ملاكى الصامت ٢
دخل سليم وزياد الغرفة بعدما تحدثت معهم الدكتورة،ولكنها لم تقول أي شيء بخصوص موضوع الحمل مثلما اخبرتها عـ,,ــــشق
سليم:عـ,,ــــشق حبيبتي انتي كويسة.. في حاجة بتوجعك
عـ,,ــــشق:متخافش ياسليم انا كويسة الحمدللّٰه
زياد:حمدالله على سلامتك يا شو..
سليم بصراخ:زيااااااااد
زياد بضحك:خلاص يا عم ده انت دمك حامي أوي انا بهزر معاها وبعدين هي اختي الصغيره
سليم:والله لو مين متقولش الإسم ده تاني
زياد:خلاص حمدالله على سلامتك يا مدام شوشو
عـ,,ــــشق بضحك:الله يسلمك
سليم بغضب:زياد انا مبهزرش كلمة كمان وهنسي إنك صاحبي… وانتِ متضحكيش.. اطلع بره يا زياد
زياد:مش طالع انا واقف ف أرض الحكومة يا عم، استنى عشان عاوزكوا ف موضوع مهم انتوا الإتنين
سليم:أنجز قول عايز إيه وامشي
زياد:أبااااا انا عايز اتجوز 😂
سليم:نعم يا اخويا
زياد:جوزني يا سليم مش انت ف مقام ابويا
سليم:ابوك مين يا بابا
زياد:الله يسامحك يا والدي العزيز، مش المرة اللي فاتت باظت بسببك، عاوزك تيجي معايا تاني
سليم:ده انت بتحلم… انا مش رايح البيت ده تاني
زياد:خلاص هات عـ,,ــــشق معايا
سليم:زياااااااد انت اتجننت ولا إيه… انت شار’ب حاجة
عـ,,ــــشق:اهدي يا سليم… خلينا نروح معاه مش انت قولت انه ملوش غيرنا
سليم:انا مش هروح البيت ده والواد الرخم ده لسة هناك
زياد:قصدك على مين.. حوسو ده طيب والله وقلبه قلب خصاية انت اللي مفتري وظالم
سليم:مش هروح معاك يا زياد انسى بقى
عـ,,ــــشق:عشان خاطري يا سليم
سليم:انا قولت لأ يبقى لأ
أقنعت عـ,,ــــشق سليم بالذهاب إلى بيت ليلي مع زياد
“في الأسانسير”
سليم:انت بتضحك على إيه يا زفت انت
زيادبضحك:حنفي تنزل المرة دي، لأ شوشو مسيطرة على الأخر، جدعة يا شوشو
سليم:اقسم بالله كلمة كمان انت فاهم، مش عايز اسمع صوتك
عـ,,ــــشق:اهدي يا سليم… لوسمحت يا استاذ زياد كفاية كده عشان هو كدة خلاص جاب آخره
زياد بضحك:خلاص تعالى نجيبه من الأول نيهههههههه
سليم:صبرني يارب انا مش قولتلك مش عايز اسمع صوتك وبعدين في إيه انتِ كمان. إيه جاب آخره ده
عـ,,ــــشق:انا آسف متتعصبش
زياد:أيوة اسمع كلامها وخليك ريلاكس يا بيبي
عـ,,ــــشق :الحمدلله وصلنا
دخلوا منزل ليلي وسليم لم يبعد عينيه عن حسام وينظر له بغضب اما زياد متوتر ولا يعرف ماذا سوف يقول وظلوا هكذا فترة طويلة ولم يتحدث احد
جلال (والد ليلي) :أهلاً وسهلاً إحنا اتشرفنا بيكوا والله
زياد بتوتر:الله يسلمك يا عمي انت عامل إيه
والد ليلي:انت بتقول إيه يا ابني؟
زياد:انا الحمدلله كويس
سليم:إيه الهبل اللي انت بتقوله ده
زياد:في إيه برد على الراجل
سليم:بترد إيه الله يخربيتك اسمع الأسئلة صح هتفضحنا
زياد:بقولك ايه انا خايف.. تعالي نروح البيت انا جعان دلوقتي ومش مركز تعالى نمشي ونبقى نيجي بعد ما اكول
سليم:إلهي تطفحوا يا بعيد..انطق وكلم الراجل إحنا قاعدين من بدري
زياد:مش عيب
سليم:هو ايه اللي عيب
زياد:إني اطلب منه اكل وإحنا لسة جايين طب نستني شوية
سليم:……….
زياد:انت ساكت ليه.. سليم.. سليم انت اخرسيت ولا إيه، انت كويس طب قول أي حاجة
سليم:اتكلم دلوقتي عشان انا حاسس بأعراض جلطة، واتكلم وإلا والله هاخد مراتي وامشي
زياد:احم يا عمي إحنا جايين عشان..
سليم:انت سكت ليه ما تكمل
زياد:لأ اتكلم انت
سليم:نعم يا اخويا؟؟!!.. انت هتهزر
زياد:والله ما بهزر انا نسيت الورقة اللي هنقل منها الكلام اللي هقوله ف جيب بنطلون البيجامة بتاعتي اللي هي لونها لموني دي عارفها
سليم:.. أول حاجة هعملها أول ما اخرج من هنا
والد ليلي:في إيه يا ابني انتوا عمالين تتكلموا ف ودن بعض ليه.. هو في حاجة
زياد:لأ ده انا كنت بشوف حلمة ودنه
والد ليلي:إيه؟؟!!
سليم:سيبك منه يا عمي.. إحنا كنا جايين عشان نطلب إيد الآنسة ليلي لزياد وطبعاً حضرتك عارف ظابط وسمعته سبقاه وتقدر تسأل عليه أي حد
حسام:وانتوا جايين تطلبوا ايدها بس. هههههههههههههه
سليم:ظرافتك دي تبطلها ماشي
والد ليلي:بتقول إيه؟
سليم:بقول اكيد المدام لطيفة عشان جابت واد عسل زي حسام ربنا يخليهولك
والد ليلي:شكراً يا ابني
سليم:هاا.. قولت إيه يا عمي
