العلاقه بينا1

و بص لها بغضب و قال:اطلعي برة ،بس الاول اعرفي اني مش معترف انك مراتي و لا بنت عمي،بس مع ذلك النفس اللي يخرج منك لازم يبقي بامر مني.

كانت خارجة من المكتب بس وافقت لما قال: نسيت اقولك ،البقاء لله ،مات .

بصت بصدمة و وقعت على الأرض بانهيار،،و صرخت و هي تسأل : مين اللي مات ،انطق

مردش عليه،سالت: رد عليا

رد ببرود: حبيب القلب

قامت من مكانها و خرجت من الاوضة من غير رد..
////
في الاعلام و بالتحديد في الكافتيريا، قاعدة صبا مع مجموعة بنات و تتكلم بكل حماس اي كلام ملوش لازمة  و كأنها عايزة تتكلم و بس، قالت رغد: انتي ماشاء الله عليكي جميلة اوي

بشكل تلقائي حطت ايديها على كتفها اليمين و هي بتضحك ضحكة مكسورة و قالت : شكرا انتي الاجمل

زينة: عندي سؤال ليه مدخلتيش جامعة المنصورة

صبا: كان حلمي ادخل جامعة القاهرة ، و علشان كده اخترت الغربة علشان احقق حلمي

رغد: ده من حظنا علشان نتعرف عليكي

ضحكت صبا من غير رد، بس وراء الضحكة دي وجع مخفي.
///////////////
عند داليا في كلية الطب

كانت قاعدة في قاعة المحاضرات مستنية دخول الدكتور،جاه حد من وراء حط ايده على كتفها، صرخت بهستريا و هي تقول: ابعد عني، ابعد عني، متلمسنيش

كل الموجودين اتصدموا، و اتكلمت البنت( أمل) بخوف : انا اسفة اني خضيتك ،كنت هطلب منك تعديني.

خبت داليا وشها،و هي تحاول تهدي نفسها ،كان جسمها يرتعش، رفعت امل ايديها بنية تحتضنها ،بس بعدت ايديها.

دخل الدكتور و قعدت امل في مكان تاني ،و داليا مكنتش مركزة في أي كلام، و ذكريات سيئة تدور في عقلها

بعد المحاضرة ما خلصت ،قالت امل بندم: انا اسفة

خرجت داليا من القاعة من غير رد
////////
انتهى اول يوم في الجامعة
كل بنت قاعدة على سريرها، إضاءة الاوضة خفيفة ،و ظاهر عليهم الأربعة الحزن، و كان أول يوم جامعة سبب فتح جروح لسه بتنزف.

صبا حطه ايديها على كتفها و تفتكر كلمة رغد: انتي جميلة

و داليا ضمها نفسها بايديها و لسه في رعشة بسيطة في جسمها، و تفتكر اللي حصل.

أما علياء اللي بتضحك بكسرة و هي بتفكر قاسم و ازاي رفضها بمنتهي القسوة

و ياسمين و اه من ياسمين و هي اللي غاوية توجع قلبها بايديها.

بصت صبا حواليها و حاولت تخفف عن نفسها و عنهم لما قالت: هو اللي واضح أن اليوم مكنش الطف حاجة