: – خليكِ فاكرة إن اللي بدأتيه ده… أنا هخلّصه بطريقتي. لف وفتح الباب: – وخلّي بالك، كلامك ده لو طلع برّه الأوضة… مش هيعدي. وخرج. عطر فضلت واقفة مكانها، رجليها بترتعش، بس دموعها نزلت غصب عنها. مسحتها بسرعة وهمست: – لأ… مش هيكسرك يا عطر. وهي واقفة قدام المراية، قالت لنفسها: – واضح إن المعركة بقت حقيقية. — الفصل الخامس عدّى أسبوع. أسبوع كامل عطر حاولت فيه ترجع لطبيعتها. ذاكرتها مش ناسية، بس عقلها قرر يركّز. كانت في المستشفى. لابسة بالطو أبيض، شعرها مرفوع، كارت التدريب متعلّق على ص,,درها. أول مرة تحس إنها في مكانها بجد. الزحمة، صوت الأجهزة، خطوات سريعة في الممرات. كل حاجة كانت بتديها إحساس إنها بتتقدم، ولو خطوة. واقفة جنب دكتور شاب، زميلها في التدريب. بيشرح لها حالة، وهي بتسمع باهتمام، بتسأل، بتناقش. وفجأة… الصوت اللي وراها خلّى ضهرها يشد. – عطر؟ القلب نزل في رجلها. لفّت ببطء… وعينيها وقعت عليه. ياسين. لابس بالطو دكاترة، اسمه مكتوب بخط واضح، واقف وراه اتنين دكاترة، بس عينه عليها هي وبس. الزميل ابتسم بأدب: – دكتور ياسين، أهلاً. ياسين ما ردش. كان باصص لعطر ونظره مش مريح. – إنتِ بتعملي إيه هنا؟ حاولت تحافظ على هدوئها: – تدريب عملي. – هنا؟! – آه… هنا. الدكتور الشاب قال بلطف: – عطر معانا في الفريق، طالبة شاطرة جدًا. – تعالي معايا. عطر اتفاجئت: – إنت اتجننت؟ سيب إيدي! صوته على: – إنتِ ناسية نفسك؟ واقفالك مع رجالة وبتضحكي؟ الدكاترة حوالين المكان بدأوا يبصوا. الفصل الحادي عشر أول ما عطر عرفت إنها حامل… قعدت قدّام التحليل فترة طويلة، بصاله كأنه مش ليها، كأنه غلطة حد تاني. إيدها كانت بترتعش. قلبها بيخبط بسرعة. – لا… مش دلوقتي… مش بالشكل ده. أول قرار خدته؟ السكوت. مقالتش لحد. ولا صاحبة. ولا دكتورة في الكلية. ولا حتى لنفسها بصوت عالي. قالت: “العدة تخلص الأول… وبعدها ربنا يحلها”. كانت بتلبس واسع. تزوّد طبقات. وتتحرك بحذر، كأنها شايلة سر تقيل قوي على ضهرها. بس السر… ما بيفضلش مستخبي كتير. — مرات عمها كانت ست عينيها فاحصة. بتلاحظ. بتحسب. مرة وهي بتحط الأكل قالت: – مالك يا عطر؟ وشّك شاحب كده ليه؟ – تعبانة شوية من المذاكرة. مرة تانية شافتها وهي بترجع من الحمام: – إنتي بترجعي كتير كده ليه؟ عطر بلعت ريقها: – قولون. الكلمة طلعت بسرعة بس قلبها وقع في رجليها. وفي يوم… وهم قاعدين لوحدهم، مرات عمها بصتلها من فوق لتحت ونظرتها وقفت عند بطنها شوية زيادة. – هو… إنتي متأكدة إنك تخينة بس؟ عطر اتوترت. حطت إيديها على بطنها من غير ما تاخد بالها. – أ… آه، أنا زدت شوية. – بعد الطلاق على طول؟ السؤال جه مباشر. مفيش لف. – إنتي ليه مركزة كده معايا يا مرات عمي؟ – أصل… مش مطمّنة. عطر قامت فجأة: – لو سمحتي يا مرات عمي سيبيني في حالي ومشيت. لكن الشك كان دخل. وما طلعش. — ليلتها مرات عمها كانت ماسكة التليفون. – أيوه يا ياسين يا ولدى؟ في حاجة مقلقاني. سكتت شوية وبعدين كملت: – عطر… حاسّة إنها حامل. الصوت في التليفون اتجمّد. – إنتي متأكدة يا أمي ؟ – لأ، بس تصرفاتها… هدومها… وتعبها. ياسين اتصدم من كلام امه. قفل المكالمة وقعد يبص في الفراغ. كلمة واحدة كانت بتلف في دماغه: “حامل” يعني… ابنه؟ قلبه شد. غض,,به سبق عقله. وفي نفس الوقت… خوف عمره ما حسه قبل كده. وعطر؟ كانت في أوضتها، إيديها على بطنها، بتهمس بصوت مكسور: – معلش… استحمل شوية. أنا بحميك. بس الحقيقة… إن اللي جاي كان أكبر من أي حماية. — الفصل الثاني عشر “المواجهة” الجامعة كانت زحمة. طلبة رايحة وطلبة جاية. ضحك… صوت… حياة. وعطر ماشية وسطهم بس مش حاسة بحاجة. كانت حاسة إن في عينين عليها. وفجأة… صوته جه من وراها: – عطر. جسمها كله اتشد. وقفت ثواني قبل ما تلف. ياسين. واقف ببدلته. نظارته في إيده. ونظرته تقيلة. – عايز إيه؟ قالتها ببرود بس قلبها كان بيخبط. – عايز أتكلم معاكي. – مفيش كلام بينا. حاولت تمشي مد إيده وقفها. – لو سمحتي. لفّت وبصتله بحدّة: – إيدك دي متلمسنيش. سحب إيده بس ما رجعش. – إنتي حامل. الكلمة نزلت عليها زي الطوبة. وشها شحب. حطت إيديها على بطنها من غير وعي. – إنت بتقول إيه؟ – بقالك كام شهر؟ سكتت. السكات كان اعتراف. قرب خطوة: – ابني؟ رفعت صوتها: – إبعد عني! الطلبة بدأوا يبصوا. – مش هنا. – لأ، هنا. عشان متفكرش إنك هتضغط عليا تاني. – لازم نرجع لبعض. ضحكت بسخرية موجوعة: – نرجع؟ بعد اللي عملته؟ – عشان الطفل. – الطفل ده مش وسيلة ترجع بيها تتحكم فيّ. – أنا أبوه! – الأب ما يحبسش أم ابنه، ولا يكسّر روحها. ياسين حس الكلمة دخلت فيه. – إنتي فاكرة نفسك قوية كده؟ – أنا بقيت قوية غصب عني. قرب أكتر: – من حقه يعيش مع أبوه وأمه. – ومن حقي أعيش من غيرك. – هتضيعيه. صوتها علي: – لأ! إنت اللي ضيّعت كل حاجة. خدت شنطتها وبصتله نظرة أخيرة: – الطفل ده… مش هيكون سبب إني أرجع للسج,,ن تاني. وسابته. ومشيت. واقف وسط الجامعة، حاسس لأول مرة إنه خسر حاجة فعلًا… ومش عارف يرجّعها. — الفصل الثالث عشر “التهديد” ياسين كان قاعد قدام أبوه الحاج حمدان وسكوته كان تقيل. الحاج حمدان حس إن في حاجة غلط: – مالك يا ياسين؟ وشك مش مريحني. رفع ياسين عينه: – عطر حامل. الكلمة وقعت في الأوضة زي القنبلة. – إيه؟! – ابني يا بوي. الحاج حمدان سكت شوية وبعدين قال بحسم: – لازم ترجع بيت جوزها. – ما هي مش راضية. – أنا أكلمها. ياسين هز راسه: – لازم تكلمها… دي مش لعبة. بعد ساعات كانت عطر قاعدة في أوضتها بتلمس بطنها بهدوء كأنها بتحتمي بابنها. الباب خبط. – عطر… أنا مرات عمك. خرجت وشافت الحاج حمدان واقف. قلبها وقع بس تماسكت. – اقعدي يا بنتي. قعدت وهي حاسة إن الهوا تقيل. – ياسين قالي كل حاجة. سكتت. – اللي في بطنك ده دمه من دمنا. رفعت عينيها: – بس مش ملككم. – الغلط اللي حصل بينكم يتصلح. – لأ. الكلمة خرجت سريعة قاطعته. – أنا مش راجعة لياسين. – عشان الطفل. – عشان نفسي. صوته علي: – إنتي مش لوحدك! قامت واقفة: – لأ، أنا لوحدي… ومن غيره أحسن. دخل ياسين فجأة: – عطر! لفّت له: – إنت مالك؟! – اسمعيني. – لا. – أبوس إيدك. ضحكت بمرارة: – فاكر نفسك مين؟ الدكتور؟ ولا اللي كسرني؟ قرب منها: – أنا اتغيرت. – لأ… إنت بس خفت تخسر. سكت شوية وبعدين قالت بصوت ثابت بس عينيها مليانة ن,,ار: – اسمعوا كويس… لو حاولتوا تضغطوا عليا أو تجبروني أرجع أنا همشي. – تمشي فين؟ – أختفي. ومش هتعرفوا طريقي. الكل اتجمد. – وهربي ابني بعيد… من غير اسمكم ومن غير وجعكم. ياسين قرب خطوة بس الحاج حمدان رفع إيده. – سيبوها. عطر مسكت شنطتها وقبل ما تدخل أوضتها قالت: – ابني مش وسيلة. ده روحي… وأنا مستعدة أضحي بأي حاجة إلا بيه. دخلت وقفلت الباب. وياسين واقف برا حاسس لأول مرة إن السيطرة اللي عاش عمره بيها اتكسرت… على واحدة كسرتها قبل كده. — الفصل الرابع عشر “الصدمة” الشهور عدّت تقيلة بس هادية. ياسين اختفى. ولا مكالمة ولا ظهور مفاجئ ولا ضغط. كان واخد قرار يبعد مش لأنه نسي لكن لأنه خاف… لو قرّب أكتر عطر تنفّذ تهديدها وتختفي. وعطر؟ كانت كل يوم بتحسبه على روحها. بطنها كبرت وحركته بقت أوضح وكل وجع كان بيفكرها إن اللي جاي مفيهوش رجوع. لحد الليلة اللي الألم صحاها من النوم. – آه… يا رب! عرق وجع ودوخة. مرات عمها جريت بيها على المستشفى وصوت عطر كان مالي العربية. – أنا بولّد… مش قادرة! المستشفى كانت نورها أبيض بارد مخيف. ممرضة قربت: – الطلق قوي… لازم عمليات. دخلت الأوضة السرير اتحرك والوجوه حواليها بتلف. عطر كانت بتصرخ: – أنا عايزة دكتورة ست! – حاضر… بس دلوقتي لازم نت,,حرك. الباب اتفتح. دخل دكتور لابس بالطو أبيض ماسك ملف وشكله متماسك زيادة عن اللزوم. عطر كانت مغمضة من الوجع. فتح الملف وبص عليها. وفجأة… الصوت اللي قال: – عطر؟ فتحت عينيها. اتجمدت. الدنيا سكتت حتى الألم. – ياسين؟! حاولت تقوم: – لا… لا… مش إنت! صرخت: – طلعوه برا! – إهدي… أنا دكتورك دلوقتي. – إنت طليقي! إنت السبب في كل ده! دموعها نزلت: – مش من حقك. بصّ لها وفي عينيه حاجة اتكسرت: – من حق ابني يعيش. صرخت: – أنا مش واثقة فيك! الدكتور التاني حاول يتدخل لكن الوقت ما كانش في صالح حد. – الحالة لازم تدخل دلوقتي. ياسين قرّب مسك إيدها: – عطر… أنا مش جاي أوجعك. سحبت إيدها: – سيبني! – هسمعك بعدين… بس دلوقتي لازم تنقذي نفسك وابننا. الوجع رجع أقوى والصوت اختفى والإضاءة عليت. آخر حاجة شافتها وش ياسين وهو بيبصلها مش كطليق ولا كعدو… لكن كأب واقف على باب حياة جديدة وهو مش عارف هيدخلها إزاي من غير ما يكسّر اللي فاضل منها. — الفصل الخامس عشر “الفراغ” صوتها كان آخر حاجة سمعاها قبل ما الدنيا تسيبها. – لأ… مش هو… مش عايزاه! دكتور التخدير قرب صوته هادي: – خدي نفس عميق يا عطر… ثواني وهترتاحي. حاولت تقاوم عينيها كانت معلقة بياسين نظرة خوف وعدم ثقة. – إبعد… إوعى تلمسني… بس النفس تقيل والنور بيبعد والصوت بيغرق. — فتحت عينيها على هدوووء غريب. أوضة عادية. سقف أبيض. ريحة مطهر. لحظة استغراب… وبعدين فجأة قلبها وقع. إيدها اتحركت بسرعة على بطنها. فاضية. مفيش حاجة. صرخة طلعت من جوه ص,,درها قبل ما تطلع من بقها: – ابنيييييي!! قعدت مفزوعة الألم شد فيها بس الرعب كان أقوى. – ابني راح فين؟! عملتوا إيه؟! بدأت تعيط وتصرخ وتض,,رب السرير بإيديها. – ياسين!! إنت خطفته! إنت خدته مني! الباب اتفتح بعن,,ف. ياسين دخل جري وشه متغير وعينه مليانة قلق. – عطر… إهدي… بالله عليكي. – فين ابني؟! قولي! ودّيته فين؟! قرب منها بس وقف قبل ما يلمسها. – ابننا كويس… في الحضانة. بصتله وعينيها مليانة جنان: – متكدبش! إنت أكتر واحد أعرفه بيعرف يكذب! – أقسم بالله ما خرجش من المستشفى. – مش مصدقاك. صوتها كان مكسور مش عالي بس موجوع. – أنا مش واثقة فيك… ولا في أي كلمة منك. ياسين بلع ريقه وحس السكي,,نة بتدخل فيه. – لو عايزة نقوم دلوقتي ونروحه سوا. – دلوقتي. قالتها وهي بتحاول تقوم رغم الألم. – إنتِ لسه تعبانة. – لو ما ودتنيش هصرخ وأقول إنك خطفت ابني. وقف لحظة وبعدين هز راسه. – حاضر. مد إيده وبس سحبها. وهي ماشية كل خطوة كانت بتوجع بس عينيها مش شايفة غير فكرة واحدة: ابني… وبس. وياسين ماشي جنبها حاسس إن العقاب الحقيقي مش الطلاق ولا الهروب… العقاب إنها بقيت مش مصدقاه حتى وهو صادق لأول مرة. — الفصل السادس عشر “أنا بكرهك” وقفت قدام الزجاج رجليها بترتعش ونفسها طالع بالعافية. الحضّانة مليانة نور وأصوات أجهزة وأطفال صُغيرين. بس عطر ما شافتش غير واحد. صغير ملفوف نايم بهدوء. – هو…؟ ياسين قرب من الزجاج: – أيوه… ده ابننا. عينيها دمعت وشفايفها رعشت بس ما ابتسمتش. مدّت إيدها كأنها عايزة توصله بس الزجاج كان أقوى. – نفسي ألمسه… – هتلمسيه… بس لما تقوي شوية. حاولت تقف أكتر بس الألم ض,,رب فجأة. – آه… رجليها خانتها والدنيا لفت. ياسين لحقها في آخر ثانية وشالها بين إيديه. – عطر! كانت بتنهج والدموع سايلة من غير صوت. رجّعها الأوضة وحطها على السرير بهدوء كأنها حاجة هشة خايف تتكسر. عدّل المخدة وسحب الغطا عليها. رفع عينه واتصدم. دموعها سايبة عينيها وساكتة. مش صريخ مش زعيق وجع أعمق. بصتله وقالت بصوت واطي بس قاتل: – أنا بكرهك يا ياسين. الكلمة نزلت عليه أقسى من أي صفعة. وقف مكانه مش عارف يرد. – بكرهك… عشان صدقتك. عشان أمنتك. عشان كسرتني وبعدها جيت تمثل الطيب. صوته طلع مبحوح: – أنا غلطت. ضحكت بسخرية موجوعة: – لأ… إنت ما غلطتش. إنت كنت قاصد. قرب السرير وقعد على طرفه من غير ما يلمسها. – أنا آسف. بصتله: – الأسف مش بيرجع اللي راح. – أنا ندمان… على كل دمعة نزلت منك. – النُدم مش كفاية. سكت وبعدين قال: – لو الزمن يرجع كنت عملت غير كده. – بس الزمن ما بيرجعش. لفّت وشها الناحية التانية: – أنا اتوجعت منك أكتر ما أستحمل. ياسين حس لأول مرة إنه مش قادر يدافع عن نفسه. – مش عايز غير فرصة أصلّح. – متطلبش فرص من واحدة لسه خارجة من وجع. دموعها نزلت أكتر وهي مغمضة عينيها. قام وقف وقبل ما يمشي قال: – هفضل موجود حتى لو هتفضلِ تكرهيني. ساب الأوضة وهو حاسس إنه أخيرًا ابتدى يدفع التمن. — الفصل السابع عشر “بين الرفض والرحمة” عطر خرجت من المستشفى وهي شايلة ابنها كأنها شايلة الدنيا كلها في ح.ضنها.