العقد الاسود1

“يا بابا، هو أنا باصة في مراية؟”.. ده اللي بنتي اللي عندها خمس سنين سألتهولي لما شافَت طفلة صغيرة شكلها غلبان وبلا مأوى ولها نفس وشها بالمللي على رصيف في شيكاغو. أنا كنت واحد من أكتر زعماء المافيا المرعبين في المدينة، بس مفيش أي حاجة جهزتني للي حصل بعد كدة. ولما شفت عقد الطائر الأسود حوالين رقبة البنت الغريبة دي، استوعبت إن في حد خابى عني سر مرعب لمدة ست سنين.“يا بابا! استنى! بص عليها!”بنتي صوفي شدت إيدي لدرجة إني كنت هتكعبل في نص شارع ميشيجان أفينيو.“يا صوفي يا حبيبتي، العربية مستنية. لازم نمشي.”“لا، يا بابا! بص! دي شبهي بالمللي!”التفت، وكنت متعصب لمدة نص ثانية. وبعدين حسيت إن دمي اتجمد. على بعد عشرين خطوة، كانت واقفة طفلة صغيرة لابسة بالطو أزرق خفيف بزراير مش متناسقة. كوتشها كان متبهدل، وحاضنة كيس ورق بني مكرمش على صدرها. بس وشها...يارب ساعدني. العينين الرمادي دول. الشعر البني الفاتح ده. النمشة الصغيرة اللي جنب مناخيرها. كانت نسخة مطابقة لصوفي. أنا نجيت من محاولات اغتيال، وتحقيقات فيدرالية، وخيانات من ناس كنت في يوم من الأيام بعتبرهم إخواتي. ومع ذلك، البنت الغريبة الصغيرة دي خلت رجليا يترعشوا ومش قادر أثبت طولي. “يا بابا،” صوفي همست، “ليه هي شكلها زي بالظبط؟”وقبل ما ألحق أرد، اتزحلقت من إيدي.“يا صوفي! ارجعي!”عبرتني كأني مش موجود. البنتين قربوا من بعض ومئات الغرباء معديين مستعجلين، ومش حاسين خالص إن عالمي كله بينهار.“ازيك،” صوفي قالت بتوتر. “ازيك،” البنت التانية ردت. صوفي لمست خدها. “إنتي وشك شبه وشي.”البنت الصغيرة مالت راسها بحيرة.“لا.. إنتي اللي وشك شبهي.”قلبي كان بيدق بعنف في صدري. وطط قدام البنت الغريبة، وحاولت أظبط صوتي عشان يفضل هادي. “يا حبيبتي، إسمك إيه؟”“روبي.”“روبي إيه؟ ”“روبي كارتر.”كارتر. الاسم ده خبط جوه قلبي في حتة عميقة، حاجة قعدت سنين أحاول أنساها وأدفنها.“يا روبي، بابيكي فين؟”شدت إيديها أكتر على الكيس الورق. وقبل ما تقدر ترد، صوت ست اخترق وسط الزحمة. “روبي! قلتلك استني جنب باوند الورد!”البنت الصغيرة اتفزعت.“دي ماما. ”ست لابسة بالطو بيج كانت تقرب، بس المارة اللي معديين غطوا وشها. روبي بصت لصوفي.“لازم أستأذن وأمشي.”“هشوفك تاني؟” صوفي سألت.“ممكن.”روبي لفت وابتعدت بسرعة. وبعدين البالطو بتاعها اتحرك. وهنا شفته. عقد فضي. دلاية على شكل طائر أسود صغير وأجنحته مفرودة على الآخر. نفسي اتقطع. من ست سنين، كنت مدي العقد ده بالذات لواحدة كنت فاكر إنها راحت ومش راجعة تاني أبداً. مفيش أي شك في كده. مسكت إيد صوفي وزقيت نفسي وسط الزحمة.“روبي! استني! ”بس ساعتها الست اللي بالبالطو البيج لفت وشها. وشوفت وشها...حكايات شروق خالد الست اللي كانت لابسة بالطو بيج لفت وشها ناحيتنا على صوتي..وقتها حسيت إن قلبي وقف تماماً في مكاني، وكل صوت في الشارع اختفى.“إيلينا؟ !”الكلمة طلعت من زوري بصوت ميت، كأنها خنجر طعنني. الست دي ماكنتش مجرد وحدة شبه الماضي.. دي كانت هي بنفسها! إيلينا.. الست اللي حبيتها بصدق، والست اللي كنت متأكد إنها مـ,ـاتت في الحـ,ـريق الرهيب اللي دمر بيتنا قبل ست سنين.. الست اللي قالولي إنها راحت مع النيران، وإن مفيش أي أمل إنها تنجو هي وبنتنا. إيلينا بصتلي، وشافت عيني اللي متسعة من الصدمة والرعب. لون وشها خـ,ـطف وبقى أصفر زي الورق. ظهرت في عيونها نظرة خوف وهروب قديمة، وِطِت بسرعة مسكت إيد روبي وقالت بصوت متهدج:“امشي يا روبي. . حالا!”“استني عندك!” صرخت بصوت خشن مرعب، صوته لوحده كان كفيل يخلي أي راجل في مافيا شيكاغو يركع، بس إيلينا ماكانش همها التهديد. بدأت تجري وتاخد روبي وسط زحمة الناس في ميشيجان أفينيو.“بابا.. هو إيه اللي بيحصل؟ ” صوفي سألتني بعيون كلها براءة وخوف، وهي ماسكة في إيدي جامد.“خليكي هنا مع الحراس يا صوفي.. ثانية واحدة وراجعلك.”أمرت رجالي اللي كانوا قريبين في العربيات المصفحة: “اقفلوا عليهم الطريق. . بس من غير ما حد يتأذى! لو حد قرب لهم بسوء هصفيه!”في ثواني معدودة، رجالي كانو حاصرين إيلينا وروبي قبل ما يلحقوا يقطعوا تقاطع الشارع. إيلينا وقفت، وهي حاضنة بنتها روبي جوه حضنها جامد كأنها بتحاول تحميها من العالم كله، وبصتلي بنظرة كره، وتحدي، وتعب سنين طويلة مرسوم في ملامحها الشاحبة. قربت منها بخطوات بطيئة، والأرض كانت بتتحرك من تحت رجليا. وقفت قدامها والناس حوالينا بتبص باستغراب للدراما اللي بتتحقق قدامهم.“إزاي؟” صوتي طلع همس قاسي ومليان وجع. “إزاي عايشة؟ وإزاي فيه بنت تانية شبه صوفي بالمللي؟ فهاميني يا إيلينا. . أنتي خبيتي عني بنتي السنين دي كلها ليه؟! ليه حسستيني إنكم ميتين؟!”إيلينا رفعت وشها ليا، ودمعة سخنة نزلت على خدها، بس ضحكت بتهكم ومرارة قطعت قلبي:“أنت بتسألني أنا ليه خبيت؟! للدرجادي الذاكرة بتاعتك ضعيفة يا زعيم المافيا الكبير؟ .. أنت فاكر إنك الحامي بتاعنا؟ أنت السبب في كل اللي إحنا فيه! اليوم اللي افتكرت إنك حميتنا فيه، أعدائك هجموا علينا.. وأنت اخترت مين تفدي وليه سبتنا في النار عشان تهرب بعملك وسلطتك؟!”الجملة نزلت على دماغي زي الصاعقة. العالم وقف بجد. .يعني إيه؟ مين اللي كذب عليا؟ ومين اللي دبر كل ده من ورا ظهري؟كلامها نزل عليا زي الصاعقة، ولساني اتعقد في زوري.“متعمد أسبكم؟!” صرخت بصوت مهزوز ومليان صدمة، “إيلينا، أنتي بتقولي إيه؟! جالي خبر مـ,ـوتكم في الحريق.. قالولي إن المبنى كله انهار ومبقاش ليكم أثر! دورت عليكم بسنين عمري، وعيشت سنين بمـ,ـوت كل يوم من حزنِي عليكم!”إيلينا بصتلي، وعينيها بتلمع بدموع الحيرة والصدمة، ملامح وجهها اتغيرت من الغضب الشديد للذهول التام.“مـ,ـوتنا؟!” همست بصوت بيترعش، “بس.. بس ماركوس.. قال لي إنك أنت اللي أمرت.. قال لي إنك بعتنا عشان تحمي إمبراطوريتك من الفـ,ـضايح، وإنك مش عايز أي حاجة تربطك بينا تاني!”“ماركوس؟!”الاسم طلع من بقي كأنه سم، ورجعت بضري لورا من هول الفاجعة. ماركوس.. دراعي اليمين، أخويا اللي ربيته ووثقت فيه أكتر من نفسي. . هو اللي توسط ونقل لي خبر مـ,ـوتهم من ست سنين؟! هو اللي دبر كل ده وخلاها تفكر إني بعتها؟!قبل ما إيلينا تلحق تككمل كلامها، أو قبل ما أستوعب حجم الخيانة اللي دمرت حياتنا..صفير رصاصة مرعبة قطع الهوا وعدا جنب ودني بالمللي، وراها صوت انفجار طلقة رشق في حائط المبنى اللي ورانا! “حاسب يا زعيم!! فيه قناص!” صرخ واحد من رجالي وهو بيرميني على الأرض وبيحاول يحجبني أنا وصوفي بجسمه. في ثانية واحدة، تحول شارع ميشيجان أفينيو الهادي لساحة حرب مصغرة. عربيات سوداء بمخفي مظلل ظهرت من العدم، وفتحوا النار عشوائيًا باتجاهنا. الناس في الشارع صرخوا وهربوا في كل اتجاه.“صوفي! روبي! في حضني!” صرخت وأنا بحضن صوفي وإيلينا حاضنة روبي، وجرينا كلنا تحت غطاء العربية المصفحة.“ماركوس عرف مكاننا!” إيلينا صرخت وهي بترتجف من الرعب، “هو اللي بيبعتهم! هو اللي كان بيراقبنا طول السنين دي عشان ما نرجعش ليك أبداً! ”الدـ,ـم غلي في عروقي.. الغضب اللي جوايا كان كفيل يحـ,ـرق المدينة كلها. ماركوس مش بس سرق مراتي وبنتي مني ست سنين.. ده راجع النهارده عشان ينهي اللعبة للأبد. مسكت سـ,ـلاحي من تحت البالطو، وبصيت لإيلينا اللي كانت بتبصلي بعيون كله خوف وتوسل: “احمي بنتينا يا إيلينا.. وخليكي هنا.. اللعبة دي أنا اللي هنهيها بنفسي.” حكايات شروق خالد