ياقوت قلبي بقلم ايه
الأب:والله ماانتى قاعده هنا دقيقه واحده،. مسكها من ايديها ورماها بره البيت
ياقوت:افتح الباب،افتح بقولك،فى حد يرمى بنته في الشارع
نزلت الشارع مش عارفه اروح لمين فضلت اعيط ببص على أيدى لقيت رقم اتصلت بمالك وجه خدني بعربيته وقف فى مكان مفيهوش ناس كتير.
مالك:احكيلي بقى ايه ال حصل
ياقوت:ابويا طردنى،وانا مش عارفه اعمل ايه ولا اروح لمين
مالك:طب ممكن تبطلى عياط ، تعالى عندى
ياقوت:انت اتجننت!
مالك:طب هتعملى ايه
ياقوت:مش عارفه
مالك:انتى خايفه منى
ياقوت:بصت له والدموع فى عينيها:لأ
مالك حط أيده على خدها ومسح دموعها:أنا صحيح ممكن اكون غازلتك فى الكافيه،بس أنا لا يمكن اعمل فيكي حاجه.
ياقوت:مش هتقدر أساساً
مالك:هههه،انتى عندك كام سنة؟
ياقوت:18
مالك:18بس نينجا
ياقوت:اوف رجعنا لقلة الأدب تانى
مالك:ههه خلاص بهزر والله
مشي بالعربيه ووقف قدام ڤلة كبيره كنت ببص للڤله بتعجب واحد لسه فى العشرينات عنده ڤلة زى دى وعربية وشركة كان عندى فضول اعرف عنه كل حاجة هو صحيح مزه بس بتاع بنات و باد بوي فى نفسه كده.
مالك:هو ده بيتى انزلى
نزلت ودخلت الڤلة مبحبش الأماكن الواسعة بس حسيتها دافيه وآمان.
مالك:الدور التانى هتلاقي اوضتك فيه
ياقوت:أنا هروح الشغل امتى
مالك: بكرا
ياقوت:تمام،تصبح على خير
مالك:وانتى من أهله
طلعت الاوضه وانا خايفة ياترى ال عملته ده صح ولا غلط بس انا كنت هقعد عند مين يعنى.
دخلت الأوضه بس مش كان ينفع أنام باالبس الخروج خرجت لقيت اوضه بابها مفتوح سمعت صوت انين وبكاء ولقيت مالك بيصلى معقوله ده مالك ال كان بيضحك من شويه دلوقتي بيصلى وبيعيط كمان.،لما خلص دخلت وكنت لسه هتكلم مالك بص ليا…
مالك بجديه:انتى شوفتي اوضتك وانا عرفتك مواعيد الشغل النقاش بينا انتهى.
ياقوت:بس…
مالك:ياريت تخرجى
خرجت وانا متعصبة روحت الأوضه نمت من اليوم المتعب ده.
تاني يوم صحيت عشان البس وانزل الشغل كنت واقفه قدام المرايه كان فيه صوره متعلقه ع الحيطة ال ورايا مشيت ناحية الصورة لقيت طفل صغير ومعاه واحده كبيره ،اكيد ده مالك ومامته لكن الست دى شكلها مش غريب عليا قطع تفكيرى لما سمعت باب الڤلة بيتفتح خرجت اشوف مين ايه ده معقولة…
دى طنط وف*اء مرات ابويا هى ايه ال جابها هنا ……..؟!
يتبع….
