بقلم عمر على

يا فندم انا روحت المكان دا بالغلط ، أنا معرفش الناس دي ولا أعرف اصلا المكان

= مفهوم يا شهد ، اللي كانو معاكي اعترفو بكل حاجة وقالو انك مش معاهم ، وقريب أوي هنجيب الراجل اللي اتفق معاهم انك تروحي هناك ، تقدري تمضي هنا وتمشي

” خرجت ، حمدت ربنا ، أنا كنت عارفة انك مش هتسيبني ، بس جات متأخر ، الحمدلله ، أنا عاي.

شهد

” الصوت كان من ورايا ، لفيت وشي عشان اشوفه رغم اني عارفة صوته

نعم

= رايحة فين

ماشية ولا في قضية تانية هدخلها

= طب ممكن اوصلك ونتكلم

لا ، اعتقد كفاية كلام لحد كدا ، أنا هشيل من عليك الحرج ، انت مغلطتش يا سيف باشا ، انت نفذت القانون بس القانون بيقولك انك تكون عادل ، وانت بصراحة كنت عادل معايا جدا لدرجة انك حتى مسمعتنيش للآخر ، قررت تسمعني لما اعترفو اني مليش دعوة بيهم ، ف انا مش هحرجك أكتر من كدا وهمشي ، وبعد إذنك متكلمنيش ، سلام

” كان لازم دا اللي يحصل ، كنت هبلة اوي لما فكرت انه ممكن يبصلي ، للاسف انا مفيش حد هيبصلي ، محدش راضي يقبلني في الشغل أصلا يبقا ازاي حد هيشوفني مراته اللي هتشيل بيته و تربي عياله ، الافضل ليا اني اواجه لوحدي

خالد بيه

= خير

في خبر مش حلو

= انطق

البت خرجت من النيابة

= خرجت ازاي ، انت مش قولتلي انها دخلت السجن امبارح

الستات اللي كانو في الشقة اعترفو انهم ميعرفوهاش وخدت اخلاء سبيل

= غور من وشي غور

” مش عايزة تقعي ليه ، هاااا ردي ، مالك ، كل ما ادبرلك مصيبة تطلعي منها ، أنتي ايه ، ماشي يا شهد ، وحياه امي موـ,ـتك هيكون على ايدي ”

” كنت ماشية في الشارع مش عارفة انا رايحة فين ، طريق غريب معرفوش ، قعدت على الرصيف لحد ما استوعب انا فين ، خدت نفسي وسرحت ، بس حسيت ب خطوات كعب بتقرب مني ، بصيت لقيت واحدة شكلها شيك جدا ، لابسة فستان سواريه ، ريحة البرفيوم بتاعها واصلة قبلها ، قربت مني لحد ما بقت واقفة جنبي بالظبط

قاعدة هنا ليه= هو حرام

لا مش حرام

= عارفة انه مش حرام

مالك ، شكلك مضايقة

= وانتي اعرفك منين عشان اتكلم معاكي

احنا ممكن نكون صحاب من دلوقتي

= و دا ليه

من غير ليه ، أنا كل يوم بنزل الشارع بختار ناس معينة عشان تشتغل معايا ، والدور دلوقتي عليكي

= عليا انا

اه ، اختاري

= والشغل دا عبارة عن ايه

لما تقبلي هتعرفي كل حاجة

= وانا اضمنك ازاي