خطوبه اختي

استغربتوا إني ماحبتش أقدمه.
صوته هدي فجأة.
أنا كنت بهزر.
وأنا كمان.
إنتي بتعاقبيني؟
لأ.
أمال بتعملي إيه؟
بصيت قدامي.
بحط حدود.
سكت.
وبعدين قال الجملة اللي خلتني أعرف إن اللي جاي مش هيبقى سهل.
سما… ماما سألتني إنتي عرفتي منين إن الأكل اللي بتعمليه مش عاجبها؟
ضحكت.
يعني؟
يعني هي شكت إنك بتقصدي حاجة.
هي عندها حق تشك.
سما!
نعم؟
إنتي عارفة حاجة عن الشركة؟
قلبي ما اتحركش.
ولا حتى رمشة عيني اتغيرت.
لأن السؤال ده كان متوقع.
قلت
شركة إيه؟
شركة بابا.
مالها؟
إنتي بتراجعي حساباتها؟
سكت لحظة.
وبعدين قلت
ليه بتسأل؟
هو كمان سكت.
وهنا فهمت.
المعلومة وصلت لهم.
مش عارفين التفاصيل.
لكن حد قال لهم إن فيه مراجعة مالية مستقلة.
وإن اسمي موجود فيها.
قلت
محمود، أنا مش هتكلم في التليفون.
قال بسرعة
يبقى تعالي البيت.
لأ.
سما، تعالي نتكلم زي الناس.
نتكلم في إيه؟
في كل حاجة.
لما أرجع، هنتكلم.
إمتى؟
مش عارفة.
قفلت.
ماعداش دقيقتين إلا ووائل اتصل.
رديت.
أيوه.
قال
إنتي شوفتي التقرير النهائي؟
لسه.
النسخة الأولية وصلتني.
وبعدين؟
النتائج أخطر مما كنا متوقعين.
بصيت قدامي.
قد إيه؟
حوالي سبعة وعشرين مليون جنيه في تحويلات مش مبررة.
سكت.
سبعة وعشرين مليون.
كنت عارفة إن الرقم كبير.
لكن لما سمعته بشكل مباشر، حسيت بثقل في صدري.
وائل كمل
وفيه حاجة تانية.
إيه؟
كل الطرق بتوصل لشركات مرتبطة بحسام ومحمود.
غمضت عيني.
أنا كنت عارفة.
بس سماعها من وائل كان مختلف.
هل فيه دليل مباشر على محمود؟
لسه بنجمع.
يعني مفيش حاجة مؤكدة؟
فيه توقيعات إلكترونية، وموافقات شراء، ورسائل بريد إلكتروني.
هو ممكن يقول إن الموظفين استخدموا اسمه.
ممكن.
يبقى ما نتسرعش.
أنا مش مستعجل.
ضحكت بمرارة.
بس هما مستعجلين.
مين؟
عيلته.
إيه اللي حصل؟
حكيت له باختصار عن اللي حصل في الخطوبة.
ضحك.
إنتي أخدتي الأكل؟
آه.
بصراحة؟ دي أول مرة أسمع إن حد بيحل مشكلة مالية بصينية محشي.
ضحكت.
المحشي مالوش دعوة.
أنا متأكد إن الأكل كان حلو.
كان ممتاز.
يبقى سيبيه في العربية.
ليه؟
لأن اللي هيحصل خلال الساعات الجاية مش هيبقى عادي.
سألته
تقصد إيه؟
حد حاول يدخل على مجلد المراجعة.
اتجمدت.
إمتى؟
من حوالي نص ساعة.
مين؟
الحساب كان مستخدم داخلي.
اسم المستخدم؟
وائل سكت.
وبعدين قال
محمود.
نزلت الموبايل من على ودني.
فضلت ساكتة.
أنا طول الوقت كنت بحاول أقنع نفسي إن محمود ممكن يكون مجرد موظف اتورط.
يمكن حد استخدم اسمه.
يمكن أخوه حسام.
يمكن أبوه.
يمكن حد من الإدارة.
لكن محاولة الدخول على ملفات المراجعة بعد ما عرفوا إني أنا اللي براجع؟