عرب

بعد شويه كان قاعد مع واحد صاحبه على القهوه ومخڼوق

جدا صاحبه قال بضيق يا ابني انت هتشلني ايه الكلام اللي سمعته ده ما فيش نص ساعه وعمتك وملت الحاره كلها ان ابنها هيتجوز بسمه

عرب بضيق شديد قال ما تملى ولا تفضي مهو هيتجوزها فعلا

صاحبه قال پغضب انت عايز تشلني ازاي هتسيبها تتجوز هو انت مش كنت

عرب بص له پحده وقال ناصر ما تستفزنيش الف مره قلت لك بسمه زي اختي انا اكبر منها بعمر ما فيش حاجه من اللي جايه في دماغك دي

ناصر بصلو بسخريه وقال ولما هو ما فيش طلقت مراتك بسببها ليه

عرب قال بعصبيه انا طلقتها علشان كدابه ومفتريه فوق انها مجنونه وبيتهيألها حاجات محصلتش كمان افترت على البنت وشهرت بسمعتها علشان كده طلقتها ولو عملت اللي عملتو مع اي واحده غير بسمه كنت هطلقها برضو

ناصر اتنهد وقال ماشي هيه غلطت جدا بس هيه عملت كده ليه لانها حست اللي كلنا حاسينو

عرب بصلو بضيق وناصر قال بسرعه خلاص خلاص على راحتك قاوح وكابر قد ما انت عايز واظلم نفسك واظلمها معاك و

ناصر لسه هيكمل بس عرب جالو تليفون من والدته وقف وقال نعم يا امي

بس اتسعت عنيه بدهشه وقال ايه تمشي يعني ايه الكلام ده انا جاي اهو اوعي تتحرك من عندك

وطلع جري بسرعه من غير ما يكلم اي حد او يرد على ناصر اللي كان بينادي عليه

عند بسمه كانت ماسكه شنطه هدوم وعايزه تطلع من البيت ووالده عرب بتمنعها وبتقول يا بنتي استهدي بالله ما كانتش كلمه قالها عرب ما انت عارفاه عصبي ومش بياخد باله من كلامه تمشي تروحي فين بس

بسمه قالت پغضب وهي پتبكي سيبيني يا عمتي بقول لك انا مش عايزه افضل

هنا انا هنزل اقعد عند طنط ام شاكر

امه قالت تقعدي عند طنط ام

شاكر ازاي

بقى انتي

اصلا مش

بتحبي تروحي هناك وبعدين يا حبيبتي يعني معقوله تعملي عقلك بعقل عرب

دخل عرب في الوقت ده وقال بضيق ومتعملض عقلها بعقلي ليه خارج من العباسيه على العموم شكرا يا نبع الحنان

امه حمحت وقالت يا ابني بحايلها يعني

على العموم كويس انك جيت اهيه قدامك اهي عشان انا تعبت وهادخل اريح

ومشيت على اوضتها بسرعه وسابتهم يتكلموا مع بعض

بسمه بصت له بضيق ولسه هتتقدم وقف قدام الباب وقال بحزم رايحه فين

بسمه قالت بدموع هانزل الدور الثاني عند عمتي ام شاكر

عرب ابتسم بسخريه وقال ايه ده بجد عند حماتك المستقبليه يعني طب هو في واحده برده تقعد عند حماتها قبل الجواز مش خاېفه من كلام الناس