ملاكى الصامت ٢

♡بارت صغنون عشان بكرة ان شاء الله هيبقى في بارت حلو أوي

#

#البارت 25

زياد:انا مش عاوز خطوبة والجو ده، أنا عاوز اتجوز على آخر الأسبوع بالكتير أوي
سليم :وانت عاوزني اروح أقول للناس اني هجوزك بنتهم وهما لسة
عارفينك من يومين
زياد:وهما هيلاقوا حد في أدبي وحلاوتي وجمالي، وخفة دمي واحترامي اصلاً
سليم:لسة في تاني؟
زياد:طبعاً في كتير بس انا مبعدش،
هو انت شاكك فيا ولا إيه
سليم:انا اقدر أشك فيك، ده أنت خارق مشوفتش ولا هشوف زيك
زياد:ما أنا عارف…… المهم اتصرف يلا عاوز اتجوز آخر الأسبوع ده
سليم:وانا كمان هيكون فرحي آخر الأسبوع
زياد:ألف مبروك يا صاحبي
سليم:اللّٰه يبارك فيك
زياد:عقبا…. انت قولت إيه؟؟!!… فرحك ازاي يعني….. فرحك على مين
سليم:هيكون على مين يعني يا زياد.
أكيد عـ,,ــــشق
زياد:ده اللي هو ازاي بقى؟
سليم:إيه أول مرة تشوف حد هيتجوز
زياد:لأ هو انا أول مرة أشوف حد متجوز بيتجوز مراته
سليم:أنا فعلاً اتجوزت عـ,,ــــشق بس معملتلهاش فرح ولا أي حاجة من دي….. هي بنت وأكيد كانت بتحلم باليوم ده زي كل البنات، وأنا مش عاوز احرمها من الفرحة دي، وعشان كدة هعمل فرح لينا آخر الأسبوع يوم عيد ميلادها
زياد:وهي عارفة الكلام ده؟
سليم:لأ هخليها مفاجأة
زياد:خلاص يبقى تتصرف وتقنع أهل ليلي عشان اتجوز معاك
سليم:اديني سبب واحد يخليني اساعدك واعمل كدة علشانك
زياد:هفطر ف بيتي ومش هضايقك
ومش هنطلك كل شوية، ده مش سبب
سليم:معاك حق أعتبر الموضوع ده خلصان وجهز نفسك يا عريس
زياد:هو انت مش ناوي تخرج الدكتور اللي إسمه مجدي ده…. كفاية بقى حرام عليك
سليم:ماشي خليهم يخرجوه…… أنا فرحان ومش هضايق نفسي بسببه
زياد:وإية اللي مفرحك يا أخويا؟
سليم:عـ,,ــــشق حامل
زياد:أنت بتهزر ولا بتتكلم جد
سليم:واللّٰه ما بهزر
زياد وهو يحضـ,,ــــن سليم بفرحة:ألف مبروك يا حبيبي، أنت تستاهل كل خير يتربى في عزك
سليم:الله يبارك فيك……عقبالك يا صاحبي
زياد:إن شاء اللّٰه…… الواد ده أول ما يجي أنا اللي هربيه وأعلمه الأدب
سليم :مش لما أنت تتربي وتتعلم الأدب الأول
زياد:ما انا هخليه نسخة مني
سليم:هو انا طايقك أساساً……عملت إيه في موضوع الورق اللي هيتقدم للمحكمة
زياد:متقلقش كل حاجة تمام….أنا جبت الورق اللي يثبت إن عمك عثمان هو اللي ورا شغل الماف”يا
مش عمي حلمي
سليم:طب وقضية القت*ل
زياد:مفيهاش حاجة دي معروفة انها دفاع عن النفس، وكمان عثمان هو اللي كان رافع على مراتك وأبوك السلا*ح، وعمي حلمي عمل كدة دفاع عن النفس وكل الكلام ده كان قدام الظابط اللي كان معايا……. متقلقش كل حاجة متظبطة وهيخرج من أول جلسة ان شاء الله
سليم:يارب يا زياد….انا مش عارف اقولك إيه مع إنك رخم وتاعبني بس جدع……ربنا يخليك ليا يا صاحبي
زياد:يا ابني انت اخويا ومستعد أمو’ت علشانك وكمان اعيش واقرفك يا حبيبي
سليم:أمشي يا زياد
زياد:لأ انا مستني البسبوـ,,ــــسة لو وراك حاجة امشي انت
سليم:أنا هكلم أهل خطيبتك دلوقتي
واقنعهم لإني بجد مش قادر استحملك أكتر من كدة
زياد:شكراً يا صاحبي…….أنت هتحضر جلسة المحكمة صح
سليم:أكيد طبعاً وهيخرج إن شاء الله، وهيحضر الفرح كمان
زياد:أنا بجد مبسوط أوي لأن علاقتك مع عمي حلمي رجعت تاني
سليم:عمري ما كنت اتخيل إن اليوم ده يجي….. بس من ساعة ما عـ,,ــــشق دخلت حياتي وهي غيرت كل حاجة
زياد:ربنا يخليكوا لبعض يا صاحبي
أنا همشي سلام
سليم:والبسبوـ,,ــــسة
زياد بضحك:خليهالك انا مبحبش أكون تقيل على حد
سليم:لأ ما انا عارف من غير ما تقول