السر المدفون2
رافع فضل باصص لمريم، وكأنه بيحاول يستوعب آخر جملة قالتها. البيت اللي فيه الدليل الوحيد على براءة أبوها بقى ملك الراجل اللي خطفها، واللي قتـ,ـل فؤاد الشناوي، واللي واضح إنه مستعد يعمل أي حاجة عشان السر يفضل مدفون. رافع سألها بصوت هادي:
«إنتِ متأكدة إن الظرف لسه هناك؟»
مريم هزت راسها.«أيوه. أبويا بنفسه وراني المكان قبل ما يمـ,ـوت بيومين. قال لي إن فيه حاجات لو اتعرفت ممكن تأذي ناس كتير، وإن الظرف ده أمانة عندي. وقتها ما فهمتش قصده، وكنت فاكرة إنه بيتكلم عن شغل عادي.»
سكتت لحظة، وبعدها كملت:
«بعد مـ,ـوته، حاولت أرجع البيت وأدور عليه، لكن عمي قال لي إن مفيش حاجة هناك، وإن أبويا ما سابش أي أوراق. وبعدها بفترة قصيرة، البيت اتباع، ومحدش رضي يقول لي مين اشتراه.»
رافع بص لبرونو.«عايز عنوان البيت القديم، واسم المالك الحالي، وكل المعلومات اللي نقدر نوصل لها عنه.
»
برونو رد فورًا:
«حاضر يا باشا.»
لكن مريم مسكت طرف كم رافع قبل ما يتحرك.«استنى.»
بصلها. كانت مترددة، لكن واضح إن فيه حاجة أكبر من مجرد الظرف شاغلة بالها.«أنا لازم أقولك حاجة قبل ما نروح هناك.»
«قولي.»
مريم أخدت نفس عميق.
«أبويا قبل ما يمـ,ـوت بيوم، كان بيتخانق مع حد في التليفون. أنا كنت في أوضتي، وسمعته بيقول: إنت وعدتني إن البنت مش هيحصل لها حاجة. وبعدها سكت شوية، وقال: لو حصل لي حاجة، رافع لازم يعرف.»
رافع اتجمد.«قال اسمي؟»
مريم هزت راسها.
«أيوه. أنا ما كنتش أعرف مين رافع ده وقتها، ولا حتى فكرت في الموضوع بعد وفاة أبويا. لكن لما شفت صورتك مع أبوك في الجريدة، افتكرت الاسم. أبويا كان كاتب اسمك في ورقة قديمة، وأنا لسه محتفظة بيها.»
رافع حس إن قلبه بيدق بعنف.«معاكي الورقة دي؟
»
«لأ. سبتها في البيت القديم، في درج المكتب بتاع أبويا.»
رافع بص لبرونو، وقال:
«يبقى مش هنستنى لبكرة.»
مريم اعترضت بسرعة:
«إنت مش فاهم. الراجل اللي اشترى البيت مش شخص عادي. أنا شفته مرة من بعيد بعد وفاة أبويا، وكان بيتكلم مع عمي.
أول ما شافني، سكتوا الاتنين، وبعدها عمي طلب مني أرجع البيت وما أسألش عن أي حاجة تخص الشغل تاني.»
رافع سألها:
«فاكرة شكله؟»
مريم أغمضت عينيها وهي بتحاول تسترجع الصورة القديمة.«طويل، شعره أبيض، وفيه علامة كبيرة جنب عينه اليمين.»
برونو بص لرافع بصدمة.
