ليله الفرح
موقع أيام نيوز
السرير
وفي الآخر هو نام
أنا فضلت صاحية
حوالي الساعة 4 الفجر.. لفيت وبصيت له
نور القمر كان نازل على وشه
بقالي سنين بمرن نفسي اني أشوف أخوه لما أبص له.. مش جوزي
الليلة دي.. لأول مرة.. لقيت نفسي بعمل العكس
بقيت أدور في وشه على جوزي الأولاني
وبعدين افتكرت حاجة أخيرة
حاجة من الأيام اللي بعد الحاډثة على طول
حاجة الدكاترة قالوها وكنت مڼهارة ساعتها لدرجة اني مسألتش فيها
قمت قاعدة مرة واحدة
هو اتحرك جنبي
مالك؟
مردتش
عشان فجأة الندبة مبقتش هي الحاجة الوحيدة اللي مش راكبة
ولأول مرة من 3 سنين.. لقيت نفسي بفكر.. هو احنا حددنا التوأم الغلط بعد الحاډثة؟
ولو ده حصل..
يبقى الراجل اللي نايم جنبي مش أخوه
ويبقى جوزي اللي دفنته من 3 سنين.. ممكن يكون هو
كنت محتاجة دليل قبل ما أتهم حد بحاجة مستحيلة زي دي
وتاني يوم الصبح.. كنت عارفة هبدأ أدور فين
تاني يوم الصبح قمت قبل ما هو يصحى.. فضلت باصة عليه وهو نايم.. نفس الندبة باينة.. ونفس الوش اللي أنا حافظاه.. بس لأول مرة مبقتش عارفة أنا ببص على مين
مرضيتش أصحيه.. دخلت المطبخ وعملت قهوة وإيدي بتترعش.. وفتحت موبايلي وبدأت أدور في الصور القديمة
عندي ألبوم كامل لجوزي الأولاني من يوم فرحنا.. قلبت فيه لحد ما لقيت صورة ليه في البيت بالشورت.. وكان قاعد على الأرض وبنتي صغيرة قاعدة على رجله.. وعملت زووم.. الندبة باينة.. نفس المكان.. نفس التقويسة.. بالظبط
خدت سكرين شوت.. وبعدين دورت في صور أخوه.. أخوه كان عنده صور قديمة على الفيسبوك من أيام الجامعة وهو لابس مايوه في المصيف.. قلبت كتير.. ملقتش أي ندبة في المكان ده.. جسمه كان نضيف
قلبي بدأ يدق جامد
قلت لنفسي يمكن أنا ببالغ.. يمكن التوأم بيطلع لهم نفس الندبة لو الاتنين اتعوروا؟.. لا..
مستحيل.. دي ندبة مميزة.. أنا اللي مخيطة الچرح بإيدي لما كنا في البيت.. كان اټعور من مسمار طالع من خشبة وهو بيصلح بيت بنتي الخشب الصغير.. وأنا اللي طهرته وحطيت له لزق.. وقعد أسبوعين يعرج
قمت فتحت الدرج اللي فيه أوراقنا.. شهادة الۏفاة.. تقرير الحاډثة.. التقرير كان بيقول ان الچثة اتفحمت شوية بسبب الحريقة اللي حصلت بعد الحاډثة.. والتعرف كان عن طريق المحفظة والبطاقة والساعة.. مش عن طريق تحليل
يعني محدش عمل تحليل DNA.. العيلة شافت المحفظة وقالت ده هو.. وأنا كنت مڼهارة مش قادرة أبص أصلا
جوزي الجديد صحي.. دخل المطبخ وقال صباح الخير يا عروسة.. نمتي كويس؟
بصيت له وقلت لا.. منمتش.. كنت بفكر في الندبة
وشه اتغير ثانية ورجع تاني.. قال مالها الندبة؟
قلت له أصل جوزي الأولاني كان عنده واحدة زيها بالظبط في نفس المكان.. وانت قلت لي انها من موتوسيكل.. بس انت عمرك ما ركبت موتوسيكل.. صح؟
سكت شوية وقال ركبت مرة زمان.. ونسيت.. مش موضوع يعني
قلت له وموضوع دعسوقة؟.. انت ليه بتنده لبنتي دعسوقة؟.. ده اسم جوزي هو اللي كان بيقوله لها وهي عندها 4 شهور.. عمرك سمعته مني؟
قال سمعتك مرة بتقوليه.. وعجبني
قلت له والفلوس اللي كانت مستخبية ورا السيراميك في الحمام؟.. ازاي عرفت مكانها؟
قال بعصبية خفيفة يا حبيبتي انتي بقيتي بتدوري ورايا ليه؟.. احنا لسه متجوزين امبارح.. بدل ما نبقى مبسوطين.. بتحققي معايا؟
قلت له عشان أنا خاېفة.. خاېفة أكون دفنت الراجل الغلط.. وخاېفة أكون اتجوزت جوزي الأولاني وهو عامل نفسه أخوه
أول ما قلت الجملة دي.. سكت خالص.. سكوت طويل.. وبعدين قال انتي بتقولي ايه؟.. انتي اټجننتي؟
قلت له طب فهمني.. معصمك الشمال.. المفروض انه كان مكسور وانت بتلعب كورة وانت صغير.. وده
