في بيت أهل صبا رن التلفيون، رد صلاح ابو صبا: الو جاه الرد من الناحية:الاتوبيس اللي بنتك جت فيه ،عمل حادثة و كل اللي في حالاتهم صعبة انتفض صلاح من مكانه و صرخ: لا اكيد مش بنتي جاه الرد من الجهه التانية : عرفت رقمك من تلفيونها صباح أم صبا: في ايه؟ صلاح بانهيار: الاتوبيس اللي صبا جاية عمل حادثة. قال كده و وقع التلفيون من أيده و جري على برة،أما صباح وقعت في الأرض من الصدمة. ///// وصلت ياسمين قصر فخم كل حاجه في غالية دخلت على اوضة السفرة كانت العيلة الكبيرة متجمعين في قصر ابو ياسمين على شرف نجاحها،دخلت و هي بتضحك: السلام عليكم عائلتي الجميلة بدا الكل يسلم عليها بسعادة لحد ما وصل يونس و قال بلهفة: وحشتني على فكرة ردت ببرود: ازيك يا يونس. يونس بغضب مكتوم: احنا مش هنخلص بقي يا سوسو ياسمين: هنخلص من ايه، قولتك مش بحبك ،افهم بقي و قبل ما يونس يرد، قال حسام ابو ياسمين : يلا يأولاد الاكل هايبرد مشيت ياسمين و هي بتقول: الله الاكل يفتح النفس أم ياسمين ( نجوى) :بالهنا و الشفا يا قلبي. بدوا ياكلوا و يونس عيونه على ياسمين و يلوم نفسه على غبائه و افتكر اللي حصل بعد نتيجة الثانوية العامة حسام ابو ياسمين كان ملاحظ ،أن في حب بين ياسمين و يونس فقال يعمل مفاجأة ،متوقعش اللي هيحصل كان يونس و ياسمين يتغدوا برة و رجعوا بخوف لما نجوى قالت إن حسام تعبان ،اول ما دخلوا لقوا كل العيلة موجودة و القصر متزين ، سال يونس : في ايه يا جماعة ضحك حسام و مشي ناحية يونس و قال: انت عارف أنك ابنك صح يونس بحب و امتنان: طبعا عارف بعد وفاة بابا و ماما انتي خدتني و ربتني مع ياسمين و ماما نجوى كانت امي، طول عمري مش هنسي معروفكم معايا حسام: انت غبي معروف ايه.. نجوى : خلص بقي يا حسام الأولاد خافوا ياسمين بتوتر : في ايه يا ماما نجوى: متخافيش يا حبيبتي،مفيش حاجه يونس: عمي كل حاجه تمام.. حسام: المثل بيقول أخطب لبنتك و متخطبش لابنك ،انا بقي محظوظة علشان هخطب ل بنتي و هخطب ل ابني، ياسمين أنا طالب ايدك ل ابني يونس و هو مال و جمال و ادب و اخلاق و اسالي عليه. و كمل كلامه :يونس انا طالب ايدك ل بنتي ياسمين،هي مال و جمال و ادب و اخلاق و اسال عليها. حسام كان يتكلم بكل حماس و معندوش ذرة شك أن ممكن حد فيهم يرفض لانه متاكد ان الاتنين يحبوا بعض، بس كانت الصدمة لما قال يونس: انا اسف يا عمي لمشاعر حضرتك ،بس انا مش موافق على طلبك،ياسمين اختي و بس لحظات صمت و ذهول في المكان ،لحد ما نطقت ياسمين علشان تحفظ كرامتها ،قالت: يونس بالنسبة ليا هو اخ و بس و طلعت على اوضتها قدم الكل و هي قوية ،مع أن مفيش أضعف منها في الوقت ده.. بعد ما الكل مشي ،سال حسام: انا متاكد انك بتحب ياسمين فقولي رفضت ليه يونس بحزن: علشان لو وافقت هكون طماع حسام: مش فاهم حاجه يونس: لول حضرتك بعد ربنا كنت زماني في الشارع، معقول هطمع اكتر و اتجوز بنتك و الكل يقول اتجوز بنته علشان يورث لاول مرة حسام ضرب يونس قلم قوي و هو يقول: أنت غبي يا ابني كسرت قلبك و قلبها علشان السبب التافه ده، احنا مالنا بالناس ، انا لو مش متاكد انك هتصون بنتي كنت عملت كده نزلت دموع يونس و قال: انا كنت غبي حسام : غبي و حمار يونس: طيب اعمل ايه حسام: انا هكون اسعد واحد لو اتجوزت انت و ياسمين و نجوى بتحبك زي ياسمين ،بس الدور و الباقي على ياسمين،هتقبل بعد اللي أنت عملته يونس: هعمل كل حاجه علشان تسامحني حسام: ورني شطارتك و حاول يونس بكل الطرق يفهم ياسمين وجهه نظره بس هي رافضة تسمع منه، كسرت قلبها مش بالساهل. فاق يونس منةشرود على حسام و هو يقول: ياسمين خرجت الجنينة وراها عايز افرح بيكم يونس: لو ابويا عايش مش هيعمل معايا كده حسام: ابوك اخوي و احنا واحد ،أجري انت يا مجدي . خرج يونس وراء ياسمين ،و قال: ياسمين نفخت بضيق و قالت: انا زهقت منك بجد. يونس بحزن: أسأل لآخر مرة انتي فعلا مش بتحبني ياسمين مقدرتش تتحكم في دموعها و قالت : ايوه عمري ما حبيتك يونس بدموع : ليه الدموع يا حبيبتي ياسمين بهدوء مصتنع: اصلك صعبان عليا يونس: ليه ياسمين بهدوء: اصلك بتضحك على نفسك اني بحبك و انا عمري ما حبيتك و صدقني لو كنت اتاخرت شوية ،كنت هرد على بابا و اقول اني مش بحبك ، بطل تضحك على نفسك انا يوم ما احب مش هحب واحد زيك.. قال بابتسامه استهزاء: طيب عندك كلام تاني تقولي علشان توجعي قلبي اكتر من كده قالت بهدوء: لا وابعد عني يا يونس يونس بحزن: حاضر مشي يونس و هي انهارت من العياط ،تحبه و في نفس الوقت طريقة رافضة ليها كانت صعبة. /////////// ركب يونس عربيته و ساق باقصي سرعة، و هو يشوف صورة ابوه و أمه في التلفيون و قال بدموع: انا محتاج ليكم بجد يمكن عمري ما حست أني يتيم غير الفترة دي، انا محتاج أسند ضهري بيك يا ابوي محتاج حضنك يا ماما،مش هقدر اكمل حياتي من غير ياسمين اللي انا ضيعتها من ايدي . كان يسوق بعدم تركيز علشان كده ،عمل حادثة /////// في البيت رن تلفيون حسام: الو سكت شوية و بعدين قال: أيوة أنا قام من مكانه فزع و قال::بتقول ايه يونس عمل حادثة، مستشفي ايه جري حسام و نجوى و راهم ياسمين ////////// في المستشفى حسام بخوف: يونس عامل ايه الدكتور::الحمد لله قدر و لطف ، شوية كدمات في جسمه كله حسام: يعني ايه. الدكتور: كسر في الرجل الشمال و الايد اليمين و عشر غزر في الرأس نجوى بصدمة:الحمد لله على كل حال ،بس كل ده و بتقول كويس الدكتور: طبعا كده كويس ،الحادثة كانت صعبة بس هو ربنا نجاه حسام: الحمد لله،ممكن نشوفه الدكتور: طبعا اتفضلوا بص حسام على ياسمين و قال: ادخلي يا ياسمين ،هو بيحبك دخلت و هي بتعيط ،اول ما شافها قال: متخافيش أنا كويس نزلت دموعها و قالت: خوفت تروح مني يونس: على قلبك لآخر العمر ياسمين بحب : بحبك يونس بصوت عالي: بحبك و اسف على غباىي دخل حسام و قال: قوم يا يونس نروح لأقرب مأذون قبل ما ترجع في كلامها قام يونس ينطط و هو ايده و رجله و دماغه مربوطين بشاش و قال: يلا بسرعة... و خرجوا الأربعة على اقرب مكتب مأذون و كتبوا الكتاب و الفرح لما ياسمين تخلص الجامعة ////////// بعد سفر لساعات وصلت صبا البيت ،اتاملت تلاقي غيابها اثر في أهلها، دخلت البيت بالمفتاح ، امها قاعدة و منهارة من العياط ،قالت : السلام عليكم ورحمه الله وبركاته، في ايه يا ماما مالك. صباح أول ما شافت صبا ،جريت عليها و بقت تدور فيها و تسال بفزع : صبا انتي كويسة ،ردي عليا ،متكذبيش قولي الصراحة في حاجة بتوجعك. صبا كانت مش فاهمة حاجة،فقالت: في ايه يا ماما وقعت صباح على الأرض و قالت بندم: انا اسفة على كلمة وجعتك بيها سامحيني يا صبا قعدت صبا قصادها و مسحت دموعها و قالت: انا مش زعلانة بس في ايه؟ صباح بدموع: جالنا تلفيون أن الاتوبيس اللي انتي جاي فيه عمل حادثة، ابوكي نزل يدور عليكي زي المجنون و انا حسيت اني مشلولة و مش قادرة أتحرك صبا: انا الحمد لله كويسة و محصلش حاجه احتمال اتوبيس تاني صباح: هاتي تلفيوني من على الترابيزة صبا جابت التلفيون ل امها اللي كلمت جوزها و هي بتقول: تعال يا صلاح صبا كويسة و معايا. و قفلت الخط و بقت تبوس كل حتة في صبا و بتقول : سامحيني يا صبا . على قد ما صبا كانت زعلانة على حالتها،بس فرحت أن امها طلعت بتحبها. شوية و وصل صلاح اللي اول ما فتح الباب و شاف صبا،، سجد سجدة شكر لله و جريت صبا حضنته ،و هي بتقول: انا كويسة يا بابا باس ايديها و قال: سامحيني يا صبا ،حقك عليا صبا: انا مش زعلانة منكم ،انا بحبكم ،و مليش غيركم صلاح: احنا كنا أب و ام فاشلين بدل ما نكون داعمين ليكي ،بقينا ضدك. صبا: ممكن كفاية عياط و اعتذارات انا الحمد لله كويسة، و جعانة اوي صباح: ادخلي غيري هدومك و انا هعملك الاكل اللي تحبي صلاح: و انا هنزل اجيب حلويات من تحت. ضحكت صبا بسعادة و دخلت اوضتها و هي طائرة من الفرح و الحقيقة أن صاحبة المكالمة هي نور اللي قررت توضح لهم أن ممكن بنتهم تضيع منهم في أي وقت و الخطة جابت نتيجة /////((((( و نروح اسكندريه و بحرها الجميل علشان نتعرف على حياة داليا و سبب حزنها. في شقة تطل البحر وصلت داليا البيت سالت أم داليا: عاملة ايه يا داليا داليا: الحمد لله يا ماما ،انتوا عاملين ايه سعاد: الحمد لله بصت حواليها و قالت : فين بشرى سعاد: خرجت مع عادل انتفضت داليا من مكانها و قالت: ليه يا ماما تخرج معه سعاد: انتي هبلة اب و بنته خرجوا مع بعض.. صرخت داليا و هي بتقول: انتي لسه عايشة في الوهم ده، عادل ده جوزك مش ابويا و لا ابوه بشرى ، و ياريت هو راجل محترم ده متحرش،انا كبرت و انا عندي عقدة نفسياً من اللي حصل ،مش قادرة انسي ان طفولتي كانت صعبة و اتسرقت مني، أنا اتعرضت لكل انواع العنف النفسي و الجسدي رعشة ظهرت في صوتها و كملت: انا اتعرضت للتح،،رش رغم اني طفلة و السبب أمي. صرخت سعاد : انا السبب داليا بانهيار: أيوة سعاد ضربت داليا بالقلم و قالت: انتي لسه بتقولي كلامك العبيط ده، بطلي بقي يا شيخة حرام عليكي الراجل محترم و يعاملك انتي و بشرى احسن معاملة و عايشين في عز بسببه داليا بعصبية: انا و بشرى عايشين من فلوس بابا الله يرحمه و انتي و جوزك عايشين من خيره، جوزك اللي بيعاملني حلو ده ،عمل فيا كل حاجه سيئة ضرب و اهانة و يحبسني في اوضة ضلمة و وصلت معه يتعدي عليا و تقولي معاملة كويسة، فتحي عينك بقي علشان متبقاش بشرى داليا تانية صرخت سعاد و هي تسأل : انتي عاملة كده ليه؟ مالك في ايه نزلت دموعها بقهر و قالت: لسه فاكرة تسالي انا مالي ، انتي بجد مش عارفة أنا عاملة كده ليه سكتت شوية ،و بصوت كله قهر قالت : انا عاملة كده ليه، أنا بموت يا ماما، بموت كل لحظة و ثانية و انا بتفكر لمسات جوزك الحقير ، بسبب قذرت جوزك و سكوتك ،انا بقيت بخاف من اي حد ، تخيلي واحدة صاحبتي حطت ايديها على كتفي صرخت و انا بقول ابعد عني. سعاد بحزن: انتي اكيد فاهمة غلط ،انا لما اتجوزت عادل كان عندك عشر سنين يعني طفلة، اتعامل معاكي كانه اب ضحكت داليا بياس و قالت: انتي صعب عليكي تفهمي أو مش عايزة تفهمي ،انتي بتحبي جوزك اكتر من بنتك ،اي نوع من الامهات انتي.. سعاد بعصبية: كفاية لحد كده ،انا سمعت كلامك الفارغ اللي ملوش لازمة،ادخلي غيري هدومك جزت داليا على أسنانها بغيظ و قالت: انا بسببك مكنتش عايزة اجي بيتي ،علشان ابعد عنكم ،شايفة وصلتني ل ايه سعاد بكل ببرود: هدي نفسك يا داليا داليا دخلت من غير رد، هي امها مستحيل تفهم معاناتها بعد شوية رجع عادل مع بشرى ،اول ما دخل البيت شم رائحة عطرها فسأل بلهفة مخفية: هي داليا رجعت سعاد: أيوة دخلت بشري اللي عمرها ١٥ سنة اوضة داليا داليا جريت عليها و حضنتها و قالت: عاملة ايه يا حبيبتي بشرى: الحمد لله،وحشتني اوي داليا بخوف:: طميني عليكي انتي كويسة بشرى : أيوة داليا مكنتش عارفة تسألها ازاي ،فقالت : هو جوز ماما عامل معاكي ابتسمت بشرى و قالت: كويس اوي يا داليا بيعاملني زي بنته بالظبط داليا: ده كلامك و لا كلام ماما بشرى: كلام ماما ، و كلامي علشان فعلا هو كويس معايا و يجيب ليا العاب و حاجات حلوة كتيرة داليا: خلي بالك من نفسك يا بشرى، و متسمحيش لاي حد يقرب منك حتي لو كانت صفته ايه ،فاهمة حاجة بشرى: مش اوي حضنتها داليا و هي بتقول: يارب ما تعيشي اللي انا عاشته انا تعذبت اوي. اتكلمت سعاد من برة: يلا يا بنات الاكل جاهز خرجت داليا مع بشرى و شافت عادل في وشها و قال بابتسامة: وحشتني يا داليا بصت داليا عليا بقرف من غير رد، و قعدت على السفرة، فقال عادل: مش هتسلمي علي بابا كان هيقرب منها مسكت س\كينة الاكل و قالت: ابعد عني و اياك تفكر تقرب مني ،هقتلك يا عادل التلاتة اتصدموا و عيطت بشرى و قالت: داليا و للحديث بقية رايكم يا حلوين لو عايزين باقي فصول متابعة لفصحة#روايات بقلم منال كريم #سكن_البنات #الفصل_الثالث #روايات_بقلم_منال_كريم ♥️♥️♥️♥️♥️♥️♥️♥️♥️ سبحان الله وبحمده سبحان الله العظيم استغفر الله العظيم و اتوب اليه لا اله الا الله وحده لا شريك له له الملك وله الحمد وهو على كل شيء قدير اللهم صل وسلم وبارك على سيدنا محمد لا حول ولا قوه الا بالله العلي العظيم لا اله الا انت سبحانك اني كنت من الظالمين ♥️♥️♥️♥️♥️♥️♥️♥️♥️♥️
