ليله بعيده
عاصف كان في قمة السعاده بكلام والدتو ابتسم بفرحه وقال..بتحبني.انا..انا كنت متاكد من تصرفاتها وكلامها..انها متعلقه بيا…وابتسم وقال…اطمني يا امي …انا هتصرف…و هرجع مراتي وابني..اديني العنوان عاصف طلع جري وركب عربيتو وطلع على عنوان نسيم الي اخدو من والدتو كان طول الطريق بيفكر في نسيم ونظراتها الي بيعشقها.. كان واضح انها بتحبو رغم كل الي عملو معاها وجات في بالو ذكريات لاوقات كتير كان يقابل بنت منتقبه مع امه وتفضل تبصلو طول الوقت وكان يستغرب نظراتها
بعد شويه وصل بيت نسيم وكانت قاعده في بيت جميل صغير في منطقه معزوله قعدت فيه بعيد عن اهلها لانهم قاطعوها عاصف دخل ولقاها بتسقي الورود ابتسم وقال…ممكن اعرف مراتي فين وسط الورد ده..لاني مش واخد بالي نسيم وقع الابريق من ايدها وبصتلو بزهول ونزلت دموعها وابتسمت بفرحه رهيبه وهيه مش مصدقه عنبها وقالت..عاصف….وجريت عليه بس قبل ما توصلو وقفت وبلعت ريقها ونزلت دموعها بحزن وقالت..احم..انا..انا مش مصدقه انك قدامي
عاصف قرب منها وقال بدموع..ولا انا مصدق ان فيه واحده ممكن تحبني بالشكل ده..مش مصدق انك عملتي في نفسك كده علشان بتحبيني. انا..انا اسف..اسف سامحيني سبتك لوحدك بعد ما خسرتي كل حاجه بسببي نسيم نزلت دموعها وقالت…متقولش كده انا كان لازم احكيلك..انا كمان اسفه..خوفت تبعد عني كنت عايزاك معايا ومش مهم الباقي عاصف قرب منها بس رجعت خطوات وقالت..احم احنا مش متجوزين….حرام مينفعش عاصف ضحك ومسح دموعه وقال…انا فاكر الجمله دي كويس..كنت كل ما ادخل واراكي المطبخ تقوليلي حرام احنا مش متجوزين
نسيم ابتسمت وقالت…دي الحقيقه عاصف وقف قصادها وقال بحب..الحقيقه الوحيده انك قلبي وعمري وروحي ..ومعرفتش اعيش ولا حسيت بطعم الفرح والحزن والشوق واللهفه غير على اديكي اوعدك ..هتفضلي جمبي..وهعوضك عن كل دقيقه اتألمتي بسبي فيها نسيم ابتسمت ودموعها بقت تنزل بفرحه رهيبه وقالت…دي امنيتي الوحيده يا عاصف عاصف قال بحب كل امنياتك هحققهالك..وهاخدك من ايدك واصالحك على اهلك .. مش هخلي نفسك في حاجه ..حتى حفله ماجد هتروحيها نسيم ضحكت بفرحه وعاصف قال بابتسامه ايوه كده. اضحكي ديما يا نسيمي الي خلى حياتي جنه🌹
كنتم مع 🌹نسيم العاصف🌹بقلمي زهرة ا الربيع انتظرو قصه قصيره خفيفها زيها وتنسوش تقولو رأيكم … زهرتكم تحيكم ودمتم في في امان الله مع من تحبون🥰
