طبقات فرقتنا
بصي أمه متعرفش بعلاقتي مع أكنان ف بالتالي أنت بس اللي هتتعرفي عليها كأنك زوجة لابنها وأنا هكون معاكي علشان ماينفعش تروحي هناك لوحدك ولو حصل وبابا عرف قولي أنك كنت بتجيبي ورق مثلا لمصطفى وأنا روحت معاكي نظرت لها سما بدهشة من حديثها والذي قد رتبته في لحظات لتقول دا أنت أكنان محفظك بقى! ابتسمت منة ثم هتفت قائلة بلين ولا محفظني ولا حاجه الحكاية وما فيها أن والدته طلبت من مصطفى تشوفك قبل ما تيجي تخطبك
ولما مصطفى غلب معاكي أكنان قالي أحاول اقنعك جلست سما أمامها على المكتب الصغير الخاص بشقيقتها واردفت باستغراب وهي عايزه تشوفني في بيتها ليه أنا مش مرتاحه للحوار ده وبعدين أنا أصلا رفضت وقولت ل مصطفى إني مش هروح وأنا قولت ل أكنان هنروح يا سما خلاص بقى الله … وبعدين دي حم*اتك نظرت إليها سما ضاحكة بعدما ضحكت الأخرى بخفوت وهي تسخر من تلك الكلمة. هتفت ببرود واستعلاء موجهه حديثها إلى منة الجالسة بجوار شقيقتها
وأنت بقى طلعتي مع أكنان في الكلية … اممم أول مرة أعرف ابتسمت منة بوجهها ب سخافة والتي في الأصل لم ترتاح إليها منذ أن دلفت إلى هذه الفيلا ولكن نظرات أكنان إليها والتي كانت تحاول تهدئتها لأنه يعلم بمدى چنونها وكم يدري أن لسانها سليط يفلت منها في وجه أي شخص عادت برأسها إلى سما الجالسة بخجل شديد يظهر جليا على ملامحها وعلى أص*ابع يدها التي تضغط عليهم پعنــ . ــف نظرت لها بسخ*رية ثم هتفت ببرود وتهكم قائلة
عايزة كام وتمشي.. نظرت إليها سما وقد ظنت أنها لا تحـ .ــادثها لتجد نظرها موجه إليها منتظره ردا منها فهتفت باستغراب وبعض من الدهشة نعم … هو حضرتك بتكلميني تعالت ضحكات والدتهم فظة الحديث لتقول مرة أخرى بهدوء أكثر وتوضيح أدق وهي تنظر إليها بقولك عايزه كام وتمشي وتسيبي ابني في حالة أنت عارفه طبعا أنه مش مستواكي وقفت هي وشقيقتها على الفور بعد أن وصلت كلم*ات والدته إليها بالشكل الصحيح لتهتف منة بحدة في أكنان قائلة
ايه اللي والدتك بتقوله ده يا أكنان هو فيه ايه وقف مصطفى و أكنان أيضا على أقدامهم ليذهب مصطفى إلى والدته يعاتبها بشدة والضيق يحتل ملامحه ايه اللي حضرتك بتقوليه ده … كل اللي بتعمليه غلط أرجوك بلاش وقفت هي الأخرى ثم صاحت بحدة وعصبية وقد علا صوتها وهي تصيح قائلة بلاش ايه يا ولد أنت هتنسى إني أمك … أنا عارفه أنا بعمل ايه كويس جايبلي واحدة بتشتغل عندك هي وأبوها وعايز تتجوزها وأخوك المحترم شكله هو كمان مظبط مع الجربوعة التانية دي…
