اجمل قدر بقلم الياسمين
اتسعت عنيه بزهول ولطم على خدوده وقال..يا انهار اسود..دي امي
البنت قالت باستغراب…مامتك..مامتك ايه اللي جابها دلوقت
اسر قام وهو بيلبس هدومه بسرعه وقال…انتي لسه هترغي استخبي بسرعه..اتخبي هنروح في داهيه
قالت بزهول…. استخبى فين يا اسر… هو فيه ايه
اسر شدها من دراعها وحطها في البلكون وقفل عليها
بقى يشيل الهدوم من على الارض بارتباك وسرعه وقال بصوت عالي …حالا يا ماما ثواني بس…اهو جاي خلاص
راح فتح بسرعه وهو مرتبك جدا ابتسم بقلق وقال …اهلا يا ماما..اا اتفضلي خير يعني حضرتك جايه دلوقتي ليه
امه بصت له پغضب شديد وقالت… جايه اشوف ميله بختي
وقعدت على السرير بصيت له بضيق وقالت… مراتك كلمتني وزعلانه جدا دي حركه تعملها يبقى ايه منظرك قدامها دلوقتي وايه منظري انا قدامها وانا السبب في الجوازه دي اصلا
اسر بلع ريقه بارتباك شديد وقال… يا ماما انتي عارفه ان انا…
قاطعته وقالت پغضب…. مفيش اي مبرر للي عملته… وبعدين لما انت مش جاهز للجواز والموضوع مخوفك للدرجه دي كنت قلت لي كنا اجلنا شويه
اسر بص لها باستغراب وقال… مخوفني
امه اتنهدت ووقفت وقربت منه وقالت… يا اسر يا ابني انا مامتك لو هتتكسف مني يبقى هتتكلم مع مين … يا حبيبي ده شئ عادي جدا بتحصل كتير …عادي انك ترتبك وتخاف شويه او تبقى مش مستعد… لكن مش لدرجه تقول لها انتي في اوضه وانا في اوضه وتقفل على نفسك بالطريقه دي…عيب في حقك انت حتى ما حاولتش
اسر كان بيسمعها بزهول وفرك جبينه پغضب بيحاول يداريه وهو بيدعي من جواه ما يكونش اللي وصل له صح وهينفجر من الڠضب قال…. احاول ….احاول في ايه …هي قالت لك ايه بالظبط
اتنهدت وقالت ….البنت ما قالتش اي حاجه تعيبها لو أي واحده في مكانها مكانش هيرضيها الوضع ده…هيه جاهزه تستناك لحد ما تبقى مستعد و توترك يخف لكن مش بالطريقه اللي عملتها بيها دي تيجي تقفل على نفسك بالطريقه دي
اسر ضحك ضحكه خفيفه وقعد على السرير پغضب مكبوت وقال …ماما لاخر مره هقول لك قالت لك ايه بالظبط
امه قالت… قالت لي اللي حصل …قالت ان حضرتك جبتها هنا ومشيت ورجعت دلوقتي قلت لها ان انت مش جاهز ټلمسها وانك مش هتقدر ولا هتحاول حتى ودخلت على اوضتك وقفلت الباب..ده كلام تقولو لمراتك تفكر فيك ازاي دلوقتي… وانا لثاني مره هقول لك اهو البنت مقدره توترك ومقدره ان الموضوع جه بسرعه بس ما ينفعش تتجاهلها كده عيب
