ملاكى الصامت ٢

والد ليلي:انا فعلاً سألت عليه وعرفت إنه إنسان محترم وكويس بس الأهم رأي ليلي طبعاً وانا لما سألتها قالت إنها معندهاش مانع وانا كمان معنديش مانع
زياد:يبقى نقري البقرة قصدي الفاتحة
والد ليلي بضحك:ماشي.. افتح الباب يا حسام ده اكيد مجدي إبن عمك
حسام:حاضر يا بابا
مجدي:السلام عليكم
والد ليلي:وعليكم السلام.. مالك يا ابني إيه اللي اخرك كدة
مجدي :معلش يا عمي الطريق كان زحمة… مش تعرفنا ولا إيه
والد ليلي:ده حضرة الظابط زياد اللي متقدم لليلي وده استاذ سليم صاحبه
مجدي :اتشرفت بمعرفتكوا يا جمـ,,ــــاعة…. اومال مين القمر اللي قاعدة جنبهم دي
زياد:الله يخربيتكوا ده انتوا عيلة عاوزة الحر’ق، هو انا مش مكتوبلي اتجوز واتنيل، ابوـ,,ــــس إيدك يا سليم عدي اليوم ده عشان خاطري
سليم بغضب :قصدك على مين
محدي:قصدي على الجميلة اللي جنبك دي
سليم:……

#
#مريم_محمد

#البارت 23
سليم بغضب:قصدك على مين
مجدي:قصدي على الجميلة اللي جنبك دي
سليم:…….
عـ,,ــــشق بخوف:ارجوك يا سليم متعملش حاجة……عشان خاطري اهدي لو سمحت
سليم:……….
زياد:والنبي يا سليم ما تعمل حاجة… انا عاوز اتجوز حرام عليك، بص خلينا نخرج من هنا وبعد كدة اعمل اللي انت عايزه بس عدي الموضوع دلوقتي، مش انت عاوز تخلص مني جوزني بقى
سليم:……….
عـ,,ــــشق:انت ساكت ليه ياسليم.. سليم
زياد:انا خايف استر يارب وخليك معايا والنبي ده انا عبيط، أنا شوفت هدوء ما قبل العاصفة دلوقتي هشوف هدوء ما قبل البركان وانهيار الكوكب
سليم:هي عجبتك أوي كدة
مجدي:فوق مـ,,ـــاتتصور… بس برضو مفيش حد عرفني على القمر
زياد بصراخ:انت بتقول إيييييييه الله يخربيتك انت بتولعها اكتر هي ناقصة يا اخويا وبعدين هو إشعال ذاتي لوحده مش محتاج حاجة.. انا خايف عليك وانت مش خايف على نفسك، اسكت ومتتكلمش، اسكت بدل ما نصلي عليك اسكت
مجدي:انا مش فاهم حاجة
زياد:يا اخي عنك ما فهمت، بص تعالى نلعب انا وانت تماثيل ولو اتكلمت تبقى حمار، بس انت كدة أساساً تبقى تور
مجدي: انت بتقول إيه؟؟!!
زياد:إهرب يا مجدي إلحق نفسك انت لسة صغير يا قلب أمك
سليم:بس خلاص اسكت
زياد:حاضر بس اهدي هاا اهدي وخليك هادي ماشي يا سليم الهادي ده صاحبي الهادي سليم الهادي المشهور بهدوئه
سليم:احب اعرفك يا استاذ..هو كان إسمه إيه مش مهم… مدام عـ,,ــــشق سليم التهامي مرررررراتي
مجدي بتردد:إيه؟!.. انا… انا آسف يا استاذ سليم والله ما كنت اعرف، آسف يا مدام
حسام:استاذ سليم هو ميقصدش الكلام اللي قاله هو كان بيهزر
زياد:كنت قوله يا اخويا قبل ما يتكلم ده انت سيد العارفين ولا إيه
سليم:يلا نقرأ الفاتحة
زياد:على روحه صح.. الواد لسة مراهق وانت عارف أي حد في السن ده بيبقى متهور، وهو باين عليه أهبل أساساً
مجدي:مين ده اللي أهبل يا راجل انت
زياد:يا أخي والله لو ما سكت انا اللي هقوم اضر’بك، بص الموضوع مش ناقص غبائك….انت عندك خلل
ف النمو ياض ما تسكت بقي
سليم:يلا نقرأ الفاتحة يا جمـ,,ــــاعة مش الكل موافق ولا إيه
الأب والأم :أيوة يا ابني موافقين
سليم:طب يلا على بركة الله نقرأ الفاتحة
زياد:لولولولولوووووي..أخيراً النحس اتفك وهتجوز. هتجوز.. مبروك يا جمـ,,ــــاعة عليكوا أنا…..مبروك يا حوسو مبروك يا طنط أم حوسو مبروك يا أبو حوسو 😂
سليم:انت قولت إسمك إيه؟
مجدي:اسمي مجدي
سليم:بتشتغل إيه
مجدي:انا دكتور بيطري يا فندم
سليم:طب كويس جدًا أصل أنا عندي بقرة تعبانة وكنت هشوف دكتور يكشف عليها… بس انت موجود اهو ولا عندك إعتراض
زياد:عندك إيه؟؟؟!!!
سليم:بقرة
زياد:بتعمل بيها إيه؟؟!
سليم:قولت إيه يا دكتور مجدي
مجدي بضحك:اكيد هاجي معاك
سليم:هو انا قولت نكتة وانا معرفش
مجدي:لأ اصل مستحيل حد يتوقع إنك عندك بقرة
سليم:هو انت لسة شوفت حاجة.. ده
انا هخليك تتوقع لحد ما تقول بس
زياد:أيامه في الدنيا بقت معدودة
سليم:طب يلا اتفضل معايا
مجدي:دلوقتى
سليم:أيوة طبعاً…..خير البر عاجله يلا يا دكتور
مجدي:ماشي
سليم:طب عن اذنكوا يا جمـ,,ــــاعة
نزل سليم وعـ,,ــــشق وزياد ومعهم مجدي وأمر سليم الحراس بأن يأخذوا مجدي إلى المخزن
مجدي:إيه ده هما بيمسكوني كدة ليه…… في إيه
سليم:مفيش حاجة دول هيسلموا عليك… خدوه
عـ,,ــــشق:سليم لو سمحت سي…
سليم بصراخ:اخرسي مش عايز اسمع صوتك انتِ فاهمة… يلا اركبي ومتتكلميش معايا طول الطريق
زياد:ليه كدة يا سليم.. هي ذنبها إيه حرام عليك
سليم:ابعد عني دلوقتي.. انا مش عملت اللي انت عايزه، اسكت بقى ومتتكلمش معايا دلوقتي احسنلك
زياد:خلاص هسكت
لم يتحدث سليم مع عـ,,ــــشق أثناء الطريق، أما هي فكانت تبكي وتمسح دموعها لكي لا يلاحظ
سليم:وانتِ فاكرة إنك كدة بتخبيهم مني يعني
عـ,,ــــشق:………
سليم بصراخ:لما اكلمك تردي عليا انتِ فاهمة ولا لأ
عـ,,ــــشق ببكاء:حاضر
سليم:اعملي حسابك بعد كدة مفيش خروج من البيت نهائي لوحدك ومش هتخرجي إلا معايا
عـ,,ــــشق:بس… بس انا عندي كلية
سليم:حضرتك اتكلمتي دلوقتي اهو
عـ,,ــــشق بصراخ:انا تعبت…. تعبت منك والله انت إيه… انت فاكرني عبدة عندك وانا معرفش، عـ,,ــــشق هتعملي كدة عـ,,ــــشق هتلبسي كدة.. عـ,,ــــشق متاكليش من ده عـ,,ــــشق كلي من ده
شوية تقولي مش عاوز اسمع صوتك
وبعدها تقولي ردي عليا وانا بكلمك
انا مش بتحكم في حياتك كدة يا سليم ليه بتعمل معايا كدة
سليم:والله ده اللي عندي وهتنفذيه سواء بمزاجك أو غصب عنك
عـ,,ــــشق:انا بكرهك…. بكرهك وعمري ما كرهت ف حياتي زي ما كرهتك
نزلت عـ,,ــــشق من السيارة وصعدت إلى غرفتها مسرعة، أما هو ظل مكانه لم يتحرك وكلمـ,,ـــاتها تتردد في أذنه
“بعد شوية”
صعد إلى الغرفة ووجدها نائمة وآثار البكاء على وجهها، ولكنه وجع قلبه
من كلامها معه كان أكبر
سليم :افتحي عينك يا عـ,,ــــشق انا عارف إنك صاحية
عـ,,ــــشق:لسة في كلام تاني عاوز تقوله قصدي أوامر تانية
سليم:عـ,,ــــشق انا اس……
عـ,,ــــشق:بس خلاص كفاية بقى… انت على طول الحدود بتعمل كدة وترجع
تتأسف انا تعبت منك..تعبت من عصبيتك وغيرتك المجنونة دي
سليم:يا عـ,,ــــشق انا راجل عاوزاني اعمل إيه لما اشوف واحد بيعاكس مراتي وكمان فضلت ساكت هناك عشان خاطرك انتِ بس والله، وصدقيني دي كانت حاجة صعبة عليا جدًا
عـ,,ــــشق:طب انا ذنبي إيه يا سليم، ليه تتكلم معايا بالطريقة دي هو انا يعني اللي خليته يقول الكلام ده
أو حتى يبصلي ده انا والله ما رفعت رأسي من ع الأرض ولا حتى اعرف شكله
سليم:عارف والله العظيم عارف اللي بتقوليه ده ومتأكد إنك مستحيل تعملي حاجة غلط، بس صدقيني انا مكنتش شايف قدامي وكمان إني اقدر اتحكم ف اعصابي عشان مبوظش الدنيا ده كان صعب جدًا بالنسبالي، ف لو سمحتي سامحيني واوعدك ان دي آخر مرةصوتي هيعلي عليكي… سامحيني بقى ده انتِ قلبك قاسي أوي
عـ,,ــــشق:هسامحك بس بشرط
سليم:موافق على كل اللي هتقوليه
عـ,,ــــشق:اسمعه الأول وبعد كدة اتكلم
سليم:حاضر
عـ,,ــــشق:متتعصبش عليا ماشي
سليم:يا حبيبتي قولي بقى وانا هعمل اللي انتِ عايزاه ومش هتعصب
عـ,,ــــشق:انا عايزاك تسامح باباك وتروح تشوفه مرة هو نفسه يشوفك ويحضـ,,ــــنك مرة واحدة يا سليم لو سمحت عشان خاطري شوفه ولو دقيقة واحدة
سليم:…………….
عـ,,ــــشق:بص انا عارفة إنك دلوقتي متعصب مني وبتحاول تسيطر على غضبك،بس صدقني هو ده الصح، هو خلاص يا سليم هيتحكم عليه بالإعد*ام، وكل اللي طالبه حاجة واحدة بس إنه يشوفك ويحضـ,,ــــنك وده من حقه، يا سليم انا عارفة ان هو غلط ف حقك كتير بس ربنا بيسامح إحنا البشر مش هنسامح، شوفه مرة واحدة بس
سليم:مش هقدر
عـ,,ــــشق:صدقني هتقدر.. مفيش حد بيكره أبوه يا سليم، وانا عارفة أنه غلط معاك كتير بس برضو هو كان مخدوع ولما عرف الحقيقة حاول يصلح غلطه وانت لازم تحاول تسامحه، هتروح تشوفه ولا لأ
سليم:حاضر يا عـ,,ــــشق هعمل اللي انتي عايزاه
عـ,,ــــشق:في حاجة كمان عايزاها منك
سليم:حاضر يا عـ,,ــــشق هسيبهم يخرجوا من هنا بس هبعدهم عننا يعني هيروحوا يقعدوا في حتة تانية مش انتِ كنتي عايزة تسألي عليهم برضو
عـ,,ــــشق:أيوة وكنت عايزة أسألك عن حاجة كمان
سليم:إيه تاني؟
عـ,,ــــشق:انت هتعمل إيه مع مرات عمك وبنته
سليم:متخافيش انا مش هعمل فيهم حاجة بس هخليهم يسافروا بره مصر وهحط بإسمهم مبلغ كويس بس برضو هحطهم تحت المراقبة
عـ,,ــــشق:هو انت جاهز لكل حاجة كدة
سليم:اتعودت على كدة.. لسة زعلانة مني
عـ,,ــــشق:لأ
سليم:بجد ولا بتقولي كدة وخلاص
عـ,,ــــشق:أنا أصلاً مش بعرف ازعل منك بس مش بحب حد يزعقلي
سليم:أنا آسف.. صدقيني مش هتحصل تاني
عـ,,ــــشق:ماشي خلاص يلا نتغدي
سليم:يلا يا روحي