هيكل عظمى

السيول خلت البيت ينهار علي دماغي انا وبناتي الصغيرين وبعدها وقع هيكل عظمي بتاع………

في البدايه اعرفكم بنفسي انا نرجس متجوزه وعايشه في الأرياف مع بناتي الاتنين وفي يوم كنت قاعده مع عيالي وبنتي قالت

هيام

يا ماما انا جعانه قوي هو انت مش ناويه تجيبي لنا اكل النهارده برده ولا ايه بجد انا تعبت من العيشه دي قوي

اسراء

كان ايه هيام هتقعدي تتكلمي ماما بطريقه اللي انت بتكلمي بيها دي هي ماما يعني لو كان بايديها تجيبلنا اكل مش كانت جابت

هيام

طب ما تروحي وشوفي تيته عايزه منك ايه وهي تخليكي تشتغلي يا ماما وتعرفي تجيبي فلوس علشان خاطر ناكل

نرجس

بقول لك ايه يا هيام انا مش عايزه كلام في الموضوع ده انت سامعه ولا لا ادخلي جوه

وبعدها دخلوا وجت حماتي وقالت

الحما

سامعه العيال من بره عماله تقول لك ان هي جعانه يا بنتي ريحيني وقولي لي عملت ايه في ابني وانا هخليك تشتغلي وتعملي اللي انت عايزاه

نرجس

والله العظيم حرام عليكي اللي انتي بتعمليه فيا ده انا ما اعرفش اي حاجه عن ابنك ارجوك ترحميني بقى وسيبيني باللي انا فيه

الحماااا

والله لو حلفتي ليا على الميه تجمد انا عمري ما هصدقك ان انت ما لكيش دعوه باللي حصل ل ابني

بقولك اي با بت انتي ناس كتير سمعتك وانت عماله تكلميه وتقولي ليه انا هم,تك واخلص منك وانا واثقه انت عملت حاجه زي كده

نرجس

ربنا يعلم انه والله ما اعرفش اي حاجه عنه وفعلا هو سابنا ومشي وانا مرتاحه ان هو مشي بدل ما كل يوم كان بيض,ربني وبيبهدلني

الحماااا

لو كانت الحكومه خرجتك وبتقول انك ما عملتيش حاجه انا هدخلك القسم ثاني وهتشوف انا هعمل فيكي ايه

وبعدها مشيت وانا بدات افتكر اللي حصل

فلاش باك

في يوم كان مدحت جوزي عامل يض,رب فيا وبيقول

مدحت

هو انت فاكراني يا بنت عبيطه ولا عبيط ولا هصدق الكلام الغريب ان انت بتقولي عليه ده وانك ما تعرفيش مكان الفلوس ردي وانطقي فين الفلوس اللي كانت في الدولاب لحسن هطين عيشتك النهارده

نرجس وهي عامله تعيط

حرام عليك والله يا مدحت ما اعرفش اي حاجه ولا شفتك اصلا وانت بتشيل الفلوس دي يا اخي بطل ضر,ب فيا بقى احسن والله العظيم هروح واجيب لك اخواتي وهم يقفوا لك المره دي

مدحت

اخوات مين يا ام اخواتي اللي انتي بتتكلمي عنهم

بقولك اي يا بت انتي هتقعدي هنا تحطي الجزمه اي بوقك انتي سامعه ولا لا اخواتك اللي رموك ليا علشان خاطر كانت جوازه بلاش عليكوا وما حدش فيكوا دفع جنيه