كيان طاغي

رعد ضحك جامد وقال…طب مش لما تبقي حامل احنا متجوزين يوم وليله

كيان ابتسمت وقالت ..مش عارفه الفكره عجباني لو ابقى حامل منك هبقى مبسوطه اوي

رعد قال.. هنحقق كل اللي نفسنا فيه باذن الله

كيان قالت بحب مبسوطه قوي… بحب قربك اوي

رعد بص لعيونها وقال… انا كمان بحب قربك و عيونك وفيه حجات تانيه و

كيان قالت بسرعه وضحك… خلاص خلاص ايه خلصنا عرفت بقى

رعظ ضحك وقال..يا بت هقول لك بقى بحب ايه كمان

كيان ضحكت وقالت..لا مش عايزه اعرف كفايه الي عرفته

رعد غمز وقال…لا مينفعش كفايه ايه ده انا لسه مقولتش المهم

بقلم…زهرة الربيع

كيان وقفت وراحت ناحيه الحمام وقالت هدخل استحمى واطلع تقولي

بعد شويه طلعت وراحت تمشط سعرها

رعد بقى يبصلها باعجاب وقال..على فكره القلب ولع نــ,,ـــــار ..وانا ما عنديش قطع غيار

كيان ضحكت جامد وقالت.. روح استحمى علشان النــ,,ـــــار تطفى يا خفيف

رعد ابتسم وقال …ماشي على راحتك لسه الأيام بنا ودخل علشان يستحمى

كيان جالها اتصال ردت وقالت بسعاده الو مين

جالها صوت واحد ما تعرفوش وقال الحقينا يا هانم..والد حضرتك مغمى عليه في الاوضه بتاعه الخدم ومش بيفوق ابدا

كيان اتسعت عنيها بزهول وما فكرتش ابدا مين الي بيتصل عليها ونزلت جري من غير ما تتكلم ولا تقول حاجه لرعد وجريت على اوضه الخدم

بعد شويه رعد خرج من الحمام بينشف شعره استغرب لما بص يمين وشمال ما لقيهاش في الاوضه قال …كيان.. كيان انتي فين

استغرب قوي وليه هيطلع من التوضه دخل من البلكون شخص متلثم ووووو

البارت الخامس 5 والاخير

بقلم زهرة الربيع

لسه هيطلع من الاوضه دخل من البلكون شخص متلثم

رعد بصلو باستغراب وقال ..انت مين

الشخص كشف عن وشه وقال بسخريه..لحقته تنساني ده انا لسه نازل من شويه

رعد استغرب وقال بغضب ..عايز ايه تاني يا عاصم وازاي طلعت هنا …ازاي وصلت لهنا اصلا

عاصم بصله بنظره مخيــ,,ـــــفه وقال …في حاجه نسيتها جيت اخدها معايا وهمشي

رعد قال باستغراب شديد ..حلجة ايه دي ان شاء الله

عاصم طلع السلاح بتاعه ووجهه عليه وقال بغضب روحك يا ابن البواب

عند كيان كانت في اوضه باباها ومستغربه جدا انه كويس واقف على حيله قالت بذهول بابا مين اللي اتصل عليا وقالي انزل

ابوها قال بارتباك ده انا يا بنتي قلت لهم يقولولك كده لاني عايزه اشوفك مجتيش تشوفيني يا كيان وهو مش هيخليكي تنزلي لي