احببتك ولكن3
حسام : إزيك يا سارة.
سارة: إزيك إنت يا حسام؟ وحشتني أوي! كل ده مشوفكش؟ سمعت إنك سافرت مصر من سنتين، بس كويس إنك رجعت تاني.
هنا وهي تنظر إليها وتفحصتها بنظرة ثاقبة، فسارة فتاة جميلة للغاية، كما أنها تتحدث العربية بطلاقة…
هنا بغيرة في نفسها: شكل معارفك كتير يا سي حسام…
حسام وقد لاحظ نظرات هنا نحو سارة.
حسام: أحب أعرفك هنا، مراتي.
سارة بتفاجؤ: إيه ده؟ بجد اتجوزت؟ مبرووووك!
ثم مدت يدها و صافحت هنا.
سارة: أنا لازم أشوفك تاني يا حسام قبل ما تمشي… باي.
ابتسم حسام، ثم التفت إلى هنا فوجدها تشتعل غضبًا.
حسام ليستفزها: حلوة صح؟
هنا بغيظ: لأ، مش حلوة خالص.
عقد حسام ما بين حاجبيه و قال:
طيب يلا تعالي أفرجك على البحيرة اللي فيها البط.
اقتربت منه وأمسكت يده ، فنظر إليها حسام بدهشة، فلاحظت ذلك، فتركت يده سريعًا.
هنا: آسفة يا حسام.
تلاشت ابتسامة حسام في تلك اللحظة وقال:
ـ ولا يهمك.
حسام في نفسه: وأنا اللي كنت فاكر إنها ماسكة إيدي بقصد… ، أظاهر إن نهاية حياتنا قربت يا هنا…
بدأوا يشاهدون البط العائم داخل البحيرة، ولكن حسام كان شاردًا، أحست هنا بهذا وقالت.
ـ أنا تعبت، يلا نروح.
هز حسام لها رأسه وأشار إليها بأن تتحرك أمامه وعندما وصلوا إلى المنزل…
رن هاتف حسام، وكان محمود والد هنا.
محمود: إزيك يا حسام؟ أخبارك إيه إنت وهنا؟
حسام: الحمد لله يا عمي بخير، وأخبار صحتك إيه؟
محمود: بخير يا حبيبي.
حسام: يا رب دايمًا… هنا معاك أهه.
هنا بدموع: وحشتني أوي يا بابا…
محمود وهو يحاول أن يمسك نفسه حتى لا يبكي:
ـ وإنتِ أكتر يا حبيبة بابا، وبطلي عياط لأحسن أزعل منك، فاهمة؟
هنا: حاضر…
بعد انتهاء المكالمة، جلست هنا على الأريكة وأجهشت بالبكاء.
حسام: مالك؟ فيكي حاجة؟ عمو محمود فيه حاجة؟
هنا وهي تعطيه ظهرها: لأ، مافيش حاجة، بس وحشني أوي.
حسام وقد أحس أن نبرة صوتها ليست طبيعية: هنا، بصيلي.
ولكن لم تستجب له، ثم جذبها ناحيته ليرى ما بها.
هنا والدموع في عينيها: بابا وحشني أوي يا حسام.
حسام بإشفاق على حالها: خلاص متعيطيش، ما إنتِ خلاص راجعاله.
زادت هنا في البكاء، ولكن ليس على والدها الآن، وإنما عندما سمعت منه ما سوف يحدث قريباً.
حسام: بتعيطي ليه تاني؟
ثم أخذ يمسح دموعها، فمهما حدث بينهما لا يتحمل أن يراها هكذا.
تصلب جسده عندما فوجئ بها تضع رأسها على صدره.
