قاسي ولكن ١ عاشق مياده
امال بخبث: اني اقول اكدي لبناتك يا حمزة. لاحول ولاقوة الا بالله حتى العيال الصغيرة بتكدب وانت صداقتهم يا حمزة الله يسامحك يا ولدي يعني انت متعرفش انت عندي ايه انت روحي وقلبي وعقلي وحبيبي انت اول فرحتي يا حمزة ودول بناتك يعني حته مني وروحي وعلي رأي المثل اغلي الولد ولد الولد فازاي هقولهم اكدي.
حمزة اتكسف: انتي عارفة يا امي اني اتعفرت لما سمعت الحديت دا منهم
امال بخبث: عمري ما ازعل منك أبدا روح يا بني ربنا يرضا عنك ثم نظرت لرقية بغل وانتي يا هانم علمي بناتك أنهم ميقولوش كلام بلكدب وبلاش الفتنه ونقل الحديت دول بنات عيب بكرة هيكبره وهتبقي عاده فيهم وهيجبولكم الحديت من الناس بلاش يتعلموا يكدبه دول صغار.
حمزة اتعصب وطلع علي غرفتهم ورقية طلعة وراءه اول ما دخل قاعد علي سريرهم: ايسل بيري
ايسل: نعم يا بابا
حمزة: اقفي هنا قدامي
بيري بطفولة: احنا في المدرسه ولا ايه يا بابا
حمزة بكل غل و قوة ضرب بيري بلقلم لدرجة أنها وقعت علي الارض رقية جريت علي البنت وزعقت لحمزة: انت ايه اللي بتعمله دا في طفلة تضرب بشكل دا انت مجنون.
حمزة قام بعصبية مسك رقية من حجابها: انتي لسانك هيطول كمان بدل ما تربي بناتك وتعليمهم الصح من الغلط وتخليهم ميكدبوش ويبقو بنات صالحة بتغلطي فيا قدامهم كمان بتعلميهم قلة الأدب
رقية بتبكي وبتتالم: ااه ااه خلاص
ايسل ببكاء علي اختها: والله يا بابا ما كدبنا تيتا قالت كدا
حمزة بصوت جهوري: حتى لو قالت متجيش لا انتي ولا هيا تقوله حاجة تاني فاهمين
ايسل برعب: حاضر يا بابا.
حمزة: مش عايز اشوف كلبه فيكم لمدة أسبوع ومتقعدوش معانا علي اي اكل تأكله هنا لوحدكم
حمزة سابهم ورزع الباب ونزل للجنينة
في غرفة امال ومختار
مختار بنعاس: في ايه مال حمزة صوته عالي كدا ليه
امال: العيال المقاريد راحو قالوله الكلمه اللي اني قولتها بتاعت قبر يلمكم
مختار بعصبية: وهو عمال يزعق وصوته عالي عليكي اكدي عشان الكلمة دي طيب اني قايم
امال مسكت ايديه: لا تروح فين انا كدا هتعرفه أنهم صادقين وهطلع اني الكدابة وبعد اكدي مش هيصدقني وانت عارف ولدك دماغه ناشفة وممكن فعلا يسيب لينا الدار وميرجعش ابدا
مختار اتنهد: ماشي عندك حق
في الجنينة عند حمزة يدخل عليه البواب: حمزة بيه حمزة بيه
حمزة بعصبية: عايز ايه يا زفت انت مالك متسربع اكدي ليه
البواب: حمدي الازهري وولاده التنين بره علي الباب.
حمزة باستغراب: مالهم دول عايزين ايه وايه اللي جايبهم هنا قولهم يتزفته ودخلهم علي المندرة عقبال مانادي بوي
البواب: حاضر يا بيه
حمزة بغضب بيكلم نفسه: عايزين ايه دول كمان ناقصة قرف علي المساء
في غرفة رقية تجلس علي السرير وبناتها في حضنها وبتبكي دخلت عليها هاجر وأميرة: خلاص يا رقية حصل خير
هاجر: انا لسه عارفة والله من مني اللي حصل متزعليش
رقية: مش عارفة ليه اللي بيحصل فينا دا.
اميرة: خلاص يا رقية عشان خاطر حمزة
رقية: حمزة حمزة لأول مرة يضربني انهاردة انا متأكدة أن بناتي مكدبتش عمرهم ما كدبه اصلا
هاجر: معلش امسحيها فيا انا
رقية بتمسح دموعها: وانتي ايه ذنبك
في الأسفل
مختار: ودول جايين عايزين ايه وازاي قدرة يعتبو الدار أهنئ
حمزة: معرفش يا بوي شقتهم لينا غريبة مش مرتاح ليها
مختار: يالا نروح نشوف مالهم دول فين معتز
حمزة: معرفش.
مختار: شوفه فين وخلي يجي و خلي حد من الحريم تعمل شاي ولا قهوة
حمزة: حاضر يا بوي دخل غرفة معتز لاقي بيرتدي ملابسه وخارج علي فين اكدي
معتز: خارج في حاجة ولا ايه
حمزة: ولاد الازهري وابوهم بره تعالي بوك عايزك عشان تبقي قاعد معانا وهما موجودين نشوفهم مالهم وعايزين ايه
معتز باستغراب: صح ايه اللي يجيبهم أهنئ دول علي العموم هكمل لبسي واجي وراك.حمزة: طيب ابقي شوف حد من الحريم خلي يعمل حاجة تتشرب مش لاقيهم تلاقيهم متكومين في أوضة حد منهم
معتز: حاضر يا خوي
في المندره. كان يجلس حمدي وأولاده وإمامهم مختار دخل عليهم حمزة بهيبة وثبات: ها خير يا ولاد الازهري ايه الطالة الغريبة دي
حمدي: هيا دي حسن الضيافة يا حمزة
حمزة بعصبية: بلا ضيافة بلا زفت عايزين ايه اخلصه
عماد بيحاول يداري عصبيته: حمزة اتحدت زين مع بوي عيب اكدي.
حمزة بسخرية: عيب انتو تعرفه العيب اصلا ههه
حمدي نظر لمختار: انت سايب ولدك يتحدت اكدي معانا وانت ساكت يا مختار
مختار هز راسة بلموافقة: ايوا عشان عاجبني كلامه عايز ايه يا حمدي وايه اللي جايبك أهنئ انت ولادك
عبدالله بثقة: جايين طالبين يد هاجر بتك ليا يا حاج مختار وجاي وكلي يقين انك هتفضل اي مشاكل وهتوافق علي جوازتنا دي.
حمزة بضحكة سخرية: ايه الثقة اللي عندك دي ياض ماشاء الله يا بوي حتى العيال بقيت تحدت وهيا واثقة من حالها
عبدالله: بص يا حمزة انا مش هكلمك بنفس طريقتك عشان انا شاري وباقي علي كل حاجة كانت بنا بس انا فعلا جاي وكلي ثقة عشان انا وخيتك بنحب بعض ومش هنبقي غير لبعض غصب عن اي حد
حمزة بصدمة: انت بتقول ايه.
في جانب آخر في غرفته البنات حبه يفرحة رقية و بناتها شغله الاغاني وبداءت اميرة ترقص فتح معتز الباب بدون ما احد يحس من صوت الاغاني.
معتز واقف بيتفرج علي اميرة وهيا بترقص وطبعا مكنتش لابسه حجاب اول ما لمحت معتز واقف واقفت اتسمرت والكل في حاله زهول من موقف معتز الغريب لأنهم ولا عاداتهم ولا تقاليدهم تسمح بكدا اميرة راحت ناحية حجابها لبسته وبعدين ناحية الاغاني فصلتها وبعدين راحت ناحية معتز: انت بني ادم سافل ازاي تدخل علينا كدا من غير لا احم ولا دستور.
معتز بينظر لاميرة برغبة لأول مرة: انا اعمل اللي انا عايزة يا حلوة انتي هتبقي بتاعتي قريب اصلا فهمه ولسه هيحط أيده يضربها بشويش علي خدها كنوع من الهزار سابقته اميرة بقلم قوي للغاية علي وجهه
معتز في حاله صدمة الكل وقف صامت.
معتز أنصدم من رد فعل اميرة ثم برق وقرب منها بغيظ و اميرة غمضت عينها بخوف ثم جريت هاجر لاتلحق الموقف: معتز انت هتعمل ايه مانت غلطان وهيا عندها حق
رقية بقلق: معتز
معتز بيجز علي أسنانه: اللي انتي عملتي دا يا بت عمي مش هفوته صدقيني وهخليكي تندمي علي اللحظة دي
اميرة بتحاول تسترد شجاعتها من تاني: مانت لو محترم انا مكنتش عملت كدا
معتز قرب منها عشان يضربها بلقلم: انتي كمان لسانك هيطول.
رقية بعصبية عليه لأول مرة: معتز لا اوقف عندك ونزل ايدك دي اللي انت رفعها علي اختي قدامي انا ساكته من اول ما الموضوع ابتدأ ومش راضية اتكلم لكن توصل انك تضربها لا والف لا يا معتز
معتز بغيظ: انتي بتعلي صوتك عليا يا مرت خوي ولا عال وكمان بدافعي عن خيتك قليلة الرباية دي ومحموقة قوي اني هضربها ومتحمقتيش لما هيا مدت ايديها عليا انا كرجل واكبر منها وكمان ابن عمها وهبقي جوزها ليه متكلمتيش بقا.
اميرة بعصبية: انا مش هبقي مرات حد وقولتلك الف مرة نجوم السما اقربلك مني يا سي معتز.
رقية بتسكت اميرة و تتحدث هيا: اسمعني يا معتز و لا خدوهم بصوت ليغليوكم اولا احنا خلاص نهاينا موضوع الجواز دا مع عمي وحمزة يعني هيا مش هتبقي مراتك الا لو ربنا كاتب بقا دي حاجة تانية ثانيا ودا الأهم هيا ضربتك لأنك غلطان ودخلت عليها وهيا من غير حجاب و بترقص مع بنات زيها وانت اجنبي عنها مينفعش تدخل كدا لانه حرام ولا متعرفش الكلام دا.
معتز رفع حواجبة بسخرية: ولا وبقيتي تتحدثي مع ولد عمك الاكبر منك بطريقة دي يا رقية بس حديتي مش معاكي حديتي مع خوي الكبير
هاجر تدخل: هتقوله ايه يعني يا معتز مانت فعلا اللي غلطان وانا شاهده
معتز بصوت عالي: اخرسي انتي خالص معايزش اسمع صوتك فاهمة
هاجر ترتعب من صوته وتنظر للارض خوفا منه
في الأسفل.
حمزة بزعيق: انت ايه اللي بتقوله دا يا عبدالله انت اكيد اتجننت وكلمه تاني وقسما بالله لاقـ,ــ,ـتلك وادـ,ــ,ـفنك مكان وان بوك ولا خوك فتحه بوقهم هدفنهم جارك فاهمني
عبدالله: لا مش مجنون انا بقول الحقيقة اني وخيتك بنحب بعض لا بنعشق بعض فعلا
مختار بعصبية: اقتـ,ــ,ـله يا حمزة قليل الاداب دا انت ازاي تتجرأ وتقول اكدي يا كلب انت اني بتي اشرف من عيلتك كلها.
عبدالله بثقة: طبعا يا حاج بنتك اشرف من الشرف اني مقولتيش عليها حاجة غلط ولا عيب وعشان اني مشوفتش في تربية بتك اني واهلي هنا دلوقتي
حمدي: الحب مش عيب يا مختار ومش اني اللي هقولك الحديت دا احنا اصحاب من صغرنا وعارفين بعض وانت بذات خابر يعني ايه حب ومن الحب ما قتـ,ــ,ـل يا مختار مش كدا برضو
مختار اتوتر: لا معرفش يعني ايه حب ولا اقتنع بي واصل الحب دا حب ايه و زفت ايه.
عماد: اني ساكت طول القاعدة بس لازم اتحدت بقي حب مش حب انتو قوله رايكم اه أو لا وخلاص
حمزة نظر بغيظ لعماد: انتو لو اخر ناس في العالم واخوك دا مفيش غير رجل في الدنيا اني عمري ما اوافق عليه حتى لو كلام اخوك اللي مالوش عازه دا صوح واتفضلو بقي من غير مطرود من أهنئ واحمدو ربنا أن ابنكم طلع من أهنئ في يدكم وياريت يا حمدي تقطع لسان ولدك دا بيدك احسن ماني اللي اقطعه فهمني انت اكيد.
حمدي هز راسة: فهمك اللي بيحب حد مش بيجيب سيرة يا حمزة واني ابني رجل من ضهر رجل مش هو اللي جيب سيرة ولايه
معتز جي نظر لهم باستحقار: كانو جايين ليه دول
عماد بسخرية: ايه دا انت جيت قاعدته الرجاله متأخر يالا معلش خلي بوك يبقي يقولك يالا يا بوي يالا يا عبدالله ومشي الثلاثة وراء بعض ثم نظر حمزة لوالده بعدم تصديق وعصبية: هو بجد الحديت دا يا بوي هاجر بتحب الكلب دا كيف
معتز باستغراب: بتحب مين.
حمزة مردش علي معتز ودخل للمنزل بغضب وجري وراء معتز و مختار وبداء ينادي علي هاجر بصوت جهوري: هاجر هاااااجر
امال: في ايه يا ولدي صوتك عالي ليه كدا خير
حمزة بغل: فين المحروسة بتك
امال: معرفش يا ولدي والله بس هيا مالها عملت ايه
في الاعلي عند البنات سمعت هاجر صوت حمزة وهو بينادي عليها: يا لهههوي حمزة ماله بينادي عليه بطريقة دي ليه يا رب استرها
ايرة: اكيد معتز راح قاله حاجة شعللو عليكي عشان جيتي معايا.
رقية: طيب وهاجر مالها لو عايز يكلم يجي يكلمني انا
فجأة الباب اتفتح عليهم بقوة ودخل حمزة وكانت عيونه كان شرار يخرج منها: انتي هنا يا هانم
هاجر برعب: ايوا يا خوي في ايه
رقية: اهدا يا حمزة في ايه فهمنا
حمزة نظر لرقية وأميرة: اخرجي بره انتي وهيا و خدي العيال دي معاكم
رقية بتحاول تفهم ايه سبب العصبية اللي فيها حمزة دي: طيب فهمنا في ايه لي دا كلة
حمزة بصوت مفزع: قولت غوري برة.
رقية غمضت عينها من قوة صوته وشديت اختها و بناتها وخرجت من الاوضة وهو قفل وراهم الباب ونظر لأخته بغضب ومسكها فجأة من شعرها وهيا تتوجع: ااه في ايه انا عملت ايه بس
حمزة: بقي انتي تفضحينا علي اخر الزمن بقا تخلي سيرتنا علي كل لسان ممصدقش انتي يا هاجر
هاجر بتبكي: انا والله ليه فضحتوكم قولي والله ما عملت حاجة فهمني مش فاهمة حاجة.
حمزة زقها: هفهمك بقي انتي بتحبي عبدالله ولد الازهري يا هاجر بتستغفلينا وخليتي يجي أهنئ هو وأهله يتكلم عن حبكم لبعض بكل وقاحة وبجاحة
هاجر مصدومة: عبدالله جي هنا
حمزة: اه جاي يطلب يدك
هاجر بكت: اسمعني ابوس يدك يا خوي انت طول عمرك بتسمعني طول عمرك حناين عليه طول عمرك بدلعني
حمزة بحزن: وادي اخرت الدلع هتجبلنا العار دا عندهم بنت عمرنا ما شوفنا شكلها ايه مش بنشوف خيالها حتى وانتي رايحة تحبي.
هاجر مسرعا: لا يا خوي متقولش اكدي اني خيتك وانت خابر زين خيتك الحب عمره ما كان عار وانت مجرب الحب وعارفة غصب عننا
حمزة: مجرب الحب الحلال
هاجر بدموع: طيب مهو جاي بالحلال اهو يا خوي وافق يا خوي
حمزة بغضب: وكمان بجاحة وبتقوليلي وافق ولا انا ولا ابوكي ولا اخواتك موافقين يا بت بوي دا بذات لا وهنوافق علي العريس اللي جيلك فهما
هاجر ببكاء شديد: لا يا خوي متعملش اكدي ابوس ايدك ثم واطيت علي قدمه ابوس ايدك لا.
حمزة زقها بقدمه وخرج من الغرفة وهيا فضلت تبكي
مختار: عملت ايه معاها يا ولدي
معتز: انا هشرب من دمها
حمزة مسكة: اياك تيجي جنبها فاهم
مختار: انت عملت ايه فهمني
حمزة: انا فهمتها أنها هتتجوز غصب عنها العريس اللي متقدملها
معتز: صح اكدي اتصل بيهم يا بوي قولهم يجي في أي وقت بلا قلة حياة
امال: براحه يا ولاد علي خيتكم اني مرضياش ادخل بس الحديت مش اكدي
رقية: هو في ايه يا جماعة ما حد يفهمنا.
امال باستحقار: يعني انتي عايزة تفهميني أن بعد كل الحديت دا مش فاهمة يا ختي نسوان ما يعلم بيها الا الله
رقية سكتت باستغراب لانها فعلا مش فاهمة همست اميرة لها: انا فهمت وابقي افهمك بعدين اسكتي وملكيش دعوة بيها البومة دي
رقية قرصتها وبرقت ليها: اسكتي عيب كدا ميصحش
اميرة حطيت ايديها علي بوقها: اهو سكت
بعد عددت ساعات في غرفة حمزة و رقية.
رقية اخدت دش ولبست قميص حلو و نامت جنبه بس اديته ضهرها نظر لها حمزة نظرة استغراب لأن اول مرة رقية تديله ضهرها بشكل دا قرب منها حمزة وحضنها جامد: اول مرة تبعدي عني زعلانه مني
رقية سكته بس شالت أيده بزعل حمزة ادايق بس حاول يمسك نفسه: بتشيلي ايدي يا رقية كدا بتبعديني عنك بشكل دا
رقية حست انها زودتها وهيا مش معاويدها تعمل كدا معا ثم قلبت وشها ناحيته: اول مرة تمد ايدك عليا يا حمزة.
حمزة: اسف يا عمري غصب عني بس الموقف خنقني
رقية: والله البنات ثم قاطعها حمزة: انا عارف ان امي قالت كدا و متاكد بس انا تعبت
رقية: اهم شي انك عارف ان البنات مش بيكدبو
حمزة اخدها في حضنه: عارف والله المهم انتي وحشتيني جدآ موحشتكيش
رقية ضحكت بكسوف: وحشتني اوووي
حمزة بغزل: ايه القميص الحلو دا يخربيت جمالك جننتني ثم حط أيده علي وشها بحنان وقرب منها ونظر لشفايفها بهدوء ولا شفايفك بتجنني اااه يا بوي.
رقية ضحكت بصوت عالي
حمزة مسرعا: يخربيتك ضحكتك فضحتنا واطي صوتك
رقية: حاضر
حمزة: ها كنت بنقول ايه
رقية بكسوف: مش عارف
حمزة عامل نفسه بيفتكر: بصي انا مش لسه هفكر انا هعيد من الاول بقا تعالي اقولك تعالي
هاجر في اوضتها عمالة تبكي وجنبها اميرة بتحاول تسكتها: اهدي شوية يا هاجر مش كدا
هاجر ببكاء: هما ليه بيعملوا كدا هما ليه بيتحكمو فينا كدا
اميرة: عشان احنا بنات.
هاجر: لا احنا زينا زي اي رجل لازم نختار شريك حياتنا
اميرة: بس دول قتـ,ــ,ـله بوي اللي هو عمك هترضي تتجوزي انا ساعة ما شوفتك واقفة معا مرضيتش افتح معاكي الموضوع تاني وسيبتك علي هواكي
هاجر بنرفزة: والله ما قتـ,ــ,ـله حد والله عمي حد تاني قـ,ــ,ـتله مش هما صدقيني
اميرة: وانتي ايه اللي مخليكي واثقة اووي كدا
هاجر: عشان عبدالله قالي كدا وعبدالله عمره ما كدب عليا
اميرة بسخرية: قاله للحرامي احلف.
هاجر: انتي هتتريقي خلاص مش عايزة اتكلم سيبيني فحالي بقا انا فيا اللي مكفيكي
في منزل الازهري
عماد بزعيق: عجبك قلة القيمة والموضوع اللي حصل انهاردة بسبب عنادك ودماغك النشفة دي ارتاحت لما قلة من كرامتنا من عيلة الصياد يارب تكون ارتاحت وتطلع الموضوع دا من دماغك بقا
. عبدالله: استحالة طبعا مش بساهل كدا هسيب حب عمري هحاول مش همل
حمدي: انت مجنون يا بني هتحاول ايه تاني مستني تسمع كلام ايه تاني.
عماد: سيبك مني يا بوي هو الاسبوع الجاي فرح بت خاله في مصر وامي ومي ومراتي واحنا رايحين و هنشوفله عروسة هناك منهم
عبدالله بزعيق: هو انا عيل هتسكته بلعبة تانية ولا ايه
حمدي: اللي اخوك قال عليه هو الصح انسي يا بني وحاول تاني مع حد غيرها
بعد حوالي اسبوع في مصر
ادهم: المهمة اللي احنا استلامنها دي صعبة اووي وبذات أنها في بلدي وتجار المخدرات دي اصلهم من بلدي اصعب مهمة بنسبالي.
علي: هو احنا مالنا نروح بلد تانية ليه مش احنا مفروض متخصصين لهنا بس
