احببتك ولكن3
رواية أحببتك ولكن.
بقلم سهام صادق.
**البــــــارتــــ الســــابع والثــلاثــــون**
هنا وهي تنظر لحسام:
ـ مين يا حبيبي اللي بيتصل بيك؟
حسام، وقد بدأت تعبيرات وجهه تتغير:
ـ دي شاهندة.
هنا:
ـ وهي بتتصل بيك ليه بقى؟
حسام، وهو يرد عليها:
ـ أيوه يا شاهندة… طيب، جيلك على طول.
هنا بغيرة بعد أنهى مكالمته مع شاهندة:
ـ نعم؟ عايزاك في إيه وكمان هتروحلها؟! لأ، مش هتروح يا حسام.
حسام بتعقل وهو يحاول أن يقنعها:
ـ يا حبيبتي، هي مسافرة في طيارة الساعة 12 وعايزة تقابلني قبل ما تسافر. وكمان عايزك تفهمي حاجة واحدة وتفهميها كويس أوي، أنا عمري ما حبيت ولا هحب حد غيرك، وشاهندة مجرد صديقة، فاهمة؟
هنا:
ـ بس يا حسام، أنا مبحبش شاهندة ، وتصرفاتها مش تمام غير بقى أنها كانت حبيبتك وفي حاجات حاولت تعملها علشان تفرقنا.
حسام بعدم فهم:
ـ إزاي يعني؟
أنتبهت هنا أنها ارتكبت خطأ عندما قالت له هذا، فماذا ستفسر له؟ إنها رأته معها في يوم الحفلة وهم قريبان من بعضهما ولا مسافة بينهما وداخل غرفة نوم، وأن رزان وشاهندة كانتا تريدان إيقاعه في فخهما، وأنها كانت تعامله بقسوة وكره لأنها شكت به؟
تنهدت وقالت:
ـ أنت مكنتس واخد بالك من تصرفاتها لما ظهرت تاني في حياتك.
هز حسام رأسه وقد تفهم غيرتها :
ـ مافيش حد مالي عيني ولا هيملى عيني غيرك، فاهمة.
ابتسمت هنا ابتسامة واسعة ، فقال:
ـ أنا قايم أغير هدومي وأروح أقابلها.
هنا بضيق بسبب تصميمه على مقابلة شاهندة حتى يعرف سبب أتصالها به:
ـ يا ترى يا شاهندة عايزة إيه؟ أنا مش بطمنلها… بس رزان شكلها كانت صادقة فعلًا لما قالت إنها جاية سويسرا وإني أحترس منها.
…
جلس حسام على إحدى طاولات المطعم، بينما كانت شاهندة تجلس أمامه.
حسام:
ـ ها يا شاهندة، كنتِ عايزاني في إيه؟
شاهندة بأسى بسبب جفائه معها:
ـ مافيش، إزيك أو عامله إيه؟ ده أنا حتى زعلانة منك أوي يا حسام بسبب آخر مرة طردتني من شركتك.
ثم بدأت تتصنع البكاء.
حسام:
ـ شاهندة، مش وقت عتاب، قولي عايزة إيه.
شاهندة:
ـ حسام، إنت عارف أنا لسه بحبك قد إيه. برغم معاملتك ليا، بس أنا لسه بحبك يا حسام، وصدقني سعادتك معايا أنا، مش مع مراتك اللي كانت بتخونك مع محمد.
حسام بضيق:
ـ بصي يا شاهندة، هقولك حاجة افهميها كويس أو متفهميهاش عادي برضوه… أنا بحب هنا، ومش بحبها بس، أنا بعشقها. وكمان اللي بيني وبينك انتهى من زمان وكل واحد فينا شاف حياته.
