اتجوزني علشان ينتقم1

«مفهوم.»
لكن قبل ما حد يتحرك، نورهان لاحظت إن محمود بيبص للمفتاح بخوف مش طبيعي. مسكت دراعه وقالت:
«إنت مخبي حاجة تانية، صح؟»
محمود حاول يفلت إيده.«لأ…»
نورهان شدت عليه.«بص في عيني وقول إنك مش مخبي حاجة!»
محمود انهار فجأة، وقال بصوت مبحوح:

«المفتاح ده مش بتاع الدليل يا نورهان… ده مفتاح أوضة تحت الأرض في الفيلا القديمة.»
آدم سأله:
«وأوضة إيه دي؟»
محمود بص لنورهان، ودموعه بتنزل.«الأوضة اللي أبوكي كان بيحبسك فيها كل ما تحاولي تفتكري اللي حصل ليلة م. حسن.»
نورهان حسّت إن نفسها اتسحب منها.

لكن محمود كمل الجملة اللي خلتها تتراجع لورا وهي حاطة إيدها على صدـ,,ـــرها:
«وفي آخر مرة دخلتيها، يا نورهان… إنتِ مكنتيش لوحدك.»
رفعت عينيها له ببطء.«مين كان معايا؟»
محمود بلع ريقه، وبص لآدم قبل ما يرد:
«أمك… اللي أبوكي قال لكم إنها ماتت من خمستاشر سنة.

»نورهان حست إن رجليها مش شايلينها، وبصت لمحمود وهي مش مصدقة اللي سمعته.«إنت قلت إيه؟! أمي؟! أمي اللي ماتت وأنا عندي عشر سنين؟!»
محمود نزل عينيه في الأرض، ومقدرش يبصلها.«أمك مماتتش يا نورهان… أبوكي هو اللي قال لكم كده.

»
نورهان هزت راسها بعنــ,,ـــــف، والدموع غرقت وشها.«كداب! إنت كداب! أنا حضرت جنازتها! أنا شفت النعش بعيني!»
محمود رد بصوت مكسور: «النعش كان مقفول، يا نورهان… وإنتِ كنتِ طفلة، وأبوكي قال لك إن وشها اتشوّه في الدــ,,ـــــادثة ومينفعش تشوفيها.»

نورهان حطت إيديها على ودانها، كأنها بتحاول تمنع الكلام من إنه يوصل لقلبها.«اسكت! اسكت بقى!»
لكن محمود كمل، ودموعه بتنزل:
«أنا كنت صغير وخايف، وأبويا هدّدني لو قلت لك الحقيقة. أمك كانت عايشة في الفيلا القديمة، في أوضة تحت الأرض.

.. وأبوكي كان بيحبسها هناك كل ما ترفض تساعده.»
آدم اتدخل بعصبية: «تساعده في إيه؟!»
محمود بص له وقال: «في تزوير الأوراق، وإخفاء الفلوس، وكل الشغل القذر اللي كان بيعمله مع أبوك.»
آدم قرب منه ومسكه من ياقة قميصه.«إنت بتقول إن أبويا كان شريك جلال المنشاوي؟

!»
«أيوه.»
آدم زقه بعيد عنه، وفضل يلف في المكتب زي الأسد المحبوس. طول عمره فاكر إن عيلته اتدمرت بسبب خيانة المنشاوية، وإن أبوه مات وهو بيحاول يحميهم. دلوقتي كل حاجة اتقلبت، وبقى مش عارف مين المجرم ومين الضحية.