نزلت من السيارة
أول ما ياسمين نزلت من العمارة وهي مسندة أمها الحاجة فاطمة كانت إيديها بتترعش من الغضب لكن عقلها كان هادي بشكل يخوف
الحاجة فاطمة كانت بتبكي وتقول
ـ خلاص يا بنتي سيبك منهم ربنا كبير
بصتلها ياسمين بحنان ومسحت دموعها
ـ حقك مش هيسيبه ربنا ولا هسيبه أنا يا أمي
ركبت العربية وخدتها على شقة صغيرة كانت ياسمين محتفظة بيها من سنين وماحدش يعرف عنها حاجة
وهناك اهتمت بأمها وغيرت لها هدومها وعالجت الجرح اللي على رقبتها
الحاجة فاطمة كانت حاسة بالذنب
ـ أنا السبب يا بنتي لو ماكنتش جيتلك ماكانش كل ده حصل
حضنتها ياسمين بقوة
ـ السبب مش انتي يا أمي السبب الناس اللي نسيت ربنا واتجبرت على خلقه
في الوقت ده كان كريم قاعد مع أمه سوسن بيضحكوا
قالت سوسن وهي بتشرب القهوة
ـ بكرة هترجع تبوس رجلك يا حبيبي دي ماعندهاش حتة تروحها
ابتسم كريم بثقة
ـ طبعًا هترجع دي عايشة على مرتبي
لكن بعد ساعة واحدة بس جاله اتصال من البنك
ـ أستاذ كريم حضرتك مطلوب تسدد القسط المتأخر خلال 48 ساعة
اتخض
ـ قسط إيه
ـ القسط الخاص بالشركة اللي حضرتك ضامنها
قفل المكالمة باستغراب
بعدها بخمس دقايق وصله إيميل
العقد الخاص بالمكتب اللي بيشتغل فيه اتلغى
وبعده بنص ساعة صاحب المشروع الكبير اللي كان داخل فيه بعتله رسالة
“إحنا آسفين يا باشمهندس تم استبعادك”
بدأ التوتر يظهر على وشه
وفي نفس الليلة دخلت ياسمين مكتب المحامي بتاعها الأستاذ أحمد المنشاوي
حطت قدامه فلاشة
ـ كل حاجة متسجلة
شغل الفيديو
وساد الصمت
المشهد كان مرعب
سوسن وهي بتحط السلسلة في رقبة الحاجة فاطمة
وكريم وهو بيضرب مراته
تنهد المحامي
ـ دول مش بس يتسجنوا يا مدام ياسمين دول هيتفضحوا كمان
ابتسمت لأول مرة
ـ ولسه يا أستاذ أحمد
طلعت ملف تاني
ـ بص على ده
فتح الملف واتصدم
ـ تحويلات مالية باسم كريم؟
ـ أيوه
ـ دي فلوس جاية من شركات وهمية
هزت راسها
ـ كنت شاكه فيه من فترة ولما دخلت على الحسابات اكتشفت إنه بيغسل فلوس مع واحد صاحبه
رفع المحامي عينه
ـ انتي متأكدة؟
ـ بالأدلة
ابتسم
ـ يبقى خلاص
في اليوم التاني كريم صحي على كارثة جديدة
لقي صاحب الشقة بيكلمه
ـ يا أستاذ كريم لو سمحت بلغ المدام إن عقد الإيجار انتهى
اتجمد
ـ عقد إيه
ـ عقد الشقة
ـ دي شقتي
ـ شقتك إزاي؟ دي باسم المدام ياسمين من قبل الجواز
حس إن الأرض بتتهز تحت رجليه
