مرات ابنى
أول ما شفته حسيت إني شوفته قبل كده لكن مقدرتش أفتكر فين
وقف قدامي وقال بهدوء
إنتي مدام فاطمة
قلت أيوه
قال أنا اسمي عم سيد وكنت شغال مع جوزك حسن في الأرض أكتر من عشرين سنة
اتسعت عيني
عم سيد
افتكرته على طول
آخر مرة شوفته كانت يوم جنازة حسن وبعدها اختفى تمامًا
قلتله إنت كنت فين السنين دي كلها
تنهد وقال كنت خايف
المحامي عقد حواجبه وقال خايف من مين
بص عم سيد حواليه قبل ما يقرب مني ويقول
من الناس اللي كانت عايزة حسن يموت
الكلمة وقعت عليا زي الصاعقة
قلت إيه
كررها وهو بيبص في عيني
حسن ما ماتش موتة طبيعية
قلبي بدأ يدق بسرعة
قلت للدكتور لو سمحت سيبنا لوحدنا شوية
خرج الدكتور والممرضة وقفلوا الباب
عم سيد طلع ظرف قديم من جيبه
وقال أنا احتفظت بالظرف ده سنين وكان لازم يوصلك
فتحته بإيدي المرتعشة
لقيت صور قديمة وأوراق مكتوب عليها حسابات وأسماء
وفي آخر ظرف كانت فيه رسالة بخط إيد جوزي
بمجرد ما شفت الخط دموعي نزلت
فتحت الرسالة
وكان أول سطر فيها
لو إنتي بتقري الرسالة دي يبقى أنا كنت صح
المحامي أخد الورقة وقعد يقرأ بصوت مسموع
يا فاطمة لو حصلي أي حاجة أو مت فجأة ماتصدقيش إنها كانت قضاء وقدر فيه ناس بتحاول تستولي على الأرض بأي طريقة وأنا اكتشفت حاجة خطيرة ولو اختفيت دوري على الملف الأسود اللي مستخبيه في…
فجأة وقف المحامي
قلتله كمل
بص للورقة باستغراب وقال
آخر جزء من الرسالة مقطوع
عم سيد قال
لأن الجزء ده اتسرق
أنا اتجمدت
قلت اتسرق إزاي
رد وهو بيحط راسه في الأرض
بعد وفاة حسن بيومين حد دخل بيتي وضربني وسرق باقي الرسالة
فضل معايا الجزء ده بس
المحامي قال
يعني في حد كان عارف بوجود الرسالة
عم سيد هز راسه
وقال أكتر من كده
أنا شفت الشخص ده بعيني
قلت بسرعة
مين
قبل ما ينطق الباب اتفتح بعنف
ودخل ظابط الشرطة
وشه كان متوتر جدًا
قال للمحامي لازم تيجي معايا حالًا
المحامي قال في إيه
