العلاقه بينا1
على ترابيزة قعدوا الأربعة بنات
داليا: انتي متغاظة منك يا ياسمين
ضحكت ياسمين و قالت: خالص بقي يا صبا
داليا: انتي نسيتي نفسك جوة
ياسمين: بجهز نفسي
علياء: بعد كده اعرفي أن في ناس عايشة معاكي
ياسمين: تمام
قالت صبا بعصبية: تخيلوا اول يوم و عندي محاضرات كتير..
ياسمين : أنا كمان عندي ٣ محاضرات
علياء ::ربنا يوفقنا و تكون سنة خير علينا
داليا:اللهم امين ،،انا الحمد لله شبعت ، اقوم امشي على الجامعة..
و بدأت البنات تروح الجامعة و كل واحدة فيهم مبهورة بالحياة الجديدة..
////////
عند ياسمين كانت بتتعرف على أصحاب جديد و يظهر قد ايه هي شخصية اجتماعية و سهل تكون صداقات جديدة،، ،رن تلفيونها،اول ما شافت الرقم ابتسمت ،بس ردت ببرود: نعم يا يونس.
يونس ابن عم ياسمين و يحبها و هي كمان بتحبه بس رغم كده ياسمين رافضة الخطوبة
قال يونس: عاملة ايه يا سوسو..
ياسمين ببرود: الحمد لله،انت عامل ايه؟
يونس:مش كويس علشان انتي بعيدة عني
ياسمين بعصبية: كفاية يا يونس بقي، بطل كلام عن الموضوع ده.
يونس: انا بحبك
قفلت الخط في وشه بعصبية, و كلمت نفسها بعصبية: انا سابت البيت و قررت اسكن في سكن الطالبات علشان ابعد عنك، ابعدي عني بقي ..
/////////
عند علياء، و دي عكس ما كانت تحاول تبيان أنها اجتماعية مع اصحابها، بس هي قاعدة على جنب لوحدها و ساكتة خالص ،قربت منها بنوتة لطفية و قالت: هاي
ردت علياء : هاي
قعدت جنبها و قالت: ممكن نتعرف.
بلعت ريقها بتوتر ،كأنها هتغرق في بحر، و بصعوبة قالت: يشرفني.
قالت البنت: انا سارة ،و انتي
علياء: علياء
سارة: عاشت الاسامي يا لولو
ضحكت علياء و قالت: لولو محدش بيدلعيني من زمان
قعد شاب معاهم و قال:مش تعرفيني يا سارة
شاورت سارة عليها و قالت : علياء،
و بعدين شاورت على الشاب و قالت: آسر معانا في سنة اولى و أبن خالتي.
آسر: يا مرحبا يا علياء
علياء: اهلا
سارة : يلا عندنا محاضرة
دخلوا التلاتة المحاضرة، و قعدت علياء و جنبها سارة و جنب سارة آسر ،و سارة و آسر مش مبطلين كلام و علياء تهز برأسها و خالص و مش عارفة تجريهم في الرغي ده
دخل الدكتور اللي قال بصوت عالي: لو خلصتوا كلام ممكن نبدا المحاضرة
كل الطلاب سكتوا و علياء اول ما سمعت صوته بصت في الأرض
بعد شوية خلصت المحاضره و بدأ الطلاب يخرجوا ،و الدكتور كان يلم حاجته ،قال آسر بصوت مسموع: سارة ،علياء يلا نأكل خاجة في الكافتيريا.
