نسيم العاصف

والدته قربت منه وقالت..يا ابني دي الوحيده الي وافقت بيك .. هتتجوزها تسع شهور بس..تخلف الطفل الي محتاجينه وتاخد قرشين وتمشي
قال بغضب…انا قولت لا…لا…انا عاصف الصقر اتجوز بنت بالفلوس ..ازاي اقبل كده يا ماما..ده انا امثالها احطهم تحت رجلي

ضحكت والدته وقربت منه وقالت..انا فاهمه انت زعلان ليه..كرامتك مش جيباك لانها رفضتك من غير جواز..بس ده حقها يا عاصف

عاصف بصلها بدهشه وقال بغضب..حقها..حقها ده ايه هي الخدامه دي لها حق

قالت والدته بضيق..يوه يا عاصف..خدامه خدامه ..هي الخدامه دي مش بشر زينا يا ابني

عاصف قال بسرعه..بشر..بس مش زينا..ومستحيل تكون زينا…عامله فيها شريفه ومداريه ورا الخيمه الي لبساها..قال يعني من جمالها..انا عندي استعداد اراهنك على مليون جنيه لو كانت نتشاف اصلا

ضحكت والدته  وقالت…انت مالك بشكلها..انت متجوز نفين من  سنين طويله..ومحصلش حمل ولا هيحصل في حالتها…وجدك مُصر متورثش جنيه واحد قبل ما تفرحو بحفيد…ايه العمل غير كده..دي هتخلف الولد وتسيبو وانت ونفين الي هتربوه مالك بقى بشكلها وحشه ولا نيله حتى

عاصف اتنهد وقال..تمام كل كلامك صح..ايه المانع بقى انها تخلفو من غير جواز..اصلا محدش هيعرف لحد ما تولدو ولا لازم  تتلزق في اسمي الجربوعه دي

امه نفخت بضيق وقالت..انا تعبت معاك..البنت مش عايزه تعمل حاجه حرام..هتعترض في دي كمان..وبعدين ازاي نقبل يبقى ابنك ابن حرام …شوف بقى لو مبطلتش قلة عقلك دي متجيش تشكيلي بعد كده ولو فعلا بتعتبرني امك الي يهمها مصلحتك وافق علشاني وخلصنا من كل ده

عاصف اتنهد بخنقه وقال..ماشي ياماما علشانك بس هوافق..بس هي ليله واحده هقضيها معاها وبعد كده مش عايز اشوف وشها تاخديها اوضه تانيه وتحبسيها فيها لحد الولاده تمام

والدته ضحكت وقالت..تمام….كل ده موافقه عليه..بس يارب انت بعدين تفضل قد كلامك وتوافق عليه

عاصف مفهمش ولسه هيرد جات بنت تبان صغيره جدا منتقبه وشايله القهوه وهي بتترجف من الخوف

عاصف بصلها بحده وهي خافت اكتر
امه اتنهدت بيأس منه وقالت…تعالي يا نسيم يا بنتي متخافيش..على فكره عاصف وافق على جوازكم الي انتي عيزاه هيتم..

عاصف قال بغضب..انا موافقتش على حاجه…ومستحيل اوافق تكون واحده زيك مراتي…بس وضع مؤقت