العلاقه بينا4
جريت داليا على سعاد و قالت: اخيرا يا ماما صدقتي كلامي
عيطت سعاد و قالت: حقك عليا يا بنتي ،سامحيني يا داليا
داليا: مش عايزين حزن و على عياط ،احنا الحمد لله عادل كان غم و أن شاء الله ينزح
و على بليل كانت اتطلقت سعاد من عادل و رجعت أم لبناتها تاني ،و اخيرا داليا عرفت تاخد راحتها في بيتها..
و بكده بعد فترة طويلة من الحزن ،بطلاتنا بدوا حياة جديدة و سعيدة.
///////
خلصت الإجازة
و رجعوا البنات ل سكن البنات
مع اختلاف شوية حاجات ، قاسم وصل علياء لحد السكن و هو يعتذر منها
و صلاح وصل بنته لحد السكن و هو بيقولها قد ايه انتي جميلة
و يونس وصل ياسمين و هو مش مصدق أنها بقت مراته و طول السكة يقولها يا مراتي
و داليا جت لوحدها بس معها دعوات امها و ريكود بصوتها تقول فيه : داليا انا كنت غبية ،سامحيني يا بنتي ،حقك عليا، انا بحبك و اوعدك اثق فيكي ديما،و مش هسمح انك تكوني في اختيار مع حد ،علشان انتي اختياري الاول و الاخير.
دخلت البنات بكل حماس و هما يسمعوا الام الروحية ليهم اللي كل حياتها هو السكن و البنات معندهش لا زوج و لا اولاده
وقفت على المنصة و قالت: و نقول مرحبا بعام دراسي جديد،بس الاول عايزة أقول حاجه، احنا مختلفين محدش شبه التاني و اختلافنا سر التميز و أحنا لازم نكمل بعض.
بصت على صبا و قالت : و خليكم فاكرين أن الناس هتشوف صورتكم اللي انتي شايفها و مقتنعة بيها.
و بعدين بصت على داليا و قالت: الضعف مش حل،، و انك تسكت عن حقك مش هيفيد ،احيانا لازم تنفجر علشان تاخد حقك،الحق صاحبه لازم يكون قوي.
و كملت و هي عيونها على علياء: احيانا نغلط غلطة غير مقصودة تكلفنا كتير يبقي لازم نفكر بعقل من غير تسرع و نحاول نسامح الشخص اللي احنا متأكدين أنه يحبنا،يمكن هو كمان الموقف اثر عليه و كان مصدوم…
و ختمت كلامها و هي تضحك ل ياسمين و بتقول : و مينفعش نمسك في غلطة شخص بنحبه و خصوصا لو عرفنا أنه كان عنده وجهه نظر ،هي صحيح غلط بس لازم تناقش معه و نحاول نغفر له.
سكتت شوية و قالت: الدفعة الجديدة نورتوا المكان و اتمني تلتزموا بالتعليمات ،،،و مدام رحمة هتوصلكم ل الاوض و عام سعيدة و بالتوفيق للجميع يا بنات الحلوين.
نور كانت تقصد الأربع بنات بكلامها لأن مش صبا بس اللي حكت لها،كلهم حكوا لها عن مشاكلهم لما لقوا فيها الناصح الامين اللي يفيدهم..
