موامره
كلمت المحامية بتاعتي، الأستاذة “فريدة”.سمعتني للاخر من غير ما تقاطعني.. ولما خلصت سالتني سؤال واحد:— “مين اللي اسمه رسمي على العقود والحصة الحاكمة للشركة والبيت؟”— “أنا.”— “أنت بس؟”— “أيوة، أنا بس.”سكتت بضع ثواني وبعدين قالت بقوة: “يبقى أوعى ترجع البيت.. وأوعى تواجه حد فيهم.
. وما تمضيش على ورقة واحدة مهما حصل لحد ما أراجع كل حاجة.”تاني يوم الصبح، قابلت فريدة في كافيه قريب من مكتبها. حطيت التليفون بيننا وشغلت فيديو الكاميرات.. اتفرجت عليه مرتين، وبعدين وقفت الفيديو عند الورقة اللي في إيد سامح.— “اسم الشركة دي مهم أوي يا طارق.
“— “ليه؟”— “لأن الشركة دي متسجلة من ثلاثة شهور بس!”— “باسم مين؟”فحتت اللابتوب ناحيتي، بس بيانات المالك الحقيقي كانت مستخبية ورا شركة تانية.بدأت فريدة تسألني إذا كانت منى طلبت مني مؤخراً أي باسوردات، أو مفاتيح للمكتب، أو أوراق مالية؟وفجأة.. افتكرت حاجات كتير كنت مفوتها وفاكرها عادية!
مفتاح المكتب اللي ضاع فجأة.. إيميل تغيير الباسورد اللي جالي.. منى وهي بتسألني لو جرى لي حاجة مريم هي اللي هترث الشركة ولا لا؟.. وسامح وهو بيهزر معايا ويقولي إن محتاج حد “أكثر تنظيماً” يمسكلي العقود!كل الملاحظات دي كانت تبان عادية لوحدها.
. بس لما تتجمع سوا، تعمل مؤامرة كاملة!قضت الأستاذة فريدة أوقات طوال بتتتبع السجل التجاري للشركة، وأنا قاعد أراقب البيت من الكاميرا..الساعة 2:18 الضهر.. سامح رجع البيت تاني. المرة دي كان شايل شنطة جلد سودا صغيرة..
منى قفلت شيش المطبخ قبل ما يفتحها، بس الكاميرا فوق الثلاجة كانت جيبة جزء من المشهد. جوة الشنطة كان فيه ختم نسر مزور، وأوراق بيضا، وورقة عليها إمضاء متقلد باسمي.
. تقريباً صورة طبق الأصل!سامح ض. رب الختم على الورقة وقال: “أول ما دي تتسجل في الشهر العقاري، 40% من أسهم الشركة هتنقل تلقائياً.
“منى بصلت ناحية الطرقة بقلق: “والبيت؟”رد عليها: “خطوة خطوة.. ورقة ورقة.”وفجأة.. دخلت ست سعاد المطبخ وهي شايلة الغسيل. منى غطت الأوراق بسرعة وسامح قفل الشنطة.. سعاد بصلت ناحية الكاميرا المستخبية لأقل من ثانية.. النظرة دي قالتلي إنها عارفة إن أنا شايف كل حاجة!الساعة 3:06..
الأستاذة فريدة كلمتني:— “طارق.. أنا وصلت للشركة اللي ورا الرمز ده!”بعدت عن الشباك وقلت بلهفة: “باسم مين؟”— “بعتلك صورة عقد التأسيس حالاً.”التليفون هز في إيدي.. فتحت الصورة، كان فيه عنوان أنا عارفه كويس جداً، وتحته اسمين..الاسم الأول كان اسم سامح.
