قلوب

قرب مني بتوتر :
– ا انتي كويسه

غمضت عيني وفتحتها اكتر من مره وانا برد بهمس :
– ا انا تمام

رد بقلق :
– مش واضح خالص تحبي تقعدي شويه

هزيت راسي بنفي
– لا لا انا هروح ممكن بس توقفلي تاكسي

– بس

قاطعته بتعب:
– ارجوك لو سمحت انا كويسه متقلقش

هز رأسه بضيق وهو بيوقف تاكسي وبيفتحلي الباب
لسه هركب حسيت الدنيا بتلف بيا وفجأه محستش بنفسي غير وانا بفقد الوعي وبقع بين ايديه

محستش بأي حاجه غير بعد ساعه بالتقريب

فتحت عيني لقيت نفسي في اوضه غريبه من الواضح أنها اوضه مستشفي
بصيت يمين وشمال مكانش في حد بصيت علي ايدي كان متركبلي محلول

اتنهدت بحزن وانا عيوني مدمعه وثواني وسمعت صوت الباب بيخبط
رديت بصوت مبحوح:
– ادخل

دخل هو بحزن وهو بيبصلي بشفقه :
– حمد لله علي سلامتك

رديت بحزن:
– الله يسلمك ياخالد

قرب مني وهو بيقعد علي الكرسي اللي قدام السرير وبيسألني بعتاب :
– ليه مقولتليش ؟

رديت بسخريه:
– هقولك ايه ؟
هقولك انا عندي كانسر وخلال أيام هموت عشان كده طلبت منك تخطبني
هقولك اني بحاول اعمل الحاجات اللي مقدرتش اعملها في حياتي قبل ما اموت  بأي طريقه حتى لو هانت كرامتي !!

واتنهدت بدموع وانا ببصله بحزن :
– انا بعفيك من الخطوبه ديه طبعا وخاصه بعد ما عرفت الحقيقه
وبعتذر لو ضيعت وقتك

اتنهد وهو بيبصلي بحزن :
– حتي لو مبقتش خطيبك فأنا هكون دكتورك المشرف علي حالتك

رديت بصدمه :
– د دكتوري

رد بهدوء :
-انتي ناسيه اني دكتور ولا ايه
وبعدين لو انتي بتعفيني من خطوبتنا فأنا مش بعفيكي

– يعني ايه ؟؟

رد بنفس الهدوء :
– يعني مش بمزاجك انا كلمت والدك وطلبت ايدك منه

القصه رووعه للمتابعه سيب لايك وكمنت بتم 👇👇👇