قاسي ولكن عاشق مياده ٤

اميرة بغيظ: ابوكي اتجوز عليها مستحملتش الخبر طبت ساكته

معتز بيعلي صوته عشان الدكتور داخل: احم احم اتفضل يا دكتور اتفضل

حمزة همس لرقية حطي الطرحة علي وشك واطلعي برة يالا اخلصي

رقية: حاضر حاضر ثم جابت طرف طرحتها وغطت بيه وجهها.

حمزة: اتفضل يا دكتور

اميرة خرجت وراء رقية ووقفه أمام باب الغرفة: شوفي ربنا بينقملك ازاي ربنا مش بيضيع حقوق يا رقية

رقية مش عايزة تشمت بتحاول تتطلع التفكير دا من دماغها: خلاص يا اميرة ربنا يسامحها كفاية عقاب ربنا مش عايزين نشمت بقا خلاص.

اميرة: قلبك الطيب دا اللي موديكي في داهية.

بعد حوالي ربع ساعة من فحص امال يخرج الدكتور ووراء الجميع: للاسف نزل عليها جلطة واحتمال تكون شديدة كمان دا مش هيبان غير لما تحمل الإشاعات اللي هكتبها ليكم دي تمام

حمزة بصدمه: جلطة و شديدة كمان لا اله الا الله

مختار بيغلي من جواه بسبب سعاد عايز يقـ,ــ,ـتلها

سعاد تجلس في غرفتها مرعوبة من اللي ممكن يحصل فيها: يا ربي. اني ايه اللي هببته في نفسي دا دول ممكن يقتـ,ــ,ـلوني ويخفوني وانا بت غلبانه محدش هيسال عليا.

عند غرفة امال مختار يقف متعصب جدا: قولولي اعمل ايه بعد اللي حصل لامكم دا في البت سعاد اقـ,ــ,ـتلها وهيا كدا كدا عاملة زي الكلب محدش هيسال عليها اصلا

حمزة: ايه يا بوي احنا خدنا علي القـ,ــ,ـتل والاجـ,ــ,ـرام ولا ايه وهيا الغلطة مش غلطتها لوحدها غلطتك قبل متكون غلطتها وغلطتك انت اكبر ليه هيا بت وحيدة مكنش عندها حاجة تخسرها لا دار ولا عيال لكن انت عندك اللي تخسره ومع ذالك مهمكش وبصيت لسعادتك و نزواتك و متعتك وبس.

مختار بعصبية: ايوا اني رجعت شباب علي ايديها عشت حياتي معاها هيا بس مكنش اتفاقنا خلفة ولا زفت.

معتز: هو طبعا حلال ربنا اللي انت عملته بس الحبل دا كان لازم يحصل عشان الغلط لازم ينتج منه غلط وانت غلط مش عشان اتجوزت لا عشان مقولتش لحد فينا بس

مختار: انتو هتعملولي محاضرة ولا ايه كل واحد يشوف هيعمل ايه ويالا خدو امكم وشوفو رايحين فين يالا اعملولها اشعه وشوفو ايه اللي هيحصل.

وبالفعل تم عمل الإشاعات الأزمة لآمال و ظهر أنها تعاني من جلطة كاملة في ايد والرجل والبوق.

وبعد كذا يوم في غرفه سعاد

مختار: اسمعيني زين انتي هتقعدي هنا عشان تخدمي امال في كل حاجة هيا دلوقتي مش بتقدر تتكلم ولا تقول اي حاجة خالص اعمليلها اللي هيا محتاجة

سعاد: واني اخدمها ازاي واني بطني مليانه

مختار: رقية برضو بطنها مليانه وبتخدمها هيا وأميرة.

سعاد بدلع: حاضر يا حبيبي اعمل اللي انت عايزة بس المهم انك ترضا عني وتسامحني ماشي.

مختار: لما اشوف الاول ابقا اسامحك ولا لا

سعاد: هنشوف يا عمري اني قايمه اهو اطمن عليها

مختار: قومي ذهبت سعاد إلى غرفته امال ومعاناة مختار ثم تقول له سعاد: لا يا حبيبي بلاش ندخل مع بعض عشان نفسيتها متتعبش خليك انت تحت وانا هدخل ليها

مختار: عندك حق طلع قلبك وعقلك كبار

سعاد: اتعلمت منك طبعا.

دخلت سعاد غرفة امال و نظرت يمينا و يسارا في الغرفة كان لا يوجد احد لقيت اكل محطوط علي الطاولة: ايه دا انتي رمولك الاكل زي الكلبه وسابوكي ومشيو مهما عارفين انك مش هتعرفي تأكلي لوحدك يالا زي بعضة هاكلك انا

امال عمالة تهز راسها بعصبية مهيأ مش قادرة تتكلم ولا تتحرك

سعاد: ايه دا مش عايزة تأكل طيب احسن غوري في داهية عنك ما كلتي ثم لميت الاكل جميعا في شنطه سوداء وجعلت الاطباق كلها فارغة.

لتدخل عليها رقية بعد عددت دقائق لتفاجاة بسعاد بجانب امال والاطباق فارغة: ايه دا انتي هنا بتعملي. ايه

سعاد بتوتر: ها كنت بطمن علي ست امال مختار طلب مني اطمن عليها واراعيها بنفسي

رقية باستغراب: هو الاكل راح فين كان ف اكل علي الصينية وانا روحت اطمن علي البنات عشان تعبانين وقولت يكون برد شوية عشان تقدر تأكله.

سعاد توترت اكتر: ها اه اه منا جيت يا عيني لقيتها بتحاول تاكل وكانت هتوقع الاكل علي الارض صعبت عليا اكلتها انا

رقية مش مصدقة: وهيا كلت الاكل كله معقول

سعاد: ايوا اكلتها بلعافية لازم تاكل كدا عشان تجمد وتقوم لينا كويسة بسرعة

رقية لافت نظرها كيس الزبالة: ايه الكيس دا

سعاد: دا دا كيس زبالة

رقية: دا كان فاضي ايه اللي في دا وريني كدا وخطفت منها الكيس لتشاهد ما في. ايه دا دا الاكل اللي كنت جايبة لمرت عمي

سعاد بتوتر: ها ااه ااه منا قولتلك دخلت لقيتها بتحاول تاكل ووقعت شوية اكل لميتهم حطيتهم في كيس الزبالة.

رقية: بس دا اكل كتير اكنه متاكلش منه حاجة وترمي

سعاد بخبث: ايه دي ماشاء الله كلت اكل مفيش بعد كدا ثم نظرت لآمال مش كدا يا حاجة

امال عماله تنظر لها بغل لكن مش قادرة تتكلم ولا تتحرك

رقية: طيب ممكن لو سمحتي متدخليش هنا تاني وشكرا جدا ليكي يا سعاد انك حابة تساعدي بس انا هقوم بس كل حاجة تخص مرت عمي مش محتاجة مساعدة من حد.

سعاد: لالا ازاي اني لازم اساعدك انتي بطنك مليانه عايزة مساعدها وغير اكدي دي ام اخوات ولدي

امال بغيظ عماله تزن: امممممممم امممممممم اممممم

رقية حسيت أن امال فقدت أعصابها: لو سمحتي يا سعاد اطلعي برة عشان خاطر انتي كدا هتتعبيها

سعاد بسعادة: حاضر خلي بالك منها يا رقيه

رقية بابتسامة صفره: اكيد دي مرت عمي في عيني

خرجت سعاد ورقية جريت علي امال تبحث في جسدها هيا عملت فيكي ايه ها قوليلي عملتلك ايه.

بداءت امال تبكي بحرقة

رقية: اهدي يا مرت عمي متبكيش اني مش هخليها تدخل هنا تاني ولا هخلي حد يدخل هنا اني بس اللي هدخلك

دخل حمزة بابتسامة وقرب من رقية وباسها في جبينها ثم قرب علي امال وباسها أيضا: ايه يا رقية امي عاملة ايه انهاردة

رقية: اهو نحمد الله علي كل شي

حمزة: الحمدلله ثم نظر لآمال يالا يا امي قومي اكدي ارجعي نوري الدار الدار وحشة قوي من غيرك والله.

رقية بابتسامة: اه والله إن شاء الله هتبقا زينه وتنور الدار

حمزة بابتسامة اعجاب لرقية: وتفضلي انتي كمان دايما منورة يا بت الأصول

دخل مختار وهو متنرفز: انتي هنا متحكميش علي حاجة يا ست رقية غير علي نفسك وجوزك و بناتك غير اكدي ملكيش حكم

حمزة اتنهد: خير يا بوي كلمني اني

مختار: قول لمرتك ملهاش صالح بسعاد وهيا هنا مرتي يعني تحترمها

حمزة ابتسم بخنقة: اهلا ابتدتينا وهيا رقية عملت ايه لست الحسن والجمال.

مختار: اني قولتلها لازم تخدم امك ولما جت هنا الست مرتك تقولها متدخليش الاوضة هيا تدخل مطرح ما هيا عايزة ولا حضرتك عايزة تستفردي بآمال لوحدك ولا عشان هيا كشفتك وعرفت انك بترمي الاكل و مش بتدي لآمال.

رقية بكت: اني اعمل اكدي ليه دي مرت عمي و حماتي يعني في مقام امي اني كنت سايبة الاكل طلعة لقيت مرتك اللي عاملة اكدي مش اني لولا عارفة أن مرت عمي مش هتقدر تتكلم ولا حتى تهز راسها كنت قولتلك اسالها هيا قدامك اهي.

حمزة: بوي اني ساكت لحد ما حضرتك تخلص كلامك لكن كفاية اني مرتي عارفة زينة واستحالة تعمل اكدي لكن مرتك دي معندهاش مبدأء اصلا وياريت تاخد ليها مكان بعيد عننا مش ناقصين قرف.

مختار بعصبية: دي مرتي وتقعد مكان ماني قاعد واللي مش عجبه الباب يفوت جمل ثم سابهم و مشي ورقية عيطت جامد وحمزة اخدها في حضنه بيحاول يهديها: اهدي يا عمري انا والله لولا امي تعبانه وعارف و متاكد انها هتتبهدل لو مشينا من الدار كنت خدتك انتي وبناتنا ومشينا من هنا

رقية بتمسح دموعها: لا طبعا استحالة امشي من هنا واسيب مرت عمي دي تبقا قلة اصل بس اني نفسي تصدق اني عمري ما اعمل في مرت عمي حاجة وحشة ابدا.

حمزة: يا عمري اني عارف كل حاجة صدقيني

رقية: ربنا يخليك ليا وميحرمنيش منك ابدااااا

حمزة: ولا منك أبدا ثم يغمز لها ويهمس طيب ايه العمل دلوقتي

رقية: في ايه

حمزة: في انك وحشاني اوووي واني هموت عليكي اعمل ايه

رقية ضحكت: بذمتك دا وقته.

حمزة: ومال وقته امتي يا قلبي.

رقية: هههههه مش عارفة بس اكيد في وقت يعني

حمزة: اهو هيضحك عليه

رقية: ولا عاش ولا كان اللي يضحك عليك يا قلبي يالا بقا هتسيني دواء مرت عمي امشي.

حمزة: وكمان بتطرد هيا وصلت لي كدا اني نازل

رقية: حمزة

حمزة: ايه يا قلب حمزة

رقية بكسوف: اني مكسوفة واني بقولك كدا بس ماليش غيرك أقوله

حمزة: قولي يا قلبي اللي انتي عايزاه

رقية. : بوي جالي في المنام وشكله حزين قوي امتا بقا هيجي حقة يا حمزة.

حمزة مش عارف يقول ايه سكت لحظات ثم قال: اكيد حقة هيجي بس لما اعرف القاتل الحقيقي لاني اكتشفت أن مش عيلة الازهري السبب للاسف وفي قاتل مجهول صدقيني اول ما اعرفة هجيب حق عمي

رقية: اني وثقة فيك ومتاكدة من كدا قوي ربنا يحميك وتفضل سندي وضهري

حمزة حزين: اني نازل لو عوزتي حاجة نادي عليا.

في غرفة سعاد تنام علي السرير وتحط ايديها علي بطنها وتحدث مع جنينها: انت هتبقا سندي و ضهري انت اللي هتخليني اعيش حياتي من تاني انت هتبقا زيك زيهم أهنئ يعني راسك براس حمزة الصياد يا امتا تيجي وتكبر واشوفك كيفهم اكدي رجل قد الدنيا

عند معتز واميرة

كانت نايمة اميرة في حضن معتز جت تقوم مسكها معتز: رايحة فين

اميرة: هقوم استلم من رقية حرام دي من امبارح قاعدة مع مرت عمي

معتز: طيب استني شوية وبعدين ابقي روحي.

اميرة: لا حرام كفاية علي. رقية اكدي

معتز: ربنا يبارك فيكم يا ولاد الاصول. كنت مفكر أن محدش هيخدم امي منكم بصراحة

اميرة: لا طبعا ازاي مينفعش رغم أن قلبي شايل منها بس مينفعش نسيبها في حالتها دي حرام ربنا يحاسبنا عليها

معتز: ربنا يحميكم ويخليكم لينا يارب دي مني اختي اول ما جوزها جي خدها مشيت معاه بسرعة ولا تقول لا اني قاعدة امي تعبانه ولا اي حاجة من الحديت دا بت قليلة الأصل.

اميرة: معلش هيا كمان عندها بيتها وعيالها وجوزها وحماتها قرشانا وغير كدا احنا أوله بي خدمتها مش كدا

معتز بابتسامة: عرفتي ليه انا اتمسكت بيكي وبحبك عشان عارف ان محدش كان هيصوني ويصون شرفي وأهلي غيرك انتي قلبي عمره ما كدب عليا ابدا لو كنت لفيت العالم كله مكنتش هلاقي ضفرك ابدا

اميرة بابتسامة: وانا لو كنت سيبتك كنت هندم ندم عمري وكنت هفضل طول العمر ببكي من الندم.

معتز ابتسم: يالا ننزل طيب سواه مش هسيبك لوحدك وغير اكدي هتوحشيني

عند حمزة ومختار

حمزة: ها يا بوي قولت ايه قولي اعمل ايه طيب رقية كل شوية تسالني امتي حق بوي هيرجع

مختار بتريقة: خلاص رجعه يا حمزة اقـ,ــ,ـتلني خلص عليا

حمزة: لولا العيبة كنت عملت اكدي لاني وعدت رقية و اميرة اني هجيب حق عمي واني رجل ومفروض اني قد وعدي ووعد الحر دين عليه واني حر يا بوي.

مختار بصدمة: يعني ـ,ــ,ـ يا حمزة ـ,ــ,ـ عشان عمك و مرتك.

حمزة: مانت قـ,ــ,ـتلته عشان مرته ايه الجديد يا بوي

مختار: اني بوك يا حمزة مش اخوك

حمزة: وايه الفرق يا بوي

مختار: خلاص اقتـ,ــ,ـلني لو دا هيـ,ــ,ـريحك يا ولدي اني اصلا قرفت من الدنيا

حمزة: مقولتليش ايه الحاجة اللي كنت بسببها هيتلف حوالين رقبتك المشنقة

مختار: خلاص بقا مبقاش ليه لازمة الحديت

حمزة: لا لازم اعرف

مختار: هتعرف في وقتها مش دلوقتي المهم شوف دلوقت عايز تعمل ايه واعمله.

حمزة: انت بتقول اكدي لانك واثق مليون المية اني مش هقدر اعمل اكدي بس قولي اعمل ايه اني تعبت من التفكير يا ريتني ما عرفت يا ريتني

ثم سمعه صوت ادهم: امي امي

حمزة خرج لي: ادهم ازيك

ادهم بدون رد: امي مالها فيها ايه عملته فيها ايه

حمزة: اهدي يا حبيبي امك كويسة تعبانه شوية بس متقلقش.

ادهم جري علي غرفتها اول ما فتح الباب جري عليها وفضل يبوس في ايديها ورأسها: ايه يا امي مالك يا روحي ايه حصلك انتي كويسة طبعا امال مش بترد نظر لرقية ايه حصلها يا رقية قوليلي

رقية: جلطة

ادهم: ودا من ايه ايه اللي وصلها لي كدا اكيد في سبب

دخل حمزة: اهدي يا ادهم هيا بقت بخير تعالي معايا وانا احكيلك حمزة اخد ادهم في الجنينة وحكاله اللي حصل

ادهم بصدمه: يعني بوك اتجوز سعاد وكمان هيا حبلة منه مش معقول.

حمزة: اهو اللي حصل حصل المهم

ادهم: ايه

حمزة: ناوي تعمل ايه فيي موضوع جوازك.

ادهم: خلاص صرفت نظر عن الجواز اصلا مش هتجوز هفضل اكدي اخدم بلدي وبس

حمزة: كيف يعني

ادهم: خلاص اللي كنت عايزها مش ليا

حمزة: لا ليك وقريب قوي هيا ليك وانت ليها وقول عليا مش رجل لو دا محصلش

ادهم: هيحصل ازاي واحنا في كل المشاكل دي معاهم.

حمزة: اني قولت ليكم من فتره أن مش عيلة الازهري السبب بس مكنتش اعرف مين القاتل دلوقتي اني عرفت هو مين واتاكدت

ادهم مسرعا: مين قول واني اروح اخلص عليه بي ايدي

حمزة: اهدا يا ادهم المشكلة اني كنت ممكن اعمل اكدي بس مش هنقدر.

ادهم: ليه مش هنقدر هنخاف منه مثلا

حمزة: لا بس مينفعش ومش هقدر اقولك عليه حاليا بس هيجي يوم والكل يعرف صدقني

بعد كذا شهر كل شي كما هو لا شي اتغير

عند هاجر و عبدالله.

هاجر بتبكي يقرب منها عبدالله بحنان: ايه مالك بس

هاجر ببكاء: اني زهقت من الغربة والبعد والفراق بقا

عبدالله: طيب قوليلي اني ممكن اعمل ايه اللي عايزاني اعمله صدقيني هعملهولك

هاجر: عايزة ارجع البلد دلوقتي واللي يحصل يحصل

عبدالله: بس يعني

هاجر ذاد بكاها: مانت لسه قايلي اللي انتي عايزة اني هعمله

عبدالله: حاضر والله لنروح البلد واللي يحصل يحصل يالا جهزي نفسك وحاجتنا ويالا بينا الرب واحد والعمر واحد.

هاجر بفرحة حضنت عبدالله: ربنا يخليك ليا يارب وانا متأكدة أن مفيش حاجة هتحصل حمزة هيقف جنبنا

عبدالله: اكيد طبعا

في منزل الصياد

سعاد لاميرة: علي اكدي ليه لحد الان مش حبلتي يا اميرة

اميرة: نصيب حاجة بايد ربنا مش بأيدينا

سعاد: طبعا طبعا ثم تحط أيدها علي بطنها اني طلعة حامل في ولد وانتي يا رقية.

رقية: حامل في بنت الحمدلله علي كل شي

سعاد: ايه دا بجد و حمزة مقالش حاجة

اميرة: هيقول ايه يعني هيا بايديها ايه.

سعاد: دا انتي ربنا بيحبك أن العقربة حماتك حالها جلطة دي لو كانت بصحتها وعرفت انك فيكي بت تالته كانت خربت الدنيا

رقية: محدش بي أيده حاجة اللي يعرف يخلق صابع طفل يورينا

في المديرية في مصر يتجمع عصام وعلي مع أحد اللواءت

اللواء: انتو متأكدين