لقمه بكرامه 1

موقع أيام نيوز

المطبخ وهي مبتسمة ابتسامة مستفزة وقالت
كلي اللي موجود… وبعدين اغسلي المواعين.
بصتلها وقلت
آكل إيه؟
قالت ببرود
هو العيش والمرقة فيهم إيه؟
قلت وأنا مخڼوقة
أنا لسه برضع حفيدتك.
قالت وهي هازة كتفها
وإحنا زمان كنا بنولد وتاني يوم ننزل الغيط.
كريم وقف جنبها وقال
يا ندى… بلاش تعملي مشكلة.
بصيت له.
وقلت
إنت شايف إنهم ما سابوش لي ولا لقمة؟
رد بمنتهى البرود
ما إنتِ اتأخرتِ.
قلت
اتأخرت عشان كنت برضع بنتنا.
ضحكت حماتي وقالت
اللي يتأخر… ما يلومش غير نفسه.
في اللحظة دي…
فهمت.
دي ما كانتش صدفة.
ولا نسيان.
هم أكلوا كل حاجة وهم عارفين إني في الأوضة برضع.
وجوزي كان موافق.
ما اتكلمتش.
دخلت الأوضة.
شلت ملك.
لبست الطرحة.
وخدت شنطتي.
وخرجت.
كريم جري ورايا وقال
رايحة فين؟
بصيتله وقلت
أدور على لقمة آكلها.
قال
ما تكبريش الموضوع.
قلت
اللي عملتوه هو اللي كبير.
ومشيت.
أول بيت خبطت عليه كان بيت الحاجة أم حسن.
ولما فتحت، قلت لها
معلش يا حاجة… هو لسه عندكم أكل؟ أنا كنت برضع بنتي، ولقيت كل الأكل خلص عند أهل جوزي. مش عايزة حاجة ببلاش… حتى لو أشتري طبق بسيط، المهم ما يجليش ضعف وأنا برضع.
بصتلي…
وبصت للبنت.
وقالت پصدمة
يعني ما سابولكيش حتى لقمة؟
قلت بهدوء
لأ.
ما كملتش كلامي…
كانت بتنادي على جوزها بصوت عالي.
وخلال خمس دقايق…
جار وجارة عرفوا.
وبعدهم كذا حد.
وواحد بعت على جروب واتساب بتاع البلد.
ولما رجعت بيت حماتي…
ما رجعتش لوحدي.
رجعت ومعايا ستات من الجيران، ورجلين، وكل واحد شايل طبق أكل.
فراخ.
رز.
محشي.
عيش سخن.
وسلطة.
حماتي خرجت وهي بتزعق
إيه اللمة دي؟
الحاجة أم حسن قربت منها وقالت بصوت عالي
حكايات_منال_علي
قبل ما تعملي فيها محترمة، قولي للناس ليه خبّيتي نص صينية الفراخ في الفرن الصغير، وسيبتي مرات ابنك، اللي بترضع حفيدتك، من غير لقمة؟
في اللحظة دي…
وش كريم قلب أبيض…
وكل اللي واقفين بصوا عليه مستنيين يسمعوا هيرد بإيه…
وووو يتبع